“ರಗಸದಅ” ಇದು ಡಾಲಿ ಬರೆದ ಸಾಹಿತ್ಯ

ಇವರ ಈ ಚಿತ್ರದಲ್ಲಿ ಹಳೆ ನಟಿ ಗೀತಾ ಇದ್ದಾರೆ. ವಿನಯ ಪ್ರಸಾದ್ ಅಮ್ಮನ ರೋಲ್ ಮಾಡಿದ್ದಾರೆ. ಡಾಲಿ ಧನಂಜಯ್ ಗೆಳೆಯ ಪೂರ್ಣ ಮೈಸೂರು ಈ ಚಿತ್ರವನ್ನ ಡೈರೆಕ್ಷನ್ ಮಾಡಿದ್ದಾರೆ.

ವಾಸುಕಿ ವೈಭವ್ ಈ ಒಂದು ಹಾಡನ್ನ ಹಾಡಿದ್ದಾರೆ. ಇವರ ಈ ಹಾಡಿನ ಲಿರಿಕ್ಸ್ ಮಜವಾಗಿದೆ. “ರಗಸದಅ” ಅಂತಲೇ ಇದು ಸಾಗುತ್ತದೆ. ಇದನ್ನ ವಾಸುಕಿ ವೈಭವ್ ಮಜವಾಗಿಯೇ ಹಾಡ್ತಾರೆ ಬಿಡಿ.

ಈ ಚಿತ್ರದ ಕತೆ ಹಿಂದಿನ ಕತೆ

ಚಿತ್ರದ ಕತೆ ಅಂತ ಬಂದ್ರೆ ಇದು ಗ್ಯಾಂಗ್‌ಸ್ಟರ್ ಕಾಮಿಡಿ ಹಾಗೂ ಎಮೋಷನಲ್ ಥ್ರಿಲ್ಲರ್ ಚಿತ್ರವೇ ಆಗಿದೆ. ಈ ಚಿತ್ರದ ನಿರ್ದೇಶಕರಿಗೆ ಇದು ಮೊದಲ ನಿರ್ದೇಶನದ ಚಿತ್ರವೇ ಆಗಿದೆ. ಡಾಲಿ ಧನಂಜಯ್ ಗೆಳೆಯರೂ ಆಗಿರೋ ಪೂರ್ಣ ಮೈಸೂರು ಈ ಚಿತ್ರದ ಮೂಲಕವೇ ಡೈರೆಕ್ಟರ್ ಕ್ಯಾಪ್ ತೊಟ್ಟಿದ್ದಾರೆ.

ಹಾಗೆ ಒಮ್ಮೆ ನಿನ್ನ ಸಿನಿಮಾ ಏನಾಯಿತೋ ಅಂತಲೇ ಡಾಲಿ ಧನಂಜಯ್ ಕೇಳಿದ್ದರು. ಆಗಲೇ ಪೂರ್ಣ ಕತೆ ನಿನ್ನ ಟೇಬಲ್ ಮೇಲೆನೆ ಇದೆ ಅಂತ ಹೇಳಿದರು. ಆಗಲೇ ಡಾಲಿ ಆ ಕತೆಯನ್ನ ಓದೋಕೆ ಶುರು ಮಾಡಿದರು.

ಆದರೆ, ಪೂರ್ಣ ಇನ್ನೂ ಒಂದು ಮಾತು ಹೇಳಿದರು. ನೀವು ಪ್ರೊಡ್ಯೂಸ್ ಮಾಡೋದಷ್ಟೆ ಅಲ್ಲ. ಈ ಕತೆಯ ಕಥಾನಾಯಕ ಕೂಡ ನೀವೇ ಆಗ್ಬೇಕು ಅಂತಲೂ ಹೇಳಿದರು. ಹೀಗೆ ಈ ಚಿತ್ರ ಶುರು ಆಗಿದೆ. ಇದೀಗ ರಿಲೀಸ್ ಹಂತಕ್ಕೆ ಬಂದಿದೆ. ಹಾಡುಗಳು ರಿಲೀಸ್ ಆಗುತ್ತಿವೆ. ಸಿನಿಮಾದ ಬಗ್ಗೆ ಒಂದು ಭರವಸೆ ಕೂಡ ಇದೆ ಅಂತ ಹೇಳಬಹುದು.