Last Updated:
ಹೋಲ್ಸೇಲ್ ಚಿನ್ನ ಖರೀದಿಸ್ತೀವಿ ಅಂತಾ ಬಣ್ಣ ಬಣ್ಣದ ಕಥೆ ಕಟ್ಟಿದವರು ಕೋಟಿ ಕೋಟಿ ಬೆಲೆಯ ಚಿನ್ನ ಕದ್ದು ಹೋಗಿದ್ದಾರೆ. ತಾವಿದ್ದ ಜಾಗಕ್ಕೇ 3 ಕೋಟಿ ರೂಪಾಯಿ ಬೆಲೆಯ ಚಿನ್ನ ತರಿಸಿಕೊಂಡು ಉಂಡೆನಾಮ ಉಜ್ಜಿದ್ದಾರೆ.
ಬೆಂಗಳೂರು: ಇದ್ಕೇ ಹೇಳೋದು. ಕೊಟ್ಟೋನು ಕೋಡಂಗಿ ಈಸ್ಕೊಂಡೋನು ಈರಭದ್ರ ಅಂತಾ. ಕೆಲವೊಂದು ಘಟನೆಗಳನ್ನ ನೋಡ್ತಿದ್ರೆ ಜನ ಇಷ್ಟು ದಡ್ಡರಾ (Bengaluru) ಅನಿಸಿಬಿಡುತ್ತೆ. ಯಾಕಂದ್ರೆ, ಹೋಲ್ಸೇಲ್ ಚಿನ್ನ ಖರೀದಿ (Wholesale Market) ಮಾಡ್ತೀವಿ ಅಂತಾ ಡೈಲಾಗ್ ಹೊಡೆದವರು ಬರೋಬ್ಬರಿ 3 ಕೋಟಿ ಬೆಲೆಯ ಚಿನ್ನವನ್ನ ಗಂಟು ಮೂಟೆ (Gold Jewellery Theft) ಕಟ್ಕೊಂಡು ಎಸ್ಕೇಪ್ ಆಗಿದ್ದಾರೆ. ಡಿಸೈನ್ ನೋಡ್ಬೇಕು ಅಂತಾ ಕರೆಸಿಕೊಂಡವ್ರು ಉಂಡೆನಾಮ ಉಜ್ಜಿ ಹೋಗಿದ್ದಾರೆ.
ಚಿನ್ನದ ವ್ಯಾಪಾರಿ ಗಾಳಕ್ಕೆ ಬೀಳ್ತಿದ್ದಂತೆ ತಮ್ಮ ನವರಂಗಿ ಆಟ ಶುರು ಮಾಡಿದ್ದಾರೆ. ಚಿನ್ನದಂಗಡಿ ಮಾಲೀಕ ಮಹೇಂದ್ರಗೆ ಕಾಲ್ ಮಾಡಿದ್ದ ಖದೀಮರು ಹೋಲ್ಸೇಲ್ನಲ್ಲಿ 3 ಕೆಜಿ ಚಿನ್ನ ಬೇಕು. ಡಿಫರೆಂಟ್ ಡಿಫರೆಂಟ್ ಡಿಸೈನ್ಗಳನ್ನ ಮಲ್ಲೇಶ್ವರಂನ ನಾಲ್ಕನೇ ಕ್ರಾಸ್ನಲ್ಲಿರೋ ನಮ್ಮ ಕಚೇರಿಗೆ ತಗೊಂಡು ಬನ್ನಿ ಎಂದಿದ್ದ.
ಒಂದೇ ಬಾರಿ 3 ಕೆಜಿ ಚಿನ್ನ ಸೇಲ್ ಆಗುತ್ತೆ ಅನ್ನೋ ಖುಷಿಯಲ್ಲಿದ್ದವ, ಇರೋ ಬರೋ ಚಿನ್ನವನ್ನೆಲ್ಲಾ ತುಂಬ್ಕೊಂಡು ಹೋಗಿದ್ದ. ಕೊನೆಗೆ ಮೂರು ಕೆಜಿ ಚಿನ್ನದಲ್ಲಿ 1 ಕೆಜಿ 850 ಗ್ರಾಂ ಚಿನ್ನದ ವಿವಿಧ ಡಿಸೈನ್ಗಳನ್ನ ಸೆಲೆಕ್ಟ್ ಮಾಡಿದ್ದರು. ಮಾತುಕತೆ ನಡೆಯುತ್ತಿರುವ ಹೊತ್ತಲ್ಲೇ ಚಂದ್ರಶೇಖರ್ ಅನ್ನೋನು ಬಂಗಾರ ಎತ್ಕೊಂಡು ಎಸ್ಕೇಪ್ ಆಗಿದ್ದಾನೆ.
Bangalore [Bangalore],Bangalore,Karnataka
May 21, 2026 12:20 PM IST
