ತಮ್ಮ ಕೆಲಸಗಳ ಮೂಲಕ ವ್ಯಾಪಕ ಮೆಚ್ಚುಗೆ ಗಳಸುತ್ತಿರುವ ವಿಜಯ್ ಅವರು ಪ್ರತಿ ಹೆಜ್ಜೆಯಲ್ಲೂ ಜೊತೆಗಿರುವವರ, ಜನರ ಪ್ರಶಂಸೆಗೆ ಪಾತ್ರರಾಗುತ್ತಿದ್ದಾರೆ. ಸಿಎಂ ಚೇರ್​​ನಲ್ಲಿರುವ ಬಿಳಿ ಟವಲ್ ತೆಗೆದಿದ್ದು, ಸಿಎಂ ಆದ ಮೇಲೆಯೂ ಮನೆ ಊಟವನ್ನೇ ಮಾಡುವುದು, ಅನಗತ್ಯ ಬೆಂಗಾಲು ವಾಹನ ತೆಗೆಯುವುದು ಇಂಥಹ ಹಲವಾರು ಮಾದರಿ ನಿರ್ಧಾರಗಳನ್ನು ಮಾಡಿದ್ದಾರೆ.

ಆದರೆ ಈಗ ಇತ್ತೀಚಿನ ಘಟನೆಯೊಂದರ ಮೂಲಕ ಟೀಕೆ ಎದುರಿಸುತ್ತಿದ್ದಾರೆ. ಇತ್ತೀಚೆಗೆ ಟಿವಿಕೆ ಶಾಸಕ ಹಾಗೂ ವಿಜಯ್ ಅವರ ಅತ್ಯಾಪ್ತ ಆಧವ್ ಅರ್ಜುನ್ ಅವರು ಹಾಸ್ಟೆಲ್ ಒಂದಕ್ಕೆ ಭೇಟಿ ಕೊಟ್ಟಿದ್ದಾರೆ. ಅಲ್ಲಿ ಮಕ್ಕಳ ಜೊತೆ ಸಮಯ ಕಳೆದಿದ್ದು ಮಕ್ಕಳ ತಿಂಡಿ ಸಮಯದಲ್ಲಿ ಅವರು ಕೂಡಾ ಮಕ್ಕಳ ಜೊತೆ ಕುಳಿತಿದ್ದರು. ಮಕ್ಕಳು ಶಾಲೆಯಲ್ಲಿ ಇಡ್ಲಿ ಸಾಂಬಾರು ತಿಂದರೆ ಆಧವ್ ಅವರು ಬ್ರೆಡ್ ಜಾಮ್ ತಿಂದಿದ್ದಾರೆ.

ಆದರೆ ತಮಿಳುನಾಡಿನಲ್ಲಿ ರಾಜಕೀಯ ಏರಿಳಿತಗಳ ಹೊರತಾಗಿಯೂ, ವಿಜಯ್ ನೇತೃತ್ವದ ಹೊಸ ತಮಿಳುಗ ವೆಟ್ರಿ ಕಳಗಂ (ಟಿವಿಕೆ) ಸರ್ಕಾರವು ನಾಡು ನುಡಿ ನೆಲದ ವಿಚಾರದಲ್ಲಿ ಯಾವುದೇ ರಾಜಿಯಿಲ್ಲ ಎಂಬುದನ್ನು ತೋರಿಸಿದೆ.

ಇದಕ್ಕೆ ಪೂರಕವಾಗಿ ತಮಿಳುನಾಡಿನಲ್ಲಿ ದೀರ್ಘಕಾಲದಿಂದ ಅನುಷ್ಠಾನದಲ್ಲಿ ಇರುವ ದ್ವಿಭಾಷಾ ನೀತಿಯಲ್ಲಿ (ತಮಿಳು ಮತ್ತು ಇಂಗ್ಲಿಷ್) ಯಾವುದೇ ಬದಲಾವಣೆ ಇರುವುದಿಲ್ಲ ಎಂದು ಟಿವಿಕೆ ಸರ್ಕಾರ ಸ್ಪಷ್ಟಪಡಿಸಿದೆ.