ಯಾಮಿ ಗೌತಮ್ ತಮ್ಮ ಇನ್‌ಸ್ಟಾಗ್ರಾಮ್ ಸ್ಟೋರಿಯಲ್ಲಿ AI ಬಳಕೆಯ ಕುರಿತು ಮಾಧ್ಯಮಗಳಿಗೆ ವಿಶೇಷ ಮನವಿ ಮಾಡಿದ್ದಾರೆ. ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ತೆಗೆದ ತಮ್ಮ ಚಿತ್ರಗಳನ್ನು AI ತಂತ್ರಜ್ಞಾನ ಬಳಸಿ ತಿದ್ದುವುದು ಅಥವಾ ಬದಲಾಯಿಸುವುದನ್ನು ಮಾಡಬೇಡಿ ಎಂದು ಕೇಳಿಕೊಂಡಿದ್ದಾರೆ.
ಮಾಧ್ಯಮ ಮಿತ್ರರಲ್ಲಿ ಮನವಿ ಮಾಡಿಕೊಂಡಿರುವ ಯಾಮಿ, ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ತೆಗೆದ ತಮ್ಮ ಮೂಲ ಚಿತ್ರಗಳನ್ನೇ ಬಳಸುವಂತೆ ತಿಳಿಸಿದ್ದಾರೆ. ತಮ್ಮ ಫೋಟೋಗಳನ್ನು AI ಮೂಲಕ ಬದಲಾಯಿಸುವ ಅಗತ್ಯವಿಲ್ಲ ಎಂದು ತಿಳಿಸಿದ್ದಾರೆ.
AI ತಂತ್ರಜ್ಞಾನ ಬಳಸಿ ನಟಿಯರ ಫೋಟೋಗಳನ್ನು ತಪ್ಪು ರೀತಿಯಲ್ಲಿ ಎಡಿಟ್ ಮಾಡಿರುವ ಹಲವು ಘಟನೆಗಳು ಈ ಹಿಂದೆ ವರದಿಯಾಗಿವೆ. ರಶ್ಮಿಕಾ ಮಂದಣ್ಣ, ಶಾಲಿನಿ ಪಾಂಡೆ, ಕಾಜಲ್ ಸೇರಿದಂತೆ ಹಲವು ನಟಿಯರ ಚಿತ್ರಗಳನ್ನು ದುರ್ಬಳಕೆ ಮಾಡಿರುವ ಘಟನೆಗಳು ಬೆಳಕಿಗೆ ಬಂದಿದ್ದವು.
ಇಂತಹ ಘಟನೆಗಳ ವಿರುದ್ಧ ಕಲಾವಿದರು ಸಾಮಾಜಿಕ ಜಾಲತಾಣಗಳ ಮೂಲಕ ತಮ್ಮ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಇದೀಗ ಯಾಮಿ ಗೌತಮ್ ಕೂಡ AI ಬಳಕೆಯ ಕುರಿತು ಸ್ಪಷ್ಟವಾದ ಮನವಿ ಮಾಡಿರುವುದು ಗಮನ ಸೆಳೆದಿದೆ.
ಇತ್ತೀಚೆಗೆ ದೇವರ ಚಿತ್ರದ ಚುಟ್ಟಮಲ್ಲೆಹಾಡಿಗೆ ಸಂಬಂಧಿಸಿದ AI ವಿಡಿಯೋಗಳ ಕುರಿತು ನಟ ಜೂನಿಯರ್ ಎನ್‌ಟಿಆರ್ ಅಸಮಾಧಾನ ವ್ಯಕ್ತಪಡಿಸಿದ್ದರು. AI ತಂತ್ರಜ್ಞಾನವನ್ನು ತಪ್ಪಾಗಿ ಬಳಸುವ ಕುರಿತು ಅವರು ಪ್ರತಿಕ್ರಿಯಿಸಿದ ಬೆನ್ನಲ್ಲೇ ಯಾಮಿ ಗೌತಮ್ ಅವರ ಈ ಹೇಳಿಕೆ ಗಮನ ಸೆಳೆದಿದೆ.
ಇನ್ನು ವೈಯಕ್ತಿಕ ಜೀವನದ ವಿಚಾರಕ್ಕೆ ಬಂದರೆ, ಯಾಮಿ ಗೌತಮ್ ಮತ್ತು ಅವರ ಪತಿ, ನಿರ್ಮಾಪಕ ಆದಿತ್ಯ ಧರ್ ಮುಂಬೈ ತೊರೆದು ಹಿಮಾಚಲ ಪ್ರದೇಶದಲ್ಲಿ ನೆಲೆಸಲು ನಿರ್ಧರಿಸಿದ್ದಾರೆ ಎನ್ನಲಾಗಿದೆ. ಹಿಮಾಚಲ ಪ್ರದೇಶದಲ್ಲಿರುವ ತಮ್ಮ ನಿವಾಸದಲ್ಲಿ ಈ ಜೋಡಿ ಹೆಚ್ಚಿನ ಸಮಯ ಕಳೆಯುತ್ತಿದ್ದು, ಇದೀಗ ಅಲ್ಲಿಯೇ ತಮ್ಮ ಶಾಶ್ವತ ನೆಲೆಯನ್ನು ಹೊಂದಿದ್ದಾರೆ ಎಂದು ವರದಿಯಾಗಿದೆ.
ಯಾಮಿ ಗೌತಮ್ ಅವರ ಕುಟುಂಬಕ್ಕೆ ಹಿಮಾಚಲ ಪ್ರದೇಶದೊಂದಿಗೆ ವಿಶೇಷ ನಂಟಿದೆ. ತಮ್ಮ ವೃತ್ತಿಜೀವನದ ಜೊತೆಗೆ ವೈಯಕ್ತಿಕ ಜೀವನಕ್ಕೂ ಹೆಚ್ಚಿನ ಸಮಯ ನೀಡುವ ನಿಟ್ಟಿನಲ್ಲಿ ಈ ನಿರ್ಧಾರ ಕೈಗೊಂಡಿದ್ದಾರೆ ಎನ್ನಲಾಗುತ್ತಿದೆ.
ಸಿನಿಮಾ ವಿಚಾರಕ್ಕೆ ಬಂದರೆ ಯಾಮಿ ಗೌತಮ್ ಸದ್ಯ ನಯಿ ನವೇಲಿ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ವಿಭಿನ್ನ ಪಾತ್ರಗಳ ಮೂಲಕ ಗಮನ ಸೆಳೆಯುತ್ತಿರುವ ನಟಿಯ ಮುಂದಿನ ಚಿತ್ರಕ್ಕಾಗಿ ಅಭಿಮಾನಿಗಳು ಕಾಯುತ್ತಿದ್ದಾರೆ.
ಇತ್ತೀಚೆಗೆ ನಡೆದ 72ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಸಮಾರಂಭದಲ್ಲೂ ಯಾಮಿ ಗೌತಮ್ ವಿಶೇಷ ಗೌರವ ಪಡೆದಿದ್ದಾರೆ. ಆರ್ಟಿಕಲ್ 370 ಸಿನಿಮಾದಲ್ಲಿನ ಅಭಿನಯಕ್ಕಾಗಿ ಅವರಿಗೆ ಅತ್ಯುತ್ತಮ ನಟಿ ರಾಷ್ಟ್ರೀಯ ಪ್ರಶಸ್ತಿ ಲಭಿಸಿದೆ.
