ಹೌದು, ಆಕೆಯ ಸಂಬಂಧಿ ಸರಸ್ವತಿ ಗೋಯಲ್ ಹೇಳುವ ಪ್ರಕಾರ, “ಸಿಯಾಳ ತಂದೆ ತಾಯಿ ಹಲವು ವರ್ಷಗಳ ಪ್ರಾರ್ಥನೆ, ಹರಕೆಗಳ ನಂತರ ಆಕೆಯನ್ನು ಪಡೆದಿದ್ದರು. ಅದರಲ್ಲೂ, ಸಿಯಾ ಹುಟ್ಟುವ ಮುನ್ನವೇ ದಂಪತಿ ತಮ್ಮ ಕುಟುಂಬದಿಂದ ಒಬ್ಬ ಗಂಡು ಮಗುವನ್ನು ದತ್ತು ಪಡೆದಿದ್ದರು. ಧಾರ್ಮಿಕ ಮನೋಭಾವದ ಗೋಯಲ್ ಕುಟುಂಬಕ್ಕೆ ಸಿಯಾ ಏಕೈಕ ಸ್ವಂತ ಮಗಳು” ಎಂದಿದ್ದಾರೆ.

ಏತನ್ಮಧ್ಯೆ, ಪ್ರಕರಣದ ತನಿಖೆಯಲ್ಲಿ ಸಿಯಾ ಮತ್ತು ಚೇತನ್ ಅವರ ಮೊಬೈಲ್ ಕರೆ ದಾಖಲೆಗಳು ಮಹತ್ವದ ಸಾಕ್ಷಿಯಾಗಿವೆ. ಇಬ್ಬರ ನಡುವೆ 2,000ಕ್ಕೂ ಹೆಚ್ಚು ಕರೆಗಳು ಮತ್ತು 238 ಗಂಟೆಗಳಿಗೂ ಅಧಿಕ ಚಾಟ್ ನಡೆದಿರುವುದು ಪತ್ತೆಯಾಗಿದೆ. ಅದರಲ್ಲೂ, ಕೊಲೆ ನಡೆದ ದಿನವೂ ಇಬ್ಬರೂ ನಿರಂತರ ಸಂಪರ್ಕದಲ್ಲಿದ್ದರು. ಜೊತೆಗೆ ಕೋಟೆಗೆ ಕೇತನ್‌ನನ್ನು ಕರೆಸುವ ಯೋಜನೆ, ಆತನ ಚಲನವಲನದ ಬಗ್ಗೆ ಪರಸ್ಪರ ಮಾಹಿತಿ ಹಂಚಿಕೊಂಡಿರುವುದು ತನಿಖೆಯಲ್ಲಿ ಬಯಲಾಗಿದೆ. ಈ ಡಿಜಿಟಲ್ ಸಾಕ್ಷ್ಯಗಳೇ ಇಬ್ಬರನ್ನು ಕಂಬಿ ಹಿಂದೆ ಕಳುಹಿಸಲು ಪ್ರಮುಖ ಕಾರಣವಾಗಿದೆ.