ಇತ್ತೀಚೆಗೆ ಮುಕ್ತಾಯಗೊಂಡ ಜಿಂಬಾಬ್ವೆ ವಿರುದ್ಧದ ಮೂರು ಪಂದ್ಯಗಳ ಸರಣಿಯಲ್ಲಿ ಸೂರ್ಯವಂಶಿ ಸರಣಿ ಶ್ರೇಷ್ಠ ಆಟಗಾರ ಪ್ರಶಸ್ತಿ ಪಡೆದಿದ್ದರು. ವೈಭವ್ 3 ಪಂದ್ಯಗಳಿಂದ ಎರಡು ಅರ್ಧಶತಕಗಳೊಂದಿಗೆ 151 ರನ್ ಗಳಿಸಿದ್ದರು. 15 ವರ್ಷದ ಈ ಆಟಗಾರ 50 ಓವರ್‌ಗಳ ಸ್ವರೂಪದಲ್ಲಿ ಸ್ಥಾನ ಪಡೆಯುವಷ್ಟು ಉತ್ತಮ ಪ್ರದರ್ಶನ ನೀಡಿದ್ದಾರೆ ಎಂದು ಎಂಜಿನಿಯರ್ ಅಭಿಪ್ರಾಯಪಟ್ಟಿದ್ದಾರೆ. ಭಾರತದ ಏಕದಿನ ತಂಡದಲ್ಲಿ ಸೂರ್ಯವಂಶಿಯನ್ನು ಸೇರಿಸಿಕೊಳ್ಳಲು ಇದು ಬಹುಶಃ ಸರಿಯಾದ ಸಮಯ ಎಂದು ಅವರು ಹೇಳಿದ್ದಾರೆ.

ಪ್ರಸ್ತುತ ಗಿಲ್ ತಂಡದ ಅತ್ಯುತ್ತಮ ಕ್ಲಾಸ್ ಆಟಗಾರ. ಅವರು ಸುಲಭವಾಗಿ ಸಿಕ್ಸರ್-ಬೌಂಡರಿಗಳಿಗಾಗಿ ಗಾಳಿಯಲ್ಲಿ ಚೆಂಡನ್ನು ಹಾರಿಸುವ ಆಟಗಾರನಲ್ಲ (ಅಂದರೆ ನೆಲದ ಮೇಲೆಯೇ ಕ್ಲಾಸಿಕ್ ಶಾಟ್‌ಗಳನ್ನು ಆಡುತ್ತಾರೆ). ಆದ್ದರಿಂದ ಅವರು 4ನೇ ಕ್ರಮಾಂಕದಲ್ಲಿ ಆಡುವುದು ಸೂಕ್ತ. ವೈಭವ್​ ಆರಂಭಿಕನಾದರೆ ಎಡ-ಬಲ ಸಂಯೋಜನೆಯು ಏಕದಿನ ಪಂದ್ಯಗಳಲ್ಲಿ ಸೂಕ್ತವಾಗಿರುತ್ತದೆ. ಆದ್ದರಿಂದ ರೋಹಿತ್ ಆಡುವವರೆಗೂ ಸೂರ್ಯವಂಶಿಯೊಂದಿಗೆ ಅವರನ್ನು ಓಪನಿಂಗ್ ಮಾಡಲು ಬಿಡಬೇಕು ಎಂದು ನಾನು ಭಾವಿಸುತ್ತೇನೆ. ಸೂರ್ಯವಂಶಿ ಆರಂಭಿಕ ಆಟಗಾರನಾಗಿ ಹೆಚ್ಚು ಉತ್ತಮ. ಏಕೆಂದರೆ ಅವರು ಮೈದಾನದಲ್ಲಿ ಸುಲಭವಾಗಿ ಗ್ಯಾಪ್‌ಗಳನ್ನು ಹುಡುಕಿ ರನ್ ಗಳಿಸಬಲ್ಲರು. ವಿರಾಟ್ ಕೊಹ್ಲಿ ಮೂರನೇ ಕ್ರಮಾಂಕದಲ್ಲಿ ಆಡಬಹುದು. ಗಿಲ್ ನಾಲ್ಕನೇ ಕ್ರಮಾಂಕದಲ್ಲಿ ಆಡಬಹುದು ಮತ್ತು ನಂತರ ನಮಗೆ ಬಲವಾದ ಬ್ಯಾಟಿಂಗ್ ಕ್ರಮಾಂಕವಿರುತ್ತದೆ.

ಸೂರ್ಯವಂಶಿ ಸಾಂಪ್ರದಾಯಿಕ ಕ್ರಿಕೆಟ್ ಪುಸ್ತಕದ (MCC Manual) ನಿಯಮಗಳ ಪ್ರಕಾರ ಆಡುವವರಲ್ಲ. ಆದ್ದರಿಂದ ಅವರಿಗೆ ಅತಿಯಾದ ಕೋಚಿಂಗ್ ನೀಡಿ ಅವರ ನೈಜ ಆಟದ ಶೈಲಿಯನ್ನು ಹಾಳು ಮಾಡಬಾರದು ಎಂದು ಇಂಜಿನಿಯರ್ ಎಚ್ಚರಿಸಿದ್ದಾರೆ. ಅವರು ನಿಮ್ಮನ್ನು ಸೋಲಿಸುವುದಕ್ಕಿಂತ ಹೆಚ್ಚಿನ ಪಂದ್ಯಗಳನ್ನು ಗೆಲ್ಲಿಸುತ್ತಾರೆ. ಅವರು ನಿಮಗೆ ಉತ್ತಮ ಆರಂಭವನ್ನು ನೀಡಿದಾಗ, ಇತರ ಆಟಗಾರರು ಇನ್ನಿಂಗ್ಸ್ ಮುಂದುವರಿಸಲು ಮತ್ತು ದೊಡ್ಡ ಸ್ಕೋರ್ ಮಾಡಲು ಸಮಯ ಪಡೆಯಬಹುದು ಎಂದು ಸಲಹೆ ನೀಡಿದ್ದರು.