ಪ್ರತಿ ಕಣ್ಣಿಗೆ ಕಾಣಿಸುವ ಕಾಗೆ, ಒಂದು ದಿನ ತಲೆಯ ಮೇಲೆ ರೆಕ್ಕೆ ಇಲ್ಲದೇ ಬೋಳು ತಲೆಯೊಂದಿಗೆ ಕಾಣಿಸಿದೆ? ಹಲವರು ಇದನ್ನು ವಿಚಿತ್ರವಾಗಿ ನೋಡಿದ್ದರು. ಮತ್ತೆ ಕೆಲವರು ಇದು ಅಶುಭದ ಸಂಕೇತ ಎಂದೇ ಹೇಳಿದ್ದರು. ಆದರೆ ಇದಕ್ಕೆ ಯಾವುದೇ ಮೂಢನಂಬಿಕೆಯೊಂದಿಗೂ ಸಂಬಂಧ ಇಲ್ಲ, ಸಂಪೂರ್ಣವಾಗಿ ಇದು ವೈಜ್ಞಾನಿಕ ಕಾರಣದಿಂದಲೇ ಈ ರೀತಿ ಆಗಿದೆ ಎಂದು ತಜ್ಞರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ ಎಂದು ಟಿವಿ9 ತೆಲುಗು ವರದಿ ಮಾಡಿದೆ.

ಮೊನ್ನೆ ಸಂಜೆ ಜಡ್ಚರ್ಲಾದ ಡಾ. ಬುರ್ಗುಲ ರಾಮಕೃಷ್ಣ ರಾವ್ ಸರ್ಕಾರಿ ಪದವಿ ಕಾಲೇಜಿನ ಸಸ್ಯೋದ್ಯಾನದಲ್ಲಿ ಬೋಳು ಕೂದಲಿನ ಕಾಗೆ ಕಾಣಿಸಿಕೊಂಡಿದ್ದು, ಅಲ್ಲಿನ ಸ್ಥಳೀಯರನ್ನು ಅಚ್ಚರಿಗೊಳಿಸಿತು. ಕಾಗೆಯನ್ನು ನೋಡಿದ ಅನೇಕರು ಅದನ್ನು ತಮ್ಮ ಮೊಬೈಲ್ ಫೋನ್‌ಗಳಲ್ಲಿ ವಿಡಿಯೋ ಮಾಡಿ ಸಾಮಾಜಿಕ ಮಾಧ್ಯಮದಲ್ಲಿ ಅಪ್‌ಲೋಡ್ ಮಾಡಿದ್ದರು. ಇದರೊಂದಿಗೆ, ಈ ವಿಡಿಯೋ ವೈರಲ್ ಆಗಿ ಭಾರೀ ಚರ್ಚೆಗೆ ಕಾರಣವಾಗಿತ್ತು.

ಇನ್ನು, ಕಾಗೆ ತಲೆ ಬೋಳು ಆಗಿರುವ ಹಿಂದಿನ ಕಾರಣವನ್ನು ಡಾ ಬಿ ಸದಾಶಿವಯ್ಯ ಅವರು ಪೂರ್ತಿ ಮಾಹಿತಿಯೊಂದಿಗೆ ವಿವರಿಸಿದ್ದಾರೆ. ಕಾಗೆಗಳಲ್ಲಿ ಬೋಳು ತಲೆ ಕಾಣಿಸಿಕೊಳ್ಳಲು ಕಾರಣ ಮೊಲ್ಟಿಂಗ್ ಎಂಬ ಸಹಜ ಪ್ರಕ್ರಿಯೆ ಎಂದು ಹೇಳಿದ್ದಾರೆ. ಇಂತಹ ಸಮಯದಲ್ಲಿ ಕಾಗೆಗಳ ಹಳೆಯ ರೆಕ್ಕೆಗಳು ಉದುರಿ ಹೋಗಿ ಹೊಸ ಗರಿಗಳು ಮೂಡುತ್ತವೆ. ಹೊಸ ಗರಿಗಳು ಸಂಪೂರ್ಣವಾಗಿ ಬೆಳೆಯುವವರೆಗೂ ತಲೆ ಮತ್ತು ಕುತ್ತಿಗೆ ಭಾಗ ಬೋಳಾಗಿ ಕಾಣುತ್ತದೆ ಅಷ್ಟೇ. ಇದು ಸಾಮಾನ್ಯ ಪ್ರಕ್ರಿಯೆ ಎಂದು ಹೇಳಿದ್ದಾರೆ. ಆದರೆ ಎಲ್ಲಾ ಸಂದರ್ಭದಲ್ಲಿಯೂ ಇದೇ ಕಾರಣ ಅಂತ ಹೇಳೋದು ತಪ್ಪು ಎಂದು ಡಾಕ್ಟರ್ ತಿಳಿಸಿದ್ದಾರೆ.

ಬೋಳು ತಲೆಯೊಂದಿಗೆ ಕಾಗೆ ಏನಾದರೂ ಕಾಣಿಸಿದರೆ ಈ ಬಗ್ಗೆ ಜನರು ಆತಂಕಪಡುವ ಅಗತ್ಯವಿಲ್ಲ. ಇದು ಯಾವುದೇ ಅಶುಭದ ಸಂಕೇತ ಅಲ್ಲ. ಈ ರೀತಿ ಭಾವಿಸುವುದು ಕೇವಲ ಮೂಢನಂಬಿಕೆ ಅಷ್ಟೇ. ಪ್ರಕೃತಿಯಲ್ಲಿ ನಡೆಯುವ ಸಹಜ ಪ್ರಕ್ರಿಯೆ ಮಾತ್ರ. ಇದನ್ನು ವೈಜ್ಞಾನಿಕವಾಗಿ ಭಾವಿಸಬೇಕು ಎಂದು ಡಾಕ್ಟರ್ ಸೂಚನೆ ನೀಡಿದ್ದಾರೆ. ಏನೇ ಆದರೂ ಬೋಳು ತಲೆಯ ಕಾಗೆ ಕಾಣಿಸಿಕೊಂಡು ಎಲ್ಲರ ಕುತೂಹಲವನ್ನು ಹೆಚ್ಚಿಸಿದೆ.