ಮಹಾರಾಷ್ಟ್ರದ ಬೀಡ್ ಜಿಲ್ಲೆಯ (Maharashtra’s Beed district) ಪರ್ಲಿ ಮೂಲದ ದಹಿಫಾಲೆ ಕುಟುಂಬದಲ್ಲಿ ಬರೋಬ್ಬರಿ 200 ವರ್ಷಗಳು ಹಾಗೂ ನಾಲ್ಕು ತಲೆಮಾರುಗಳ ನಂತರ ಹೆಣ್ಣು ಮಗುವೊಂದು ಜನಿಸಿದ್ದು, ಈ ಸಂಭ್ರಮವನ್ನು ಕುಟುಂಬಸ್ಥರು ಅತ್ಯಂತ ವೈಭವದಿಂದ ಆಚರಿಸಿದ್ದಾರೆ. ಆ ಕುಟುಂಬಕ್ಕೆ ಬಂದ ಈ ದೇವತೆಯನ್ನು ಬರಮಾಡಿಕೊಳ್ಳಲು, ಗಾರ್ಗಿ ಎಂದು ಹೆಸರಿಡಲಾದ ಆ ನವಜಾತ ಶಿಶು ಮತ್ತು ಆಕೆಯ ತಾಯಿಯನ್ನು ಆಸ್ಪತ್ರೆಯಿಂದ ಭವ್ಯವಾಗಿ ಅಲಂಕರಿಸಿದ ರಾಜಮನೆತನದ ರಥದಲ್ಲಿ ಮನೆಗೆ ಕರೆತಂದಿದೆ. ಈ ಸುದೀರ್ಘ ಕಾಯುವಿಕೆಯ ಕ್ಷಣವನ್ನು ಸ್ಮರಣೀಯವಾಗಿಸಲು ಸಾಂಪ್ರದಾಯಿಕ ಡೋಲ್-ತಾಶ (ಡೋಲುಗಳು), ತಾಳ-ತಂಬೂರಿಗಳ ಮುಖಾಂತರ ಇಡೀ ನೆರೆಹೊರೆಯವರು ಮೆರವಣಿಗೆಯಲ್ಲಿ ನೃತ್ಯ ಮಾಡುತ್ತಾ ಸಡಗರದಿಂದ ಪಾಲ್ಗೊಂಡಿದ್ದರು.