ದಿಲೀಪ್ ರಾಜ್ ಎಲ್ಲದರಲ್ಲೂ ಆ್ಯಕ್ಟೀವ್ ಆಗಿದ್ದರು. ಕಾಲೇಜು ದಿನಗಳಲ್ಲಿ ಡ್ಯಾನ್ಸ್ ಟ್ರೂಪ್ ಅಲ್ಲೂ ಇದ್ದರು. ನಾಟಕಗಳನ್ನೂ ಮಾಡ್ತಾ ಇದ್ದರು. ಕಾಲೇಜಿಗೆ ಒಂದಿಲ್ಲ ಒಂದು ಕಪ್ ತೆಗೆದು ಕೊಂಡು ಬರೋರು. ನಟ ನವೀನ್ ಕೃಷ್ಣ ಸೆಕೆಂಡ್ ಇದ್ದರೆ, ದಿಲೀಪ್ ಫಸ್ಟ್ ಇರ್ತಾ ಇದ್ದರು.

(ಚಿತ್ರ ಕೃಪೆ: ಶ್ರೀವಿದ್ಯಾ ರಾಜ್ ಇನ್‌ಸ್ಟಾಗ್ರಾಮ್)

ದಿಲೀಪ್ ರಾಜ್ ಅವರನ್ನ ಶ್ರೀವಿದ್ಯಾ ಮಿಸ್ ಮಾಡಿಕೊಳ್ಳುತ್ತಿದ್ದಾರೆ. ಅದೆಷ್ಟು ಅನ್ನೋದು ಇನ್‌ಸ್ಟಾಗ್ರಾಮ್‌ನ ಅವರ ಪೋಸ್ಟ್ ನೋಡಿದ್ರೆ ಸಾಕಾಗುತ್ತದೆ.

ಈ ಒಂದು ದೃಶ್ಯವನ್ನ ಹಂಚಿಕೊಂಡ ಶ್ರೀವಿದ್ಯಾ, ನನ್ನ ಪತಿ ಹಂಕ್ ಅಂತಲೇ ಬರೆದುಕೊಂಡಿದ್ದಾರೆ. “Hunk” ಅಂತ ಒಂದೇ ಒಂದು ಪದ ಬರೆದುಕೊಂಡಿದ್ದಾರೆ.

ಒಟ್ಟಿಗೆ ಓಡಾಡಿದ ದಿನಗಳು…

(ಚಿತ್ರ ಕೃಪೆ: ಶ್ರೀವಿದ್ಯಾ ರಾಜ್ ಇನ್‌ಸ್ಟಾಗ್ರಾಮ್)

ದಿಲೀಪ್ ರಾಜ್ ಅವರು ಹೋಗಿ 6 ದಿನಗಳು ಕಳೆದಿವೆ. ಮೇ-13 ರಂದು ಹೃದಯಾಘಾತದಿಂದ ಇವರು ಕೊನೆಯುಸಿರೆಳೆದರು. ಇದರಿಂದ ಇಡೀ ಫ್ಯಾಮಿಲಿ ಆ ಶಾಕ್ ಅಲ್ಲಿಯೇ ಇದೆ.

ಮಕ್ಕಳಾದ ಅದಿತಿ ಮತ್ತು ಧೃತಿ ಅಪ್ಪನನ್ನ ಮಿಸ್ ಮಾಡಿಕೊಳ್ಳುತ್ತಿದ್ದಾರೆ. ಪತ್ನಿ ಶ್ರೀವಿದ್ಯಾ ಕೂಡ ದಿಲೀಪ್ ರಾಜ್ ನೆನಪಿನಲ್ಲಿಯೇ ಇದ್ದಾರೆ. ಪತಿ ಜೊತೆಗಿನ ವಿಡಿಯೋಗಳನ್ನೆ ಒಂದೊಂದಾಗಿಯೇ ಹಂಚಿಕೊಳ್ಳುತ್ತಿದ್ದಾರೆ.

ಶ್ರೀವಿದ್ಯಾ ಮತ್ತು ದಿಲೀಪ್ ರಾಜ್ ಒಟ್ಟಿಗೆ ಸಾಕಷ್ಟು ಟೈಮ್ ಕಳೆದಿದ್ದಾರೆ. ಫ್ಯಾಮಿಲಿಗೆ ಟೈಮ್ ಕೊಡೋಕೆ ಆಗ್ಲಿಲ್ಲ. ಈಗ ಕೊಡ್ತಾ ಇದ್ದೇನೆ ಅಂತ ದಿಲೀಪ್ ರಾಜ್ ಅವರು ರಾಪಿಡ್ ರಶ್ಮಿ ಅವರ ಜಸ್ಟ್ ಕ್ಯೂರಿಯಸ್ ಪಾಡ್ ಕಾಸ್ಟ್ ಅಲ್ಲಿಯೇ ಹೇಳಿಕೊಂಡಿದ್ದರು.