Last Updated:
ನೇಪಾಳದಲ್ಲಿ ಈಗಾಗಲೇ ಪ್ರವಾಹ ಹಾನಿಯನ್ನುಂಟುಮಾಡಿದೆ. ಈ ಮಧ್ಯೆ ಹಿಮಾಲಯ ಪ್ರದೇಶ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಸರಣಿ ಭೂಕಂಪಗಳು ಮುಂದುವರೆದಿವೆ. ಇತ್ತ ಇಂದು ಶುಕ್ರವಾರ ಚೀನಾದ ಸಿಚುವಾನ್ ಪ್ರಾಂತ್ಯದಲ್ಲಿ ಪ್ರಬಲ ಭೂಕಂಪ ಸಂಭವಿಸಿದೆ, ಜೊತೆಗೆ ಭಾರತದ ಮಣಿಪುರದಲ್ಲಿಯೂ ಸಹ ಕಂಪನ ಸಂಭವಿಸಿದೆ.
ನೇಪಾಳದಲ್ಲಿ ನಡೆದ ದುರಂತದ ನಡುವೆಯೇ ಚೀನಾದಲ್ಲಿ (China) ಪ್ರಬಲ ಭೂಕಂಪ (Earthquake) ಸಂಭವಿಸಿದೆ. ಚೀನಾದ ಸಿಚುವಾನ್ ಪ್ರಾಂತ್ಯದಲ್ಲಿ ಭೂಮಿ ಕಂಪಿಸಿದೆ. ನೇಪಾಳದ (Nepal) ಪಕ್ಕದಲ್ಲಿರುವ ಚೀನಾದಲ್ಲಿ ಶುಕ್ರವಾರ ಈ ಭೂಕಂಪ ನಡೆದಿದೆ. ಟಿಬೆಟ್ ಮತ್ತು ನೇಪಾಳದಲ್ಲಿ ಸಂಭವಿಸಿದ ದುರಂತದ ನಡುವೆಯೇ ಈ ಕಂಪನವು ಜನರನ್ನು ಭಯಭೀತಗೊಳಿಸಿದೆ. ಈ ಮಧ್ಯೆ ಭಾರತದಲ್ಲೂ ಭೂಮಿ ಅಲುಗಾಡಿದೆ. ಭಾರತದ ಮಣಿಪುರದಲ್ಲಿಯೂ ಈ ಕಂಪನದ ಅನುಭವವಾಗಿದೆ.
