ಕೊರೋನಾ ಸಂಕಟದ ಮಧ್ಯೆ ಚೀನಾ ದೇಶದವರು ಗಡಿಭಾಗದಲ್ಲಿ ಕಾಲು ಕೆರೆದುಕೊಂಡು ಜಗಳಕ್ಕೆ ಬರುತ್ತಿದ್ದಾರೆ. ಸಾವಿರಾರು ಕಿಮೀಯಷ್ಟು ಸುದೀರ್ಘ ಗಡಿಭಾಗ ಹಂಚಿಕೊಂಡಿರುವ ಚೀನಾದಿಂದ ಗಡಿತಂಟೆ ಹೊಸದೇನಲ್ಲ. ಸಿಕ್ಕಿಂ, ಅರುಣಾಚಲಪ್ರದೇಶ, ಲಡಾಖ್ ಮೊದಲಾದ ಕಡೆ ಚೀನಾದವರು ಪದೇ ಪದೇ ಗಡಿ ಅತಿಕ್ರಮಣಕ್ಕೆ ಪ್ರಯತ್ನಿಸುತ್ತಲೇ ಇರುತ್ತಾರೆ. ಇತ್ತೀಚೆಗೆ ಲಡಾಖ್​ನ ಪ್ಯಾಂಗೋಂಗ್ ಟ್ಸೋ ಸರೋವರದ ಬಳಿ ಭಾರತದ ಗಡಿಭಾಗ ಪ್ರವೇಶಿಸಿದ ಚೀನೀ ಸೈನಿಕರು ಭಾರತೀಯ ಸೈನಿಕರ ವಿರುದ್ಧವೇ ದರ್ಪ ತೋರುತ್ತಿದ್ದಾರೆ. ಇದು ದೊಡ್ಡ ಮಟ್ಟಕ್ಕೆ ಹೋಗಿ ನಿಲ್ಲುವ ಸಾಧ್ಯತೆ ಇಲ್ಲದಿಲ್ಲ ಎಂದು ಪರಿಣಿತರು ಎಚ್ಚರಿಸುತ್ತಿದ್ದಾರೆ.