ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಕ್ರೀಡಾ ಸಂಬಂಧಗಳ ಶತಮಾನೋತ್ಸವದ ಸ್ಮರಣಾರ್ಥವಾಗಿ, ಕಿವೀಸ್ ತಂಡವು ಟೀಮ್ ಇಂಡಿಯಾಕ್ಕಾಗಿ ಮೆಗಾ ಪ್ರವಾಸವನ್ನು ಆಯೋಜಿಸಲಿದೆ. ಒಟ್ಟಾರೆ 40 ದಿನಗಳವರೆಗೆ ಕ್ರಿಕೆಟ್ ಅಭಿಮಾನಿಗಳನ್ನು ರಂಜಿಸಲು ವಿನ್ಯಾಸಗೊಳಿಸಲಾದ ಈ ಪ್ರವಾಸದಲ್ಲಿ ಟೆಸ್ಟ್, ಟಿ 20 ಮತ್ತು ಏಕದಿನ ಪಂದ್ಯಗಳನ್ನು ಒಳಗೊಂಡ ಸಮಗ್ರ ಸರಣಿಯನ್ನು ರೂಪಿಸಲಾಗಿದೆ. ಭಾರತ ತಂಡವು ಅಕ್ಟೋಬರ್ 22 ರಿಂದ ಡಿಸೆಂಬರ್ 1 ರವರೆಗೆ ನ್ಯೂಜಿಲೆಂಡ್ ಪ್ರವಾಸ ಕೈಗೊಳ್ಳಲಿದೆ. ಈ ಪ್ರವಾಸದ ಒಂದು ಪ್ರಮುಖ ಅಂಶವೆಂದರೆ ಐದು ಟಿ20ಗಳು, ಐದು ಏಕದಿನ ಪಂದ್ಯಗಳು.
ಟೀಮ್ ಇಂಡಿಯಾದ ಮುಂಬರುವ ಪ್ರವಾಸವು ನ್ಯೂಜಿಲೆಂಡ್ ವಿರುದ್ಧ ಆಯೋಜಿಸಿರುವ ಅತಿದೊಡ್ಡ ದ್ವಿಪಕ್ಷೀಯ ಸರಣಿಗಳಲ್ಲಿ ಒಂದಾಗಲಿದೆ. ಇದಲ್ಲದೆ, ನ್ಯೂಜಿಲೆಂಡ್ ಒಂದೇ ಪ್ರವಾಸದಲ್ಲಿ ಪ್ರವಾಸಿ ವಿದೇಶಿ ತಂಡದ ವಿರುದ್ಧ ಆಡಿದ ಅತಿ ಹೆಚ್ಚು ಪಂದ್ಯಗಳನ್ನು ಒಳಗೊಂಡ ಸರಣಿಯಾಗಿರುವುದರಿಂದ ಇದು ಒಂದು ವಿಶಿಷ್ಟ ಮೈಲಿಗಲ್ಲಾಗಲಿದೆ.
ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಈ ಸರಣಿಯು ಅಕ್ಟೋಬರ್ 22 ರಂದು ಪ್ರಾರಂಭವಾಗಲಿದೆ. ಈ ಸರಣಿಯು ಅಕ್ಟೋಬರ್ 22 ರಂದು ಕ್ರೈಸ್ಟ್ಚರ್ಚ್ನಲ್ಲಿ ನಡೆಯುವ ಟಿ 20 ಪಂದ್ಯದೊಂದಿಗೆ ಪ್ರಾರಂಭವಾಗುತ್ತದೆ. ಐದು ಪಂದ್ಯಗಳ ಟಿ20 ಸರಣಿಯ ನಂತರ, ಏಕದಿನ ಸರಣಿಯು ನವೆಂಬರ್ 4 ರಂದು ಆಕ್ಲೆಂಡ್ನ ಈಡನ್ ಪಾರ್ಕ್ನಲ್ಲಿ ಪ್ರಾರಂಭವಾಗಲಿದೆ. ನಂತರ, ನವೆಂಬರ್ 19 ರಿಂದ ಎರಡು ಟೆಸ್ಟ್ ಪಂದ್ಯಗಳ ಸರಣಿ ನಡೆಯಲಿದೆ.
ಮೊದಲ ಟೆಸ್ಟ್ ನವೆಂಬರ್ 19 ರಿಂದ 23 ರವರೆಗೆ ವೆಲ್ಲಿಂಗ್ಟನ್ನ ಬೇಸಿನ್ ರಿಸರ್ವ್ನಲ್ಲಿ ನಡೆಯಲಿದ್ದು, ಎರಡನೇ ಟೆಸ್ಟ್ ನವೆಂಬರ್ 27 ರಿಂದ ಡಿಸೆಂಬರ್ 1 ರವರೆಗೆ ಕ್ರೈಸ್ಟ್ಚರ್ಚ್ನ ಹ್ಯಾಗ್ಲಿ ಓವಲ್ನಲ್ಲಿ ನಡೆಯಲಿದೆ. ಭಾರತ ಕೊನೆಯದಾಗಿ 2019-20 ಋತುವಿನಲ್ಲಿ ಟೆಸ್ಟ್ ಸರಣಿಗಾಗಿ ನ್ಯೂಜಿಲೆಂಡ್ ಪ್ರವಾಸ ಮಾಡಿತ್ತು. ಅಂದಿನಿಂದ, ನ್ಯೂಜಿಲೆಂಡ್ ಎರಡು ಬಾರಿ ಭಾರತ ಪ್ರವಾಸ ಮಾಡಿದೆ. 2024-25 ಋತುವಿನಲ್ಲಿ, ಕಿವೀಸ್ ಪಡೆ 3-0ಯಲ್ಲಿ ಭಾರತವನ್ನ ಕ್ಲೀನ್ ಸ್ವೀಪ್ ಮಾಡಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ನಿಂದ ಹೊರಬೀಳಿಸಿತ್ತು.
ಭಾರತದ ನ್ಯೂಜಿಲೆಂಡ್ ಪ್ರವಾಸದ ಪೂರ್ಣ ವೇಳಾಪಟ್ಟಿ
1ನೇ ಟಿ20 ಪಂದ್ಯ- ಅಕ್ಟೋಬರ್ 22, ಕ್ರೈಸ್ಟ್ಚರ್ಚ್
2ನೇ ಟಿ20 ಪಂದ್ಯ- ಅಕ್ಟೋಬರ್ 24, ಕ್ರೈಸ್ಟ್ಚರ್ಚ್
3ನೇ ಟಿ20 ಪಂದ್ಯ – ಅಕ್ಟೋಬರ್ 27, ವೆಲ್ಲಿಂಗ್ಟನ್
4ನೇ ಟಿ20 ಪಂದ್ಯ – ಅಕ್ಟೋಬರ್ 30, ಆಕ್ಲೆಂಡ್
5ನೇ ಟಿ20 ಪಂದ್ಯ- ನವೆಂಬರ್ 1, ಹ್ಯಾಮಿಲ್ಟನ್
1ನೇ ODI – ನವೆಂಬರ್ 4, ಆಕ್ಲೆಂಡ್
2ನೇ ODI – ನವೆಂಬರ್ 7, ವೆಲ್ಲಿಂಗ್ಟನ್
3ನೇ ODI – ನವೆಂಬರ್ 10, ಹ್ಯಾಮಿಲ್ಟನ್
4ನೇ ODI – ನವೆಂಬರ್ 13, ಮೌಂಟ್ ಮೌಂಗನುಯಿ
5ನೇ ODI – ನವೆಂಬರ್ 15, ಮೌಂಟ್ ಮೌಂಗನುಯಿ
ಮೊದಲ ಟೆಸ್ಟ್ – ನವೆಂಬರ್ 19–23, ವೆಲ್ಲಿಂಗ್ಟನ್
ಎರಡನೇ ಟೆಸ್ಟ್ – ನವೆಂಬರ್ 27 – ಡಿಸೆಂಬರ್ 1, ಕ್ರೈಸ್ಟ್ಚರ್ಚ್
