ಇದು ಮುದ್ದಾದ ಜೋಡಿಯ ನಡುವೆ ಬರುವ ಒಂದು ಹಾರಿಫಿಕ್ ದೆವ್ವದ ಸ್ಟೋರಿ. ವಿವಾಹಿತ ಯುವತಿಯನ್ನು ತನ್ನದೇ ವಧು ಎಂದು ಬಿಟ್ಟೂ ಬಿಡದೆ ಕಾಡುವ ದೆವ್ವ ಚಂದದ ಜೋಡಿಯ ಜೀವನವನ್ನು ಹಿಂಡಿ ಬಿಡುತ್ತದೆ. ಆ ಸಿನಿಮಾ ಯಾವುದು? ಎಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ? ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ.

ಈ ಸಿನಿಮಾ ಪೆಂಗೆನ್ಟಿನ್ ಸೆತಾನ್. ಈ ಕಥೆಯು ವಿವಾಹಿತ ದಂಪತಿ ಕುರಿತಾಗಿದೆ. ಇಚಾ (ಎರಿಕಾ ಕಾರ್ಲಿನಾ) ಮತ್ತು ಏರಿಯಲ್ (ಎಮಿರ್ ಮಹಿರಾ). ಇಬ್ಬರ ನಡುವಿನ ಸಂಬಂಧವು ಸ್ವಲ್ಪ ಹಳಿ ತಪ್ಪಿರುತ್ತದೆ. ಆಗ ಇಚಾಗೆ ಚಿತ್ರ ವಿಚಿತ್ರ ಕನಸುಗಳು ಬರೋಕೆ ಶುರುವಾಗುತ್ತದೆ. ಒಬ್ಬ ನಿಗೂಢ ವ್ಯಕ್ತಿ ಅವಳ ಕನಸಿನಲ್ಲಿ ಅವಳನ್ನು ಸಮಾಧಾನಪಡಿಸೋಕೆ ಶುರು ಮಾಡುತ್ತಾನೆ.

ವಿಶಿಷ್ಟ ಹಾರರ್ ಅನುಭವ ನೀಡುವ ಪೆಂಗೆನ್ಟಿನ್ ಸೆತಾನ್ ಅಥವಾ ‘ದಿ ಡೆವಿಲ್ಸ್ ಬ್ರೈಡ್’ ಅನ್ನು ವಿಶೇಷವಾಗಿಸುವುದು ಇಂಡೋನೇಷಿಯನ್ ಜಾನಪದದ ಕಥೆ ಮತ್ತು ಇಸ್ಲಾಮಿಕ್ ಪಿಶಾಚಿ ಉಚ್ಛಾಟಿಸುವ ಆಚರಣೆಗಳ ಸಂಯೋಜನೆಯಾಗಿದೆ.

ನಿರ್ದೇಶಕರು ಈ ಅಂಶಗಳನ್ನು ಆಧುನಿಕ ಸಿನಿಮೀಯ ತಂತ್ರಗಳೊಂದಿಗೆ ಸುಂದರವಾಗಿ ಸಂಯೋಜಿಸಿ ಸಸ್ಪೆನ್ಸ್ ಮತ್ತು ಸಾಂಸ್ಕೃತಿಕ ಆಳದಿಂದ ತುಂಬಿರುವ ಭಯಾನಕ ಹಾರರ್ ಜಗತ್ತನ್ನು ಸೃಷ್ಟಿಸುತ್ತಾರೆ. ಚಿತ್ರದಲ್ಲಿ ನೆರಳುಗಳು, ಮೂಕ ಕ್ಷಣಗಳು ಮತ್ತು ಹಠಾತ್ ಜಂಪ್‌ಸ್ಕೇರ್‌ಗಳ ಬಳಕೆಯು ಸಿನಿಮಾದ ಉದ್ದಕ್ಕೂ ನಿಮ್ಮ ಎದೆ ಬಡಿತ ಹೆಚ್ಚಿಸುತ್ತಲೇ ಇರುತ್ತದೆ.