Last Updated:
IND vs ENG: ಭಾರತ ಮತ್ತು ಇಂಗ್ಲೆಂಡ್ ನಡುವಿನ 2ನೇ ಟಿ20 ಪಂದ್ಯದಲ್ಲಿ ಮೈದಾನದಲ್ಲೇ ಹಿರಿಯ ಆಟಗಾರ ಅಭಿಷೇಕ್ ಶರ್ಮಾ ಅವರು 15 ವರ್ಷದ ಹುಡುಗನ ಬಳಿ ಬ್ಯಾಟಿಂಗ್ ಟಿಪ್ಸ್ ಕೇಳಿದ್ದಾರೆ. ಇವರಿಬ್ಬರ ನಡುವೆ ನಡೆದ ಆ ಇಂಟ್ರೆಸ್ಟಿಂಗ್ ಸಂಭಾಷಣೆಯ ಕಂಪ್ಲೀಟ್ ಡೀಟೇಲ್ಸ್ ಇಲ್ಲಿದೆ ನೋಡಿ..
ಇಂಗ್ಲೆಂಡ್ ಮತ್ತು ಭಾರತ (IND vs ENG) ನಡುವಿನ 2ನೇ ಟಿ20 (T20) ಪಂದ್ಯವು ಸಖತ್ ರೋಚಕ ಹಂತ ತಲುಪಿದೆ. ಇಂಗ್ಲೆಂಡ್ನ ಪಿಚ್ಗಳ (England Pitch) ಮೇಲೆ ಚೆಂಡು ಹೇಗೆ ಬೌನ್ಸ್ ಆಗುತ್ತದೆ ಮತ್ತು ಹೇಗೆ ತಿರುವು ಪಡೆಯುತ್ತದೆ ಎಂದು ಯಾರೂ ಸುಲಭವಾಗಿ ಊಹಿಸಲು ಸಾಧ್ಯವಿಲ್ಲ. ಅಲ್ಲಿನ ಸ್ವದೇಶಿ ಆಟಗಾರರೇ ಹಲವು ಬಾರಿ ಈ ಪಿಚ್ ನೋಡಿ ಆಶ್ಚರ್ಯಚಕಿತರಾಗುತ್ತಾರೆ. ಅದೇ ರೀತಿ ಕಳೆದ ಎರಡು ಪಂದ್ಯಗಳಿಂದ ಟೀಮ್ ಇಂಡಿಯಾದ ಘಟಾನುಘಟಿ ಆಟಗಾರರು ಸಹ ಇಂಗ್ಲೆಂಡ್ ಬೌಲರ್ಗಳನ್ನು ಎದುರಿಸಲು ಕಷ್ಟಪಡುತ್ತಿರುವುದು ಲೈವ್ ಆಗಿ ಕಂಡುಬಂದಿದೆ.
ಆದರೆ ಈ ಕಠಿಣ ಪರಿಸ್ಥಿತಿಯಲ್ಲೂ ಭಾರತದ ಯುವ ಬ್ಯಾಟರ್ ಅಭಿಷೇಕ್ ಶರ್ಮಾ ಮತ್ತು ಚೊಚ್ಚಲ ಪಂದ್ಯ ಆಡುತ್ತಿರುವ ವಂಡರ್ ಕಿಡ್ ವೈಭವ್ ಸೂರ್ಯವಂಶಿ (Vaibhav Sooryvanshi) ಇಂಗ್ಲೆಂಡ್ ಬೌಲರ್ಗಳಿಗೆ ತಕ್ಕ ಉತ್ತರ ನೀಡಿದ್ದಾರೆ. ಆದರೆ ಪಂದ್ಯ ಸೋಲಬೇಕಾಯ್ತು. ಇದೀಗ ಪಂದ್ಯದ ಮಧ್ಯೆ ಮೈದಾನದಲ್ಲಿ ಇವರಿಬ್ಬರ ನಡುವೆ ನಡೆದ ವಿಚಿತ್ರ ಸಂಭಾಷಣೆಯ ವಿಡಿಯೋ (Trending Video) ಹೊರಬಿದ್ದಿದ್ದು, ಕ್ರಿಕೆಟ್ ಪ್ರೇಮಿಗಳಲ್ಲಿ ಭಾರಿ ಕುತೂಹಲ ಮೂಡಿಸಿದೆ.
ಅಭಿಷೇಕ್ ಶರ್ಮಾ ಮತ್ತು ವೈಭವ್ ಸೂರ್ಯವಂಶಿ ಮೈದಾನದಲ್ಲಿ ಬ್ಯಾಟಿಂಗ್ ಮಾಡುತ್ತಿದ್ದಾಗ ಇಂಗ್ಲೆಂಡ್ನ ವೇಗದ ಗಾಳಿ ಜೋರಾಗಿ ಬೀಸುತ್ತಿತ್ತು. ಆ ಕಠಿಣ ಸಮಯದಲ್ಲಿ ಸೀನಿಯರ್ ಆಟಗಾರ ಅಭಿಷೇಕ್ ಶರ್ಮಾ (Abhishek Sharma) ಅವರು ಜೂನಿಯರ್ ವೈಭವ್ಗೆ ಒಂದು ವಿಚಿತ್ರ ಪ್ರಶ್ನೆ ಕೇಳಿದ್ದಾರೆ. ‘ನಾನು ಚೆಂಡನ್ನು ಮುಂಭಾಗದಿಂದ ಹೊಡೆಯಬೇಕಾ ಅಥವಾ ಹಿಂದಿನಿಂದ ಹೊಡೆಯಬೇಕಾ?’ ಎಂದು ಕೇಳಿದ್ದಾರೆ.
ಮೈದಾನದ ಮುಂಭಾಗದಿಂದ ಗಾಳಿ ಜೋರಾಗಿ ಬೀಸುತ್ತಿದ್ದರಿಂದ ಚೆಂಡು ಬೌಂಡರಿ ಲೈನ್ ದಾಟದೆ ಕರಾರುವಾಕ್ಕಾಗಿ ಕ್ಯಾಚ್ ಆಗುವ ಸಾಧ್ಯತೆ ಹೆಚ್ಚಿತ್ತು. ಹಾಗಾಗಿಯೇ ಅಭಿಷೇಕ್ ಕೇವಲ 15 ವರ್ಷದ ವೈಭವ್ ಬಳಿ ಈ ತಂತ್ರದ ಬಗ್ಗೆ ಚರ್ಚೆ ನಡೆಸಿದ್ದಾರೆ.
ಅಭಿಷೇಕ್ ಕೇಳಿದ ಪ್ರಶ್ನೆಗೆ ಸ್ಟಂಪ್ ಮೈಕ್ನಲ್ಲಿ (Stump Mic) ಸೆರೆಯಾಗಿರುವ ವೈಭವ್ ಅವರ ಉತ್ತರ ಸಖತ್ ವೈರಲ್ ಆಗುತ್ತಿದೆ. ವೈಭವ್ ಅತ್ಯಂತ ಪ್ರಬುದ್ಧತೆಯಿಂದ, ‘ನೋಡಿ, ನೀವು ಚೆಂಡನ್ನು ಎಲ್ಲಿ ಹೊಡೆಯುತ್ತಿದ್ದೀರಾ ಎಂಬುದು ಮುಖ್ಯ. ಏಕೆಂದರೆ ಪಿಚ್ನಲ್ಲಿ ಡಬಲ್ ಬೌನ್ಸ್ ಇದೆ. ಈ ಬಾಲ್ ಅಷ್ಟು ವೇಗವಾಗಿ ಬರುತ್ತಿಲ್ಲ ಮತ್ತು ಬೌನ್ಸ್ ಕೂಡ ತೀರಾ ಕಡಿಮೆಯಾಗಿದೆ’ ಎಂದು ಪಿಚ್ನ ಅಸಲಿ ಆಟವನ್ನು ಸೀನಿಯರ್ ಆಟಗಾರನಿಗೆ ಬಿಚ್ಚಿಟ್ಟಿದ್ದಾರೆ. ಈ ಮಾತು ಕೇಳಿದ ತಕ್ಷಣವೇ ಅಭಿಷೇಕ್ ಶರ್ಮಾ ಅವರು ಮುಂದಿನ ಬಾಲ್ ಅನ್ನು ಮಿಡ್-ಆನ್ ಕಡೆಗೆ ಅದ್ಭುತವಾಗಿ ಹೊಡೆದು ಭರ್ಜರಿ ಬೌಂಡರಿ ಗಳಿಸಿದರು.
ಅಂತರರಾಷ್ಟ್ರೀಯ ಪಂದ್ಯದಲ್ಲಿ ಇಷ್ಟು ಕಡಿಮೆ ಅನುಭವ ಹೊಂದಿರುವ 15 ವರ್ಷದ ಸಣ್ಣ ಹುಡುಗನ ಬಳಿ, ಅಷ್ಟು ದಿನಗಳಿಂದ ಕ್ರಿಕೆಟ್ ಆಡುತ್ತಿರುವ ಅಭಿಷೇಕ್ ಶರ್ಮಾ ಅವರಂತ ಸೀನಿಯರ್ ಆಟಗಾರ ಪಿಚ್ ಮತ್ತು ಶಾಟ್ಸ್ ಬಗ್ಗೆ ಸಲಹೆ ಕೇಳುತ್ತಿರುವುದು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಚರ್ಚೆಯನ್ನು ಹುಟ್ಟುಹಾಕಿದೆ. ಕೆಲವರು ವೈಭವ್ ಅವರ ಕ್ರಿಕೆಟ್ ಜ್ಞಾನವನ್ನು ಕೊಂಡಾಡುತ್ತಿದ್ದರೆ, ಇನ್ನು ಕೆಲವರು ಟೀಮ್ ಇಂಡಿಯಾದ ಗೇಮ್ ಪ್ಲಾನ್ (Game Plan) ಬಗ್ಗೆ ಅಚ್ಚರಿ ವ್ಯಕ್ತಪಡಿಸುತ್ತಿದ್ದಾರೆ.
ಈ ಅದ್ಭುತ ಸಂಭಾಷಣೆಯ ನಡುವೆಯೇ ಅಭಿಷೇಕ್ ಶರ್ಮಾ ಮತ್ತು ವೈಭವ್ ಸೂರ್ಯವಂಶಿ ಜೋಡಿಯು ಇಂಗ್ಲೆಂಡ್ ಬೌಲರ್ಗಳ ಬೆವರಿಳಿಸಿ ಕೇವಲ 4.5 ಓವರ್ಗಳಲ್ಲಿ ಭರ್ಜರಿ 50 ರನ್ಗಳ ಜೊತೆಯಾಟವನ್ನು ಪೂರ್ಣಗೊಳಿಸಿತ್ತು. ಪವರ್ಪ್ಲೇನಲ್ಲಿ ಅಬ್ಬರಿಸುತ್ತಿದ್ದ ಈ ಜೋಡಿಗೆ ಸಡನ್ ಆಗಿ ಬ್ರೇಕ್ ಬಿತ್ತು. ವೈಭವ್ ಸೂರ್ಯವಂಶಿ ಅವರು ದುರದೃಷ್ಟವಶಾತ್ ದೊಡ್ಡ ಶಾಟ್ಗೆ ಕೈಹಾಕಿ ವಿಕೆಟ್ ಕಳೆದುಕೊಂಡಾಗ ಟೀಮ್ ಇಂಡಿಯಾಗೆ ಮೊದಲ ಬಿಗ್ ಶಾಕ್ ಎದುರಾಯಿತು. ಇದಾದ ನಂತರ ಭಾರತ ಪಂದ್ಯವನ್ನೇ ಸೋಲಬೇಕಾಯ್ತು.
Jul 05, 2026 11:01 AM IST
