ಅಂದಹಾಗೇ, ಈ ಘಟನೆ ನಡೆದಿರೋದು ದೆಹಲಿಯ ಮೆಟ್ರೋದಲ್ಲಿ. ಯುವತಿ ತನ್ನ ಮೇಕಪ್ ಬ್ರ್ಯಾಂಡ್ ಬಗ್ಗೆ ಪ್ರಚಾರ ಮಾಡಿಕೊಳ್ಳಲು ಮೆಟ್ರೋದ ಮಹಿಳಾ ಮೀಸಲು ಕೋಚ್ ಆಯ್ಕೆ ಮಾಡಿಕೊಂಡಿದ್ದರು. ಅಲ್ಲದೇ, ಈ ಸಂದರ್ಭದ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.

ದಿನನಿತ್ಯದ ಚಟುವಟಿಕೆಗಳ ಪ್ರಯಾಣದ ಸಂದರ್ಭದಲ್ಲಿ ಜನರು ಮೆಟ್ರೋ ರೈಲುಗಳನ್ನು ಹೆಚ್ಚಾಗಿ ಬಳಕೆ ಮಾಡುತ್ತಿದ್ದಾರೆ. ಇದನ್ನೇ ಬಂಡವಾಳವಾಗಿ ಮಾಡಿಕೊಂಡ ಸೈಶಾ ಎಂಬ ಇನ್ ಸ್ಟಾ ಖಾತೆ ಹೊಂದಿರುವ ಯುವತಿ ದಿಟ್ಟ ಹೆಜ್ಜೆ ಇಟ್ಟು, ತಮ್ಮ ಬ್ರ್ಯಾಂಡ್ ಬಗ್ಗೆ ಪ್ರಚಾರ ಮಾಡಿ, ಸಹ ಪ್ರಯಾಣಿಕರೊಂದಿಗೆ ಚರ್ಚೆ ನಡೆಸಿದ್ದಾರೆ. ಅಲ್ಲದೇ ಈ ಕುರಿತ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.

ವಿಡಿಯೋದಲ್ಲಿ ಏನಿದೆ ಅಂತ ನೋಡುವುದಾದರೆ, ಮೊದಲಿಗೆ ಯುವತಿ ಮೆಟ್ರೋ ನಿಲ್ದಾಣದಲ್ಲಿ ತಾವು ಏನು ಮಾಡ್ತೀವಿ ಅನ್ನೋದನ್ನು ವಿಡಿಯೋ ಮಾಡುತ್ತಾ ವಿವರಿಸಿದ್ದಾರೆ. ಅಲ್ಲದೇ ಈ ರೀತಿ ಮಾಡಲು ನನಗೆ ಅನುಮತಿ ಇದೆಯೋ ತಿಳಿದಿಲ್ಲ ಎಂದಿರುವ ಆಕೆ, ಮೇಕಪ್ ಬ್ರ್ಯಾಂಡ್ ಬಗ್ಗೆ ಪ್ರಚಾರ ಮಾಡಲು ಮಹಿಳಾ ಮೀಸಲು ಇರುವ ಮೆಟ್ರೋ ಕೋಚ್​ಗಿಂತ ಉತ್ತಮ ಸ್ಥಳ ಬೇರೆ ಇರೋದಿಲ್ಲ ಎಂದು ಹೇಳಿದ್ದಾರೆ.

ಇನ್ನು, ಈ ವಿಡಿಯೋಗೆ ಪ್ರತಿಕ್ರಿಯೆ ನೀಡಿರುವ ಹಲವರು, ಯುವತಿಯ ಕಲ್ಪನೆಗೆ ಮೆಚ್ಚುಗೆ ಸೂಚಿಸಿದ್ದಾರೆ. ಇದು ಅತ್ಯುತ್ತಮ ತಂತ್ರ, ನಾನು ಅಲ್ಲಿದಿದ್ದರೆ ನಿಮಗೆ ಬೆಂಬಲ ನೀಡುತ್ತಿದ್ದೆ. ಇದಕ್ಕೆ ತುಂಬಾ ಧೈರ್ಯಬೇಕು ಎಂದು ಇತರರು ಪ್ರತಿಕ್ರಿಯೆ ನೀಡಿದ್ದಾರೆ. ಆದರೆ ಬೆಂಗಳೂರು ಸೇರಿದಂತೆ ದೇಶದ ಬಹುತೇಕ ಮೆಟ್ರೋದಲ್ಲಿ ಕರಪತ್ರ ಹಂಚಿಕೆ ಮಾಡುವುದು, ಕೂಗಿ ಪ್ರಚಾರ ಮಾಡುವುದು, ಗೋಡೆಗಳ ಮೇಲೆ ಪೋಸ್ಟರ್ ಅಂಟಿಸುವುದನ್ನು ಸಂಪೂರ್ಣವಾಗಿ ನಿಷೇಧ ಮಾಡಲಾಗಿದೆ. ಆದರೆ ಅಧಿಕೃತವಾಗಿ ಕಡಿಮೆ ಮೊತ್ತ ಖರ್ಚು ಮಾಡಿ ನೀವು ಮೆಟ್ರೋದಲ್ಲಿ ಜಾಹೀರಾತು ನೀಡಬಹುದು. ಇದಕ್ಕೆ ನೀವು ಮೆಟ್ರೋ ಅಧಿಕಾರಿಗಳನ್ನು ಸಂಪರ್ಕ ಮಾಡಿ, ಡಿಜಿಟಲ್ ಸ್ಕ್ರೀನ್ ಗಳ ಮೇಲೆ ಜಾಹೀರಾತು ಪ್ರಕಟಣೆ ಮಾಡಿಸಬಹುದು.