ಭಾರತದ ಹೊರಗೆ ಯಾವುದೇ ದೇಶಕ್ಕೆ ಪ್ರಯಾಣಿಸಬೇಕಾದರೂ ಪಾಸ್‌ಪೋರ್ಟ್ ಅಥವಾ ವೀಸಾ ಅತ್ಯಗತ್ಯ. ಆದರೆ ಭಾರತದ ಭೂಪ್ರದೇಶದ ಒಳಗೇ ಇರುವ, ಪಶ್ಚಿಮ ಬಂಗಾಳದ ಕೂಚ್‌ಬಿಹಾರ್ ಜಿಲ್ಲೆಯಲ್ಲಿರುವ ದಹಲಾ ಖಗ್ರಾಬರಿ ಎಂಬ ಪ್ರದೇಶವು, ಪಕ್ಕದ ಬಾಂಗ್ಲಾದೇಶಕ್ಕೆ ಸೇರಿದ ಗ್ರಾಮವಾಗಿದೆ! ವಿಚಿತ್ರವೆನಿಸಿದರೂ ಇದು ಸತ್ಯ!

ಇದು ಯಾವುದೇ ಕಲ್ಪಿತ ಕಥೆಯಲ್ಲ, ನೂರಕ್ಕೆ ನೂರು ಸತ್ಯ. ಪಶ್ಚಿಮ ಬಂಗಾಳದ ಕೂಚ್ ಬೆಹಾರ್ ಜಿಲ್ಲೆಯಲ್ಲಿರುವ ತೀನ್ ಬಿಘಾ ಕಾರಿಡಾರ್ ಮತ್ತು ದಹಾಗ್ರಾಮ್-ಅಂಗರಪೋಟಾ ಪ್ರದೇಶ ಇಂದಿಗೂ ಭಾರತೀಯರಿಗೆ ಒಂದು ನಿಗೂಢ ಮತ್ತು ವಿಭಿನ್ನ ನಿಯಮಗಳ ನೆಲೆಯಾಗಿ ಉಳಿದಿದೆ. ಭಾರತದ ನಕ್ಷೆಯ ಒಳಗಿದ್ದರೂ ಈ ಪ್ರದೇಶವು ಬಾಂಗ್ಲಾದೇಶದ ಆಡಳಿತಕ್ಕೆ ಒಳಪಟ್ಟಿದೆ.

ತೀನ್ ಬಿಘಾ ಕಾರಿಡಾರ್ ಎಂಬುದು ಕೇವಲ 178 ಮೀಟರ್ ಉದ್ದ ಮತ್ತು 85 ಮೀಟರ್ ಅಗಲವಿರುವ ಒಂದು ಸಣ್ಣ ಭೂಪ್ರದೇಶವಾಗಿದೆ. 1996 ರಲ್ಲಿ ಭಾರತ ಸರ್ಕಾರವು ಬಾಂಗ್ಲಾದೇಶದ ದಹಾಗ್ರಾಮ್-ಅಂಗರಪೋಟಾ ಎನ್‌ಕ್ಲೇವ್‌ನ ನಿವಾಸಿಗಳು ತಮ್ಮ ಮುಖ್ಯ ಭೂಭಾಗವನ್ನು ತಲುಪಲು ಅನುಕೂಲವಾಗುವಂತೆ ಈ ಕಾರಿಡಾರ್ ಅನ್ನು ಬಾಂಗ್ಲಾದೇಶಕ್ಕೆ 999 ವರ್ಷಗಳ ಅವಧಿಗೆ ಗುತ್ತಿಗೆಗೆ ನೀಡಿತು.

ಈ ವಿಶಿಷ್ಟ ಪ್ರದೇಶದೊಳಗೆ ಕಾಲಿಡುತ್ತಿದ್ದಂತೆ ಭಾರತ ಮಾಯವಾಗಿ ಬಾಂಗ್ಲಾದೇಶದ ವಾತಾವರಣ ಸೃಷ್ಟಿಯಾಗುತ್ತದೆ. ಇಲ್ಲಿ ಭಾರತೀಯ ರೂಪಾಯಿ ಚಲಾವಣೆಯಲ್ಲಿಲ್ಲ, ಬದಲಿಗೆ ಬಾಂಗ್ಲಾದೇಶದ ಟಕಾ ಕರೆನ್ಸಿಯನ್ನು ಬಳಸಲಾಗುತ್ತದೆ. ಇಲ್ಲಿನ ಮನೆಗಳ ಮೇಲೆ ಬಾಂಗ್ಲಾದೇಶದ ರಾಷ್ಟ್ರಧ್ವಜಗಳು ಹಾರಾಡುತ್ತವೆ. ಇಲ್ಲಿನ ಶಾಲೆಗಳು, ಆಸ್ಪತ್ರೆಗಳು ಮತ್ತು ಕಾನೂನು ಸುವ್ಯವಸ್ಥೆ ಎಲ್ಲವೂ ಬಾಂಗ್ಲಾದೇಶ ಸರ್ಕಾರದ ನಿಯಂತ್ರಣದಲ್ಲಿದೆ.

ಕೆಲ ವರದಿಗಳ ಪ್ರಕಾರ, ಈ ಪ್ರದೇಶದಲ್ಲಿ ಸುಮಾರು 20 ಸಾವಿರ ಬಾಂಗ್ಲಾದೇಶಿ ನಾಗರಿಕರು ವಾಸಿಸುತ್ತಿದ್ದು, ಅವರ ದೈನಂದಿನ ಜೀವನ, ಭಾಷೆ, ಸಂಸ್ಕೃತಿ ಮತ್ತು ಆರ್ಥಿಕತೆ ಸಂಪೂರ್ಣವಾಗಿ ಬಾಂಗ್ಲಾದೇಶಕ್ಕೆ ಹೊಂದಿಕೊಂಡಿದೆ.