ಸಾರ್ವಜನಿಕರು ತಮ್ಮ ಮನೆಯಲ್ಲಿರುವ ಹಳೆಯ ಮಂಚ, ಸೋಫಾ, ಹಾಸಿಗೆ, ಟೇಬಲ್, ಕಮೋಡ್, ಫ್ರಿಡ್ಜ್ ಮತ್ತು ವಾಷಿಂಗ್ ಮೆಷಿನ್‌ಗಳಂತಹ ಭಾರೀ ವಸ್ತುಗಳನ್ನು ಉಚಿತವಾಗಿ ಮನೆ ಬಾಗಿಲಿನಿಂದಲೇ ವಿಲೇವಾರಿ ಮಾಡಬಹುದು. ಇದರೊಂದಿಗೆ ಹಳೆಯ ಬಟ್ಟೆಗಳು, ಶೂಗಳು, ಮಕ್ಕಳ ಆಟಿಕೆಗಳು ಮತ್ತು ಎಲೆಕ್ಟ್ರಾನಿಕ್ ವಸ್ತುಗಳನ್ನು ಸಹ ನೀಡಲು ಅವಕಾಶವಿದೆ. ಸದ್ಯಕ್ಕೆ ಭಾನುವಾರಗಳಂದು ಮಾತ್ರ ಈ ಉಚಿತ ಪಿಕ್-ಅಪ್ ಸೇವೆ ಲಭ್ಯವಿದ್ದು, ಸಾರ್ವಜನಿಕರು ಆ್ಯಪ್ ಡೌನ್‌ಲೋಡ್ ಮಾಡಿ, ತಮ್ಮ ವಿವರಗಳನ್ನು ನೋಂದಾಯಿಸಿ, ಕಸದ ವಿವರ ಹಾಗೂ ಸಮಯವನ್ನು ಕಾಯ್ದಿರಿಸಬೇಕಾಗುತ್ತದೆ. ರಸ್ತೆಯಲ್ಲಿ ತ್ಯಾಜ್ಯ ಎಸೆಯಬೇಡಿ ಜವಾಬ್ದಾರಿಯುತವಾಗಿ DCLUTTER ಮೂಲಕ ವಿಲೇವಾರಿ ಮಾಡಿ ಎಂದು ಈ ಮೂಲಕ ಪಾಲಿಕೆ ಮನವಿ ಮಾಡಿದೆ.