ಆತ್ಮಹತ್ಯೆಗು ಮುನ್ನ ನಟಿ ಕೃಷಿ ತಾಪಂಡಗೆ ವೈಶಾಖ್ ಮೆಸೇಜ್ ಹಾಗೂ ಕಾಲ್ ಮಾಡಿದ್ದರು ಎನ್ನಲಾಗಿದ್ದು ನಂತರ ಪತ್ನಿಗೂ ಮೆಸೇಜ್ ಮಾಡಿದ್ದರು ಎನ್ನಲಾಗಿದೆ. ಆದರಿಂದಾಗಿ ಮೊಬೈಲ್ ಫೋನ್ ವಶಕ್ಕೆ ಪಡೆದು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

ಆರ್ ಆರ್ ನಗರ ಪೊಲೀಸರಿಂದ ತನಿಖೆ ನಡೆಯುತ್ತಿದ್ದು, ನಟಿ ಕೃಷಿ ತಾಪಂಡ ಸ್ನೇಹಿತ ವೈಶಾಕ್ ಆತ್ಮಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿ ಆರ್ ಆರ್ ನಗರ ಪೊಲೀಸರು ಯುಡಿಆರ್ ದಾಖಲಿಸಿದ್ದಾರೆ.

ಸೀರೆಯಿಂದ ಪ್ಯಾನ್ ಗೆ ನೇಣು ಬಿಗಿದುಕೊಂಡು ವೈಶಾಕ್ ಆತ್ಮಹತ್ಯೆ ಮಾಡಿಕೊಂಡಿದ್ದು, ಅವರ ಪತ್ನಿ ಮೇಘಾ ದೂರಿನಲ್ಲಿ ಯಾರ ಮೇಲೂ ಆರೋಪ ಮಾಡಿಲ್ಲ. ಯಾರ ಮೇಲೂ ಅನುಮಾನ ವ್ಯಕ್ತಪಡಿಸದೆ ದೂರು ನೀಡಿರುವ ಪತ್ನಿ ಮೇಘಾ ಅವರು ಎರಡು ಪುಟಗಳ ದೂರಿನಲ್ಲಿ ಹಲವು ಅಂಶಗಳ ಬಗ್ಗೆ ಉಲ್ಲೇಖಿಸಿದ್ದಾರೆ.

ಹೀಗಿದ್ದರೂ ಯಾರ ಮೇಲೂ ಮೇಘಾ ಅವರು ಅನುಮಾನ ವ್ಯಕ್ತ ಪಡಿಸದೇ ಇದ್ದರೂ ಕೂಡಾ ಕೃಷಿ ತಾಪಂಡ ಅವರು ಮನೆಯ ಕೀಯನ್ನು ವೈಶಾಖ್ ಕೈಗೆ ಕೊಟ್ಟಿರುವ ಅಂಶ ದೊಡ್ಡ ಹಿನ್ನಡೆಯಾಗೋ ಸಾಧ್ಯತೆ ಇದೆ. ಕೃಷಿ ಮನೆಯಲ್ಲಿಯೇ ಕೃಷಿ ಬೆಡ್​ರೂಮ್​​ನಲ್ಲಿಯೇ ವೈಶಾಖ್ ನೇಣು ಹಾಕಿಕೊಂಡಿದ್ದು, ನಟಿಯ ಮನೆಯ ಕೀ ಕೂಡಾ ವೈಶಾಖ್​ಗೆ ನಟಿ ಕೊಟ್ಟಿದ್ದರು. ಈ ಒಂದು ಅಂಶವೇ ಅವರಿಗೆ ಹಿನ್ನಡೆಯಾಗೋ ಸಾಧ್ಯತೆ ಇದೆ ಎನ್ನಲಾಗಿದೆ.

ವೈಶಾಖ್ ಮೃತದೇವನ್ನು ಪರಣೋತ್ತರ ಪರೀಕ್ಷೆ ನಂತರ ಕುಟುಂಬಸ್ಥರ ಸಮ್ಮುಖದಲ್ಲಿ ಅಂತ್ಯಕ್ರಿಯೆ ನಡೆಸಲಾಗಿತ್ತು. ಕೃಷಿ ತಾಪಂಡಗೆ ಅಂತ್ಯಕ್ರಿಯೆಯಲ್ಲಿ ಭಾಗಿಯಾಗಲು ವೈಶಾಖ್ ಮನೆಮಂದಿ ಅವಕಾಶ ನೀಡಿಲ್ಲ ಎನ್ನಲಾಗಿದೆ.

ವರದಿ: ಮುನಿರಾಜು ಕೆಜಿ. ನ್ಯೂಸ್​18 ಕನ್ನಡ ಪ್ರತಿನಿಧಿ ಬೆಂಗಳೂರು