ರುಚಿಕಾ ಸಿಂಗ್ ಎಂದಿಗೂ ತಮ್ಮ ಸಲೂನ್‌ನಲ್ಲಿ ಕೆಲಸಗಾರರಾಗಿ ಉದ್ಯೋಗದಲ್ಲಿ ಇರಲಿಲ್ಲ, ಬದಲಿಗೆ ಕೇವಲ ನೇಲ್ ಆರ್ಟ್ ಕಲಿಯಲು ಬರುತ್ತಿದ್ದರು. ರುಚಿಕಾ ಸುಮಾರು ಎರಡು ವಾರಗಳ ಕಾಲ ಸಲೂನ್‌ನಲ್ಲಿ ನೇಲ್ ಆರ್ಟ್ ಕಲಿಯುತ್ತಿದ್ದರು. ಆದರೆ ಅವರ ನಿಜ ಹೆಸರಿನಲ್ಲಿ ಅಲ್ಲ, ಮೆನ್ಶಿಲ್ ಎಂಬ ನಕಲಿ ಹೆಸರಿನಲ್ಲಿ ಕೆಲಸ ಮಾಡುತ್ತಿದ್ದರು ಎಂದು ಟಿ.ಪಿ. ತ್ರಿಪಾಠಿ ಹೇಳಿದ್ದಾರೆ. ಸಲೂನ್‌ನಲ್ಲಿ ಕಡ್ಡಾಯವಾಗಿ ಸಲ್ಲಿಸಬೇಕಾದ ಆಧಾರ್ ಕಾರ್ಡ್‌ನಂತಹ ಯಾವುದೇ ಅಧಿಕೃತ ಗುರುತಿನ ಚೀಟಿಗಳನ್ನು ಅವರು ನೀಡಿರಲಿಲ್ಲ.

ವೈರಲ್ ವಿಡಿಯೋದಲ್ಲಿ ಮೋದಿ ವಿರುದ್ಧ ರುಚಿಕಾ ಬಳಸಿರುವ ಭಾಷೆಯನ್ನು ತ್ರಿಪಾಠಿ ತೀವ್ರವಾಗಿ ಖಂಡಿಸಿದ್ದಾರೆ. ಭಾರತದ ಪ್ರಧಾನಮಂತ್ರಿಯ ವಿರುದ್ಧ ಅಂತಹ ಅಸಭ್ಯ ಭಾಷೆ ಬಳಸುವುದು ಸ್ವೀಕಾರಾರ್ಹವಲ್ಲ. ಆಕೆ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳಬೇಕೆಂದು ಆಗ್ರಹಿಸಿದ್ದಾರೆ.

ರುಚಿಕಾ ಅವರ ತಾಯಿ ಈ ಘಟನೆಗೆ ತೀವ್ರ ವಿಷಾದ ವ್ಯಕ್ತಪಡಿಸಿದ್ದಾರೆಂದು ಸಲೂನ್‌ನಲ್ಲಿ ರುಚಿಕಾ ಸಹದ್ಯೋಗಿ ಶಾಲಿನಿ ತಿಳಿಸಿದ್ದಾರೆ. ಶಾಲಿನಿ ಅವರೊಂದಿಗೆ ದೂರವಾಣಿ ಮಾತುಕತೆ ನಡೆಸಿದ ತಾಯಿ, “ಈ ಇಡೀ ಘಟನೆಯಿಂದ ನಮಗೆ ತೀವ್ರ ನಾಚಿಕೆ ಮತ್ತು ದುಃಖವಾಗಿದೆ” ಎಂದು ಹೇಳಿಕೊಂಡಿದ್ದಾರೆ.

ಮಾತು ಮುಂದುವರಿಸಿದ ಶಾಲಿನಿ ಅವರು ರುಚಿಕಾ ಸ್ವತಃ ಮಾಧ್ಯಮ ಮತ್ತು ಸಾರ್ವಜನಿಕರ ಮುಂದೆ ಬಂದು ತನ್ನ ಕೃತ್ಯಕ್ಕಾಗಿ ಇಡೀ ದೇಶದ ಕ್ಷಮೆಯಾಚಿಸಬೇಕು ಎಂದು ಆಗ್ರಹಿಸಿದ್ದಾರೆ.