Last Updated:
ಬ್ಯಾಂಕ್ ಆಫ್ ಬರೋಡಾ ಒಟ್ಟು 1,100 ವೆಲ್ತ್ ಎಕ್ಸಿಕ್ಯೂಟಿವ್ ಮತ್ತು ಕ್ರೆಡಿಟ್ ಅನಾಲಿಸ್ಟ್ ಹುದ್ದೆಗಳ ಭರ್ತಿಗೆ ಅಧಿಸೂಚನೆ ಹೊರಡಿಸಿದೆ. ಆಸಕ್ತರು ಅಕ್ಟೋಬರ್ 16, 2026ರೊಳಗೆ ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಬಹುದು.
ಬ್ಯಾಕಿಂಗ್ (Banking) ಕ್ಷೇತ್ರದಲ್ಲಿ ಉದ್ಯೋಗ (Job) ಪಡೆದು ಭದ್ರವಾದ ವೃತ್ತಿಜೀವನ ರೂಪಿಸಿಕೊಳ್ಳಲು ಕಾಯುತ್ತಿರುವ ನಿರುದ್ಯೋಗಿ ಯುವಜನತೆ ಹಾಗೂ ಅರ್ಹ ಪದವೀಧರರಿಗೆ ಇದೊಂದು ಸುವರ್ಣಾವಕಾಶವಾಗಿದೆ. ಬ್ಯಾಂಕ್ ಆಫ್ ಬರೋಡಾ (Bank of Baroda – BOB) ಅಖಿಲ ಭಾರತ ಮಟ್ಟದಲ್ಲಿ ಖಾಲಿ ಇರುವ ಒಟ್ಟು 1,100 ವೆಲ್ತ್ ಎಕ್ಸಿಕ್ಯೂಟಿವ್ ಮತ್ತು ಕ್ರೆಡಿಟ್ ಅನಾಲಿಸ್ಟ್ (C & IC) ಹುದ್ದೆಗಳ ಭರ್ತಿಗಾಗಿ ಅಧಿಕೃತ ನೇಮಕಾತಿ ಅಧಿಸೂಚನೆಯನ್ನು ಹೊರಡಿಸಿದೆ. ಆಸಕ್ತ ಹಾಗೂ ಅರ್ಹ ಅಭ್ಯರ್ಥಿಗಳು ನಿಗದಿತ ದಿನಾಂಕದೊಳಗೆ ಆನ್‌ಲೈನ್ ಮೂಲಕ ಅರ್ಜಿ (Application) ಸಲ್ಲಿಸಬಹುದಾಗಿದೆ.
ಈ ನೇಮಕಾತಿಯಡಿ ವಿವಿಧ ಹುದ್ದೆಗಳಿಗೆ ಆಕರ್ಷಕ ಮಾಸಿಕ ವೇತನವನ್ನು ನಿಗದಿಪಡಿಸಲಾಗಿದೆ.
ವೆಲ್ತ್ ಎಕ್ಸಿಕ್ಯೂಟಿವ್ : ಒಟ್ಟು 1,000 ಹುದ್ದೆಗಳಿದ್ದು, ಆರಂಭಿಕ ವೇತನವು ತಿಂಗಳಿಗೆ 48,480 ಇರಲಿದೆ.
ಕ್ರೆಡಿಟ್ ಅನಾಲಿಸ್ಟ್: ಒಟ್ಟು 100 ಹುದ್ದೆಗಳಿದ್ದು, ಆಕರ್ಷಕವಾಗಿ ತಿಂಗಳಿಗೆ 64,820/- ವರೆಗೆ ವೇತನ ಸಿಗಲಿದೆ.
ಕ್ರೆಡಿಟ್ ಅನಾಲಿಸ್ಟ್ ಹುದ್ದೆಗೆ: ಸಿಎ ಅಥವಾ ಸಂಬಂಧಿತ ವಿಷಯದಲ್ಲಿ ಪದವಿ ಹೊಂದಿರಬೇಕು.
ಅರ್ಜಿ ಶುಲ್ಕ: ಸಾಮಾನ್ಯ, EWS ಮತ್ತು OBC ಅಭ್ಯರ್ಥಿಗಳಿಗೆ ₹850/- ಹಾಗೂ SC, ST, PwBD ಮತ್ತು ESM ಅಭ್ಯರ್ಥಿಗಳಿಗೆ ₹175/- ಶುಲ್ಕವಿರುತ್ತದೆ. ಇದನ್ನು ಆನ್‌ಲೈನ್ ಮೂಲಕ (UPI, ಡೆಬಿಟ್/ಕ್ರೆಡಿಟ್ ಕಾರ್ಡ್) ಪಾವತಿಸಬೇಕು.
ಆಯ್ಕೆ ಪ್ರಕ್ರಿಯೆ: ಅಭ್ಯರ್ಥಿಗಳನ್ನು ಅರ್ಜಿಗಳ ಶಾರ್ಟ್‌ಲಿಸ್ಟಿಂಗ್, ಆನ್‌ಲೈನ್ ಪರೀಕ್ಷೆ, ಮನೋಮಾಪನ ಪರೀಕ್ಷೆ (Psychometric Test), ಗುಂಪು ಚರ್ಚೆ (GD) ಹಾಗೂ ವೈಯಕ್ತಿಕ ಸಂದರ್ಶನ (PI) ಮುಖಾಂತರ ಆಯ್ಕೆ ಮಾಡಲಾಗುತ್ತದೆ.
ಆನ್‌ಲೈನ್ ಅರ್ಜಿ ಸಲ್ಲಿಕೆ ಪ್ರಾರಂಭ ದಿನಾಂಕ: 04-09-2026
ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 16-10-2026
ಬ್ಯಾಂಕ್ ಆಫ್ ಬರೋಡಾದ ಅಧಿಕೃತ ವೆಬ್‌ಸೈಟ್ (bankofbaroda.in) ಮೂಲಕ ಕೊನೆಯ ದಿನಾಂಕದೊಳಗೆ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಿ ಈ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳಿ.
