ದಕ್ಷಿಣ ಕನ್ನಡ (Dakshina Kannada) ಜಿಲ್ಲೆಯ ಕಿರೀಟಕ್ಕೆ ಮತ್ತೊಂದು ಗರಿ ಮೂಡಿದೆ. ರಾಷ್ಟ್ರೀಯ ಕ್ರೀಡಾ ದಿನಾಚರಣೆ-2026ರ ಅಂಗವಾಗಿ ಆಯೋಜಿಸಲಾದ ಈಜು ಸ್ಪರ್ಧೆ (Swimming Competition) ಹಾಗೂ ರಾಜ್ಯ ಮಟ್ಟದ ಫಿನ್ಸ್ ಈಜು ಸ್ಪರ್ಧೆ-2026ರಲ್ಲಿ ಮಂಗಳೂರಿನ ‘ವೀ ವನ್ ಅಕ್ವಾ ಸೆಂಟರ್’ನ ಕ್ರೀಡಾಪಟುಗಳು ಅಸಾಧಾರಣ ಹಾಗೂ ಅಭೂತಪೂರ್ವ ಸಾಧನೆ (Achievement) ಮಾಡಿದ್ದಾರೆ. ಈ ಮೂಲಕ ಇಡೀ ರಾಜ್ಯದ ಗಮನ ಸೆಳೆದಿದ್ದಾರೆ. ವಿವಿಧ ವಯೋಮಾನದ ವಿಭಾಗಗಳಲ್ಲಿ ಕಣಕ್ಕಿಳಿದ ಪುಟಾಣಿ ಹಾಗೂ ಯುವ ಈಜುಪಟುಗಳು ತಮ್ಮ ಅದ್ಭುತ ಕೌಶಲ್ಯದಿಂದ ಒಟ್ಟು 102 ಪದಕಗಳನ್ನು ಬಾಚಿಕೊಳ್ಳುವ ಮೂಲಕ ಇತಿಹಾಸ (History) ನಿರ್ಮಿಸಿದ್ದಾರೆ. ಈ ಮಹತ್ವದ ಸಾಧನೆಯಲ್ಲಿ ಕ್ರೀಡಾಪಟುಗಳು ಒಟ್ಟು 50 ಚಿನ್ನ, 27 ಬೆಳ್ಳಿ ಹಾಗೂ 25 ಕಂಚಿನ ಪದಕಗಳನ್ನು ತಮ್ಮದಾಗಿಸಿಕೊಂಡಿದ್ದಾರೆ.