ರಾಂಚಿಯಲ್ಲಿ ನಡೆದ ಎರಡನೇ ಟಿ20 ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ತಂಡವು ಭಾರತವನ್ನು 6 ವಿಕೆಟ್‌ಗಳಿಂದ ಸೋಲಿಸಿದೆ. ಅಕ್ಷರ್ ಪಟೇಲ್, ಕುಲ್ದೀಪ್ ಯಾದವ್ ಮತ್ತು ನಮನ್ ಧೀರ್ ಸೇರಿದಂತೆ ಎಲ್ಲಾ ಸ್ಪಿನ್ ಬೌಲರ್‌ಗಳು ದುಬಾರಿಯಾದರು. ಮೊದಲು ಬ್ಯಾಟ್ ಮಾಡಿದ ಟೀಮ್ ಇಂಡಿಯಾ 249 ರನ್‌ಗಳ ಬೃಹತ್ ಮೊತ್ತ ಕಲೆಹಾಕಿತ್ತು. ಕೋಚ್ ಗೌತಮ್ ಗಂಭೀರ್ ಮತ್ತು ನಾಯಕ ಶ್ರೇಯಸ್ ಅಯ್ಯರ್ ಹಲವು ರಣತಂತ್ರಗಳನ್ನು ರೂಪಿಸಿದರೂ, ಆದ್ರೆ, ಶಾಯ್ ಹೋಪ್ ಅವರ ಬ್ಯಾಟಿಂಗ್​​ ಎಲ್ಲ ಪ್ಲಾನ್​ಗಳನ್ನು ತಲೆ ಕೆಳಗಾಗುವಂತೆ ಮಾಡಿದೆ.

ಶಾಯ್ ಹೋಪ್ ಹೊರತಾಗಿ ಶೆರ್ಫಾನ್ ರುದರ್‌ಫೋರ್ಡ್ ಕೂಡ 37 ಎಸೆತಗಳಲ್ಲಿ 84 ರನ್ ಸಿಡಿಸಿ ಭಾರತೀಯ ಬೌಲರ್‌ಗಳ ಮೇಲೆ ಸವಾರಿ ಮಾಡಿದರು. ಎರಡನೇ ಇನಿಂಗ್ಸ್‌ನಲ್ಲಿ ಇಬ್ಬನಿ (ಡ್ಯೂ ಫ್ಯಾಕ್ಟರ್) ಪ್ರಮುಖ ಪಾತ್ರ ವಹಿಸಿತು. ಬೌಲಿಂಗ್ ಮಾಡಲು ಕಷ್ಟವಾದ ಈ ಪರಿಸ್ಥಿತಿಯ ಸಂಪೂರ್ಣ ಲಾಭ ಪಡೆದ ಎರಡು ಬಾರಿಯ ವಿಶ್ವ ಚಾಂಪಿಯನ್ ವೆಸ್ಟ್ ಇಂಡೀಸ್, ತನ್ನ ಅನುಭವವನ್ನು ಬಳಸಿ ದಾಖಲೆಯ ಜಯ ದಾಖಲಿಸಿತು. ಅಲ್ಲದೇ ಟೀಂ ಇಂಡಿಯಾ ಆಟಗಾರರು ಕ್ಯಾಚ್​ಗಳನ್ನು ಬಿಟ್ಟು ಜೀವದಾನ ನೀಡಿದ್ರು. ಈ ಸೋಲು ಭಾರತೀಯ ತಂಡದ ಬೌಲಿಂಗ್ ತಂತ್ರಗಾರಿಕೆಯ ಬಗ್ಗೆ ಗಂಭೀರ ಚಿಂತೆ ಮೂಡಿಸಿದೆ.