195 ರನ್​​​ಗಳ ಗುರಿ ಬೆನ್ನಟ್ಟಿದ ಭಾರತ ತಂಡ ಸ್ಫೋಟಕ ಆರಂಭ ಪಡೆದುಕೊಂಡಿತು.  5.4 ಓವರ್​​ಗಳಲ್ಲಿ 46 ರನ್​ಗಳಿಸಿ ರೋಹಿತ್ ಶರ್ಮಾ ರೂಪದಲ್ಲಿ ಮೊದಲ ವಿಕೆಟ್ ಕಳೆದುಕೊಂಡಿತು.  16 ಎಸೆತಗಳಲ್ಲಿ 16 ರನ್​ಗಳಿಸಿದ ರೋಹಿತ್ ಶರ್ಮಾ ರನ್​ಔಟ್ ಆದರು. ನಂತರ ಬಂದ ಇಶಾನ್ ಕಿಶನ್​ 2ನೇ ವಿಕೆಟ್ ಜೊತೆಯಾಟದಲ್ಲಿ ಗಿಲ್ ಜೊತೆಗೂಡಿ 70 ರನ್ಗಳಿಸಿ ಚೇತರಿಕೆ ನೀಡಿದರು. ಇಶಾನ್ ಕಿಶನ್ ಕೇವಲ 22 ಎಸೆತಗಳಲ್ಲಿ 3 ಬೌಂಡರಿ, 1 ಸಿಕ್ಸರ್ ಸಹಿತ 34 ರನ್​ಗಳಿಸಿ ರಶೀದ್ ಖಾನ್ ಬೌಲಿಂಗ್​​​ನಲ್ಲಿ ಬೌಲ್ಡ್ ಆದರು.  ನಂತರ ಬಂದ ಉಪನಾಯಕ ಶ್ರೇಯಸ್ ಅಯ್ಯರ್ 15 ಎಸೆತಗಳಲ್ಲಿ 12 ರನ್​ಗಳಿಸಿ ಔಟ್ ಆದರು.

5ನೇ ಕ್ರಮಾಂಕದಲ್ಲಿ ಬಂದ ಕೆಎಲ್ ರಾಹುಲ್​ ನಾಯಕ ಗಿಲ್ ಜೊತೆಗೂಡಿ 4ನೇ ವಿಕೆಟ್​ಗೆ ಮುರಿಯದ 53 ರನ್​ಗಳ ಜೊತೆಯಾಟ ಆಡಿದರು. ಅಬ್ಬರಿಸಿದ ರಾಹುಲ್ ಕೇವಲ19 ಎಸೆತಗಳಲ್ಲಿ 4 ಬೌಂಡರಿ, 3 ಸಿಕ್ಸರ್​​ಗಳ ಸಹಿತ ಅಜೇಯ 39 ರನ್​ಗಳಿಸಿದರು. ಶುಭ್​ಮನ್ ಗಿಲ್ 66 ಎಸೆತಗಳಲ್ಲಿ 11 ಬೌಂಡರಿ, 2 ಸಿಕ್ಸರ್ ಸಹಿತ ಅಜೇಯ 84  ರನ್​ಗಳಿಸಿ ಗೆಲುವಿನ ರೂವಾರಿಯಾದರು. ಅಫ್ಘಾನಿಸ್ತಾನ ಪರ ರಶೀದ್ ಖಾನ್ ಹಾಗೂ ಜಿಯಾವುರ್ ರೆಹ್ಮಾನ್ ಶರೀಫಿ ತಲಾ 1 ವಿಕೆಟ್ ಪಡೆದರು.

ಟಾಸ್ ಸೋತು ಇನ್ನಿಂಗ್ಸ್ ಆರಂಭಿಸಿದ ಅಫ್ಘಾನಿಸ್ತಾನದ ಆರಂಭ ಕಳಪೆಯಾಗಿತ್ತು. ಐದು ಓವರ್ ಗಳ ಪವರ್ ಪ್ಲೇನಲ್ಲಿ ಅಫ್ಘಾನಿಸ್ತಾನ 27 ರನ್ ಸೇರಿಸಿ ಮೂರು ವಿಕೆಟ್ ಕಳೆದುಕೊಂಡಿತು. ಎರಡನೇ ಓವರ್ ನಲ್ಲಿ ಗುರ್ನೂರ್ ಇಬ್ರಾಹಿಂ ಜದ್ರಾನ್ (1) ವಿಕೆಟ್ ಪಡೆದರೆ. ಮೂರನೇ ಓವರ್​ನಲ್ಲಿ ಅರ್ಷದೀಪ್ ಸಿಂಗ್ ಸೆದಿಕುಲ್ಲಾ ಅಟಲ್ (0) ಮತ್ತು ಐದನೇ ಓವರ್ ನಲ್ಲಿ ರಹಮತ್ ಶಾ (4) ವಿಕೆಟ್ ಪಡೆದು ಆಘಾತನ ನೀಡಿದರು.

ಆದರೆ ನಂತರ ರಹಮಾನುಲ್ಲಾ ಗುರ್ಬಾಜ್ ತಂಡವನ್ನ ಏಕಾಂಗಿಯಾಗಿ ಮುನ್ನಡೆಸಿಕೊಂಡು ಹೋದರು. ಭಾರತದ ಅನಾನುಭವಿ ಬೌಲಿಂಗ್ ದಾಳಿಯನ್ನ ಧ್ವಂಸ ಮಾಡಿದ ಗುರ್ಬಾಜ್​ ಕೇವಲ 48 ಎಸೆತಗಳಲ್ಲಿ ಶತಕ ಸಿಡಿಸಿದರು. ಒಟ್ಟಾರೆ 51 ಎಸೆತಗಳಲ್ಲಿ 8 ಬೌಂಡರಿ ಹಾಗೂ 8 ಸಿಕ್ಸರ್ ನೆರವಿನಿಂದ 102 ರನ್​ಗಳಿಸಿದರು. ಗುರ್ಬಾಜ್ ನಾಲ್ಕನೇ ವಿಕೆಟ್​ಗೆ ಹಶ್ಮತುಲ್ಲಾ ಶಾಹಿದಿ ಜೊತೆ 116 ರನ್ ಗಳ ಜೊತೆಯಾಟ ನೀಡಿದರು. 16ನೇ ಓವರ್ ನಲ್ಲಿ ನಿತೀಶ್ ಕುಮಾರ್ ರೆಡ್ಡಿ ಗುರ್ಬಾಜ್ ಬೌಲ್ಡ್ ಆದರು.

ಭಾರತದ ಪರ ಇಂದೇ ಮೊದಲ ಏಕದಿನ ಪಂದ್ಯವನ್ನಾಡಿದ ಗುರ್ನೂರ್ ಬ್ರಾರ್ 27ಕ್ಕೆ3  ಹಾಗೂ ಹರ್ಷ್ ದುಬೆ 47ಕ್ಕೆ3 ಮಿಂಚಿನ ಪ್ರದರ್ಶನ ನೀಡಿದರು. ಅರ್ಷದೀಪ್ ಸಿಂಗ್ 27ಕ್ಕೆ2 ಹಾಗೂ  ನಿತೀಶ್ ಕುಮಾರ್ ರೆಡ್ಡಿ 31ಕ್ಕೆ2 ನಿರ್ಣಾಯಕ  ವಿಕೆಟ್ ಪಡೆದು ಅಫ್ಘಾನ್ ತಂಡ 200ರ ಗಡಿ ದಾಟದಂತೆ ತಡೆದರು.