ವೆಂಕಟೇಶ್ ನಟಿಸಿರುವ ಮುಂಬರುವ ಚಿತ್ರ ‘ಆದರ್ಶಕುಟುಂಬಂ ಮನೆ ಸಂಖ್ಯೆ: 47’. ತ್ರಿವಿಕ್ರಮ್ ನಿರ್ದೇಶನದ ಈ ಚಿತ್ರವನ್ನು ಹರಿಕಾ ಮತ್ತು ಹಾಸಿನ್ ಕ್ರಿಯೇಷನ್ಸ್ ಬ್ಯಾನರ್ ಅಡಿಯಲ್ಲಿ ಎಸ್. ರಾಧಾಕೃಷ್ಣ (ಚಿನಬಾಬು) ನಿರ್ಮಿಸುತ್ತಿದ್ದಾರೆ.

ಮನರಂಜನೆ ಮತ್ತು ಹೃದಯಸ್ಪರ್ಶಿ ಭಾವನೆಗಳ ಮಿಶ್ರಣವಾಗಿ ಈ ಸಿನಿಮಾ ಬರಲಿದೆ. ಫ್ಯಾಮಿಲಿ ಎಂಟರ್​ಟೈನಿಂಗ್ ಸಿನಿಮಾ ಇದಾಗಲಿದೆ. ತ್ರಿವಿಕ್ರಮ್ ಅವರ ಹಾಸ್ಯ ಶೈಲಿ ಮತ್ತು ಅರ್ಥಪೂರ್ಣ ಕಥೆ ಪ್ರೇಕ್ಷಕರನ್ನು ಮೆಚ್ಚಿಸುತ್ತದೆ ಎಂದು ಚಿತ್ರತಂಡ ಹೇಳಿದೆ.

ಈ ಚಿತ್ರಕ್ಕೆ ರವಿ ಕೆ ಚಂದ್ರನ್ ಕ್ಯಾಮೆರಾ ವರ್ಕ್ ಮಾಡಿದ್ದು ಥಮನ್ ಸಂಗೀತವಿದೆ. ಎಸ್. ರಾಧಾಕೃಷ್ಣ (ಚಿನಬಾಬು) ನಿರ್ಮಾಣ ಮಾಡಿದ್ದು, ತ್ರಿವಿಕ್ರಮ್ ಬರೆದು ನಿರ್ದೇಶಿಸಿದ್ದಾರೆ. ವಿಕ್ಟರಿ ವೆಂಕಟೇಶ್-ತ್ರಿವಿಕ್ರಮ್ ಕಾಂಬೊ 2001 ರಲ್ಲಿ ಬಂದ ‘ನುವ್ವು ನಾಕು ನಚ್ಚಾವ್’ ಮತ್ತು 2004 ರಲ್ಲಿ ಬಂದ ‘ಮಲ್ಲೇಶ್ವರಿ’ ಚಿತ್ರಗಳನ್ನು ನೆನಪಿಸುತ್ತದೆ.

ಈ ಎರಡೂ ಚಿತ್ರಗಳು ಕ್ಲೀನ್ ಫ್ಯಾಮಿಲಿ ಎಂಟರ್ಟೈನರ್ ಆಗಿದ್ದವು. ಬಾಕ್ಸ್ ಆಫೀಸ್ ನಲ್ಲಿ ಬ್ಲಾಕ್ಬಸ್ಟರ್ ಯಶಸ್ಸನ್ನು ಗಳಿಸಿದವು. ಸುಮಾರು ಎರಡು ದಶಕಗಳ ನಂತರ, ಈ ಜೋಡಿ ‘ಆದರ್ಶ ಕುಟುಂಬಕಂ’ ಚಿತ್ರಕ್ಕಾಗಿ ಒಟ್ಟಿಗೆ ಬರುತ್ತಿದೆ.

ಈ ಚಿತ್ರದಲ್ಲಿ ವೆಂಕಟೇಶ್ ಗೆ ನಾಯಕಿಯಾಗಿ ಕೆಜಿಎಫ್ ಖ್ಯಾತಿಯ ಶ್ರೀನಿಧಿ ಶೆಟ್ಟಿ ನಟಿಸಿದ್ದಾರೆ. ತ್ರಿವಿಕ್ರಮ್ ನಿರ್ದೇಶನದ ಈ ಚಿತ್ರವನ್ನು ಹರಿಕಾ ಮತ್ತು ಹಾಸಿನ್ ಬ್ಯಾನರ್ ಅಡಿಯಲ್ಲಿ ಎಸ್. ರಾಧಾಕೃಷ್ಣ ನಿರ್ಮಿಸುತ್ತಿದ್ದಾರೆ. ಸ್ಟಾರ್ ಸಂಗೀತ ನಿರ್ದೇಶಕ ಥಮನ್ ಕೂಡ ಸಂಗೀತ ಸಂಯೋಜಿಸುತ್ತಿದ್ದಾರೆ.

ಅಕ್ಟೋಬರ್ 2ರಂದು, ಆ ದಿನದಂದು ಪ್ರಪಂಚದಾದ್ಯಂತ ಆದರ್ಶ ಕುಟುಂಬದ ಬಾಗಿಲು ತೆರೆಯುತ್ತದೆ. ಪ್ರತಿ ಕುಟುಂಬವೂ ಈ ದಿನಾಂಕವನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕು ಎಂದು ಚಿತ್ರತಂಡ ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡಿದೆ.