Last Updated:
BDA ಬೆಂಗಳೂರು ಪ್ರೀಮಿಯಂ ವಸತಿ, ವಾಣಿಜ್ಯ ಸೈಟ್ಗಳ 75 ಇ ಹರಾಜು ಘೋಷಣೆ, ನೋಂದಣಿ ಮೇ 11 ರಿಂದ 22, ಲೈವ್ ಇ ಬಿಡ್ಡಿಂಗ್ ಮೇ 25 ರಿಂದ 27, EMD 4 ಲಕ್ಷ ಪಾವತಿಸಬೇಕು, ಸೈಟ್ ಖರೀದಿಸುವಾಗ 25% ಪಾವತಿ ಕಡ್ಡಾಯ
ಬೆಂಗಳೂರಿನ ಪ್ರತಿಷ್ಠಿತ ಬಡಾವಣೆಗಳಲ್ಲಿ ಸೈಟ್ (Site) ಖರೀದಿಸುವ ಕನಸು ಕಾಣುತ್ತಿದ್ದೀರಾ? ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (BDA) ಸಂಪೂರ್ಣ ಪಾರದರ್ಶಕ 100% ಆನ್ಲೈನ್ ಇ-ಹರಾಜು (E-Bidding) ಮೂಲಕ ಒಟ್ಟು 75 ಪ್ರೀಮಿಯಂ ವಸತಿ ಮತ್ತು ವಾಣಿಜ್ಯ ಸೈಟ್ಗಳ ಮಾರಾಟ (Sale) ಪ್ರಕಟಿಸಿದೆ. ನೋಂದಣಿ ಮೇ 11ರಿಂದ ಆರಂಭವಾಗಿದ್ದು ಮೇ 22, 2026 ಸಂಜೆ 5:00 PM ಕೊನೆಯ ದಿನ! ತಡ ಮಾಡಿದರೆ ಅವಕಾಶ (Opportunity) ಕೈತಪ್ಪುತ್ತದೆ!
ಲೈವ್ ಇ-ಬಿಡ್ಡಿಂಗ್ ಎರಡು ಹಂತಗಳಲ್ಲಿ ನಡೆಯಲಿದೆ . ಸ್ಲ.ನಂ. 1 ರಿಂದ 36 ಸೈಟ್ಗಳಿಗೆ ಮೇ 25, 2026 ಬೆಳಗ್ಗೆ 11:00 AMಕ್ಕೆ ಆರಂಭ, ಬಿಡ್ ಮುಕ್ತಾಯ ಮೇ 26 ಸಂಜೆ 5:00 PM (ಡೆಲ್ಟಾ ಸಮಯ 5 ನಿಮಿಷ). ಸ್ಲ.ನಂ. 37 ರಿಂದ 75 ಸೈಟ್ಗಳಿಗೆ ಮೇ 26, 2026 ಬೆಳಗ್ಗೆ 11:00 AMಕ್ಕೆ ಆರಂಭ, ಬಿಡ್ ಮುಕ್ತಾಯ ಮೇ 27 ಸಂಜೆ 5:00 PM ಆಗುತ್ತದೆ.
ಯಾವ ಬಡಾವಣೆಗಳಲ್ಲಿ ಸೈಟ್ಗಳಿವೆ ಮತ್ತು ಬೆಲೆ ಎಷ್ಟು ಎಂಬ ಸಂಪೂರ್ಣ ವಿವರ ಇಲ್ಲಿದೆ. ಅಂಜನಾಪುರ ಟೌನ್ಶಿಪ್ 1ನೇ ಬ್ಲಾಕ್ನಲ್ಲಿ 54 ರಿಂದ 216 ಚ.ಮೀ ಸೈಟ್ಗಳು (ಆರಂಭಿಕ ಬೆಲೆ ₹64,000/ಚ.ಮೀ); ಅಂಜನಾಪುರ 6ನೇ ಬ್ಲಾಕ್ನಲ್ಲಿ ₹71,000/ಚ.ಮೀ; ಅರ್ಕಾವತಿ ಬಡಾವಣೆ ಸ್ಯಾಂಪಿಗೆಹಳ್ಳಿಯಲ್ಲಿ ₹87,500/ಚ.ಮೀ; ಚೆಲ್ಲಕೆರೆ ಪ್ರದೇಶದಲ್ಲಿ ₹87,250/ಚ.ಮೀ; ಬನಶಂಕರಿ 6ನೇ ಹಂತ ಹೆಮ್ಮಿಗೆಪುರ (5ನೇ ಬ್ಲಾಕ್ ₹72,000, 10ನೇ ಬ್ಲಾಕ್ ₹62,300); ಗಾಣಕಲ್ಲು 11ನೇ ಬ್ಲಾಕ್ ₹84,000/ಚ.ಮೀ; ತಳಘಟ್ಟಪುರ ಬನಶಂಕರಿ ಎಕ್ಸ್ಟೆನ್ಶನ್ನಲ್ಲಿ ₹69,300/ಚ.ಮೀ; ಜೆ.ಪಿ. ನಗರ 9ನೇ ಹಂತ ಅಲಹಳ್ಳಿಯಲ್ಲಿ 222.83 ಚ.ಮೀ ಮೂರು ಸೈಟ್ಗಳು ₹1,00,000/ಚ.ಮೀ; ಕೆಂಬತ್ತಳ್ಳಿಯಲ್ಲಿ ₹1,00,000/ಚ.ಮೀ; ಕುಮಾರಸ್ವಾಮಿ ಬಡಾವಣೆ ಗೋವಿನಾಯಕನಹಳ್ಳಿಯಲ್ಲಿ ₹1,27,500/ಚ.ಮೀ; ಆರ್ಎಂವಿ ಗೆದ್ದಲಹಳ್ಳಿಯಲ್ಲಿ ₹297 ಮತ್ತು 60 ಚ.ಮೀ ಸೈಟ್ಗಳು ₹1,90,000/ಚ.ಮೀ (ಅತ್ಯಂತ ಹೆಚ್ಚಿನ ಬೆಲೆ); ಸರ್ ಎಂ. ವಿಶ್ವೇಶ್ವರಯ್ಯ ಬಡಾವಣೆಯ ಉಲ್ಲಾಲು, ಸೊನ್ನೇನಹಳ್ಳಿ, ಕೆಂಗೇರಿ, ರಾಮಸಂದ್ರ, ಮಂಗನಹಳ್ಳಿ ಎಲ್ಲ ಕಡೆ ₹84,000/ಚ.ಮೀ; ಗಿದ್ದದಕೊನೇನಹಳ್ಳಿ (ಎಸ್ಎಂವಿ 7ನೇ ಬ್ಲಾಕ್) ₹87,500/ಚ.ಮೀ ಇದೆ.
ಒಮ್ಮೆ ಹರಾಜಾದರೆ ಮುಗೀತು!
Bangalore [Bangalore],Bangalore,Karnataka
May 13, 2026 12:18 PM IST
