ಎಸ್​ ಜಾನಕಿ ಅವರು ತಮ್ಮ 92ನೇ ವಯಸ್ಸಿನಲ್ಲಿ ಜುಲೈ 11ರಂದು ಸಂಜೆ ಮೈಸೂರಿನಲ್ಲಿ ನಿಧನರಾದರು. ವಯೋಸಹಜ ಖಾಯಿಲೆಯಿಂದ ಬಳಲುತ್ತಿದ್ದ ಎಸ್​ ಜಾನಕಿ ಅವರ ಅಂತ್ಯ ಸಂಸ್ಕಾರ ನೆರವೇರಿದೆ. ಮಧ್ಯಾಹ್ನ 3.30ರ ಸುಮಾರಿಗೆ ಮೈಸೂರಿನ ಮಹಾರಾಜ ಗ್ರೌಂಡ್‌ನಿಂದ ಹೆಚ್‌ಡಿ ಕೋಟೆಗೆ ಮೃತದೇಹವನ್ನ ಸ್ಥಳಾಂತರಿಸಲಾಯ್ತು. ನಾಲ್ಕು ವರ್ಷದ ಹಿಂದೆ ಖರೀದಿಸಿದ್ದ ಕಣಿಯನಹುಂಡಿ ತೋಟದಲ್ಲೇ ಅಂತ್ಯ ಸಂಸ್ಕಾರ ನೆರವೇರಿಸಲಾಯ್ತು. ಇದೇ ಜಾಗದಲ್ಲೇ ತಮ್ಮ ಅಂತ್ಯಕ್ರಿಯೆ ನೆರವೇರಿಸ್ಬೇಕು ಅಂತಾನೂ ತಮ್ಮ ಕೊನೇ ಆಸೆಯನ್ನ ಹೇಳ್ಕೊಂಡಿದ್ದರಂತೆ. ಹೀಗಾಗಿ ಕಣಿಯನಹುಂಡಿ ಜಮೀನಿನಲ್ಲಿ ತೆಲುಗು ಬ್ರಾಹ್ಮಣ ಸಂಪ್ರದಾಯದಂತೆ ಸಕಲ ಸರ್ಕಾರಿ ಗೌರವಗಳೊಂದಿಗೆ ಅಂತ್ಯಕ್ರಿಯೆ ನೆರವೇರಿಸಲಾಗಿದೆ.

ಕಣಿಯನಹುಂಡಿ ಬಳಿಯ ಫಾರ್ಮ್ ಹೌಸ್​ನಲ್ಲಿ ಎಸ್​ ಜಾನಕಿ ಅವರ ಮೊಮ್ಮಗಳು ಅಪ್ಸರಾ ಅಂತಿಮ ವಿಧಿ ವಿಧಾನ ನೆರವೇರಿಸಿದ್ರು. ತೆಲುಗು ಬ್ರಾಹ್ಮಣ ಸಂಪ್ರದಾಯದಂತೆ ವಿಧಿ ವಿಧಾನ ಅಂತ್ಯಸಂಸ್ಕಾರ ನೆರವೇರಿಸಲಾಯಿತು. ಮೊಮ್ಮಗಳು ಅಪ್ಸರಾ ಎಸ್​​ ಜಾನಕಿ ಅವರ ಹಣೆಗೆ ಮುತ್ತಿಟ್ಟು ಕಣ್ಣೀರು ಹಾಕಿ ವಿದಾಯ ಹೇಳಿದರು. ಇನ್ನೂ, ಅಂತ್ಯಸಂಸ್ಕಾರದ ವೇಳೆ ಎಸ್​​ ಜಾನಕಿ ಅವರ ಅಭಿಮಾನಿಗಳ ಸಾಗರವೇ ಹರಿದು ಬಂದಿತ್ತು. ರಾಜಕೀಯ ಗಣ್ಯರು, ಚಲಚಿತ್ರರಂಗದವರು ಸೇರಿದಂತೆ ನೂರಾರೂ ಜನರು ಅಂತಿಮ ನಮನ ಸಲ್ಲಿಸಿದ್ರು. ಕರ್ನಾಟಕ ಸರ್ಕಾರದಿಂದ ಅಂತಿಮ ಗೌರವ ಸಲ್ಲಿಸಲಾಯ್ತು. ಪೊಲೀಸರು 3 ಸುತ್ತು ಗುಂಡು ಹಾರಿಸಿ, ಗೌರವ ಸಲ್ಲಿಸಲಾಯಿತು.