ಕ್ರಿಸ್ಟೋಫರ್​ ನೋಲಾನ್ ತಮ್ಮ ಚಿತ್ರಗಳಲ್ಲಿ ಗ್ರಾಫಿಕ್ಸ್​​​, ಸಿಜಿಐ ಬಳಸದೆ ಸಿನಿಮಾಗಳನ್ನು ಚಿತ್ರಿಸಿ ಸೈ ಎನಿಸಿಕೊಂಡಿದ್ದಾರೆ. ಇಡೀ ಚಿತ್ರರಂಗವೇ ಡಿಜಿಟಲ್​ ಕ್ಯಾಮರಾ ಸೇರಿದಂತೆ ಹಲವು ತಂತ್ರಜ್ಞಾನಗಳನ್ನು ಬಳಸುತ್ತಿದ್ದರೆ, ನೋಲನ್​ ಐಮ್ಯಾಕ್ಸ್ (IMAX) ರೀಲ್​​ ಕ್ಯಾಮೆರಾದಲ್ಲಿ ತಮ್ಮ ಚಿತ್ರವನ್ನು ಚಿತ್ರೀಕರಿಸುತ್ತಾರೆ.

ಸೈನ್ಸ್​​ ಫಿಕ್ಷನ್​ ಕಥೆ ಆಧಾರಿತ ಇಂಟರ್​ಸ್ಟೆಲ್ಲಾರ್​​ ಸಿನಿಮಾ ಸ್ಟೋರಿಯ ಪ್ರಕಾರ, ಭೂಮಿಯ ವಿನಾಶದ ಸಮಯದಲ್ಲಿ ಕೇವಲ ಜೋಳ ಮಾತ್ರ ಬದುಕಿ ಉಳಿಯುವ ಏಕೈಕ ಬೆಳೆಯಾಗಿರುತ್ತದೆ. ಈ ದೃಶ್ಯಗಳಿಗಾಗಿ ಗ್ರಾಫಿಕ್ಸ್ ಬಳಸಲು ನೊಲನ್ ಸಂಪೂರ್ಣವಾಗಿ ನಿರಾಕರಿಸಿದ್ದರು. ತಮಗೆ ಬೇಕಾದ ನೈಜ ವಾತಾವರಣವನ್ನು ಸೃಷ್ಟಿಸಲು ಕೆನಡಾದ ಆಲ್ಬರ್ಟಾ ಎಂಬ ಪ್ರದೇಶದಲ್ಲಿ ಬರೋಬ್ಬರಿ 500 ಎಕರೆ ಕೃಷಿ ಭೂಮಿಯನ್ನು ಪಡೆದು, ಮೆಕ್ಕೆಜೋಳದ ಬೆಳೆ ನಿರ್ಮಿಸಿದರು.

ಕ್ರಿಸ್ಟೊಫರ್​ ನೊಲಾನ್​ ಈ ಹಿಂದೆ ತಾವು ನಿರ್ದೇಶನ ಮಾಡಿದ್ದ  ‘ಮ್ಯಾನ್ ಆಫ್ ಸ್ಟೀಲ್’ ಚಿತ್ರದ ಚಿತ್ರೀಕರಣದ ವೇಳೆ ಸಣ್ಣ ಪ್ರಮಾಣದಲ್ಲಿ  ಜೋಳವನ್ನು ಬೆಳೆದಿದ್ದರು. ಇದು ಯಶಸ್ವಿಯಾಗಿದ್ದರಿಂದ, ನೊಲನ್ ಅವರು ‘ಇಂಟರ್‌ಸ್ಟೆಲ್ಲಾರ್’ ಚಿತ್ರಕ್ಕಾಗಿ ದೊಡ್ಡ ಪ್ರಮಾಣದಲ್ಲಿ ಜೋಳ ಬೆಳೆಯಲು ಧೈರ್ಯ ಮಾಡಿದರು. ಅವರ ಈ ಪ್ಲಾನ್ ಸಖತ್​ ವರ್ಕ್ ಔಟ್ ಆಯಿತು. ಶೂಟಿಂಗ್ ಮುಗಿದ ನಂತರ ತೋಟದಲ್ಲಿದ್ದ ಇಡೀ ಜೋಳದ ಬೆಳೆಯನ್ನು ಚಿತ್ರತಂಡ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಿತು. ಸಿನಿಮಾ ಸೂಪರ್ ಹಿಟ್ ಆಗುವ ಮುನ್ನವೇ, ಈ ಮೆಕ್ಕೆಜೋಳದಿಂದ ಭರ್ಜರಿ ಲಾಭವನ್ನು ಗಳಿಸಿತು.