ವಿಜಿ..ವಿಜಿ ..ವಿಜಿ…ಅದೇನ್ ಬೆಂಕಿ ಹಚ್ಚಿದಿಯೋ ? ನೀನು ಹಚ್ಚಿದ ಬೆಂಕಿ ಇಡೀ ಊರಲ್ಲ. ಇಡೀ ದೇಶವನ್ನ ಸುಡುತ್ತಿದೆ. ಇದಕ್ಕೆ ಶಿವಣ್ಣ ಹೇಳ್ತಾರೆ. ವ್ಹಾವ್ ಸೋ ನೈಸ್ ಅಂತಲೇ ರಿಯಾಕ್ಟ್ ಮಾಡ್ತಾರೆ.

ಇಷ್ಟೆಲ್ಲ ಮಾಡೋಕೆ ನಿನಗೆ ಎಲ್ಲಿಂದ ಧೈರ್ಯ ಬರ್ತದೋ ಅಂತ ರಾಬರ್ಟ್ ಕೇಳ್ತಾರೆ. ಆಗ ಶಿವಣ್ಣ ಹೇಳ್ತಾರೆ. ಕೆಲವು ಸ್ವಭಾವಕ್ಕೆ ಧೈರ್ಯದ ಅಭಾವ ಯಾವತ್ತೂ ಆಗೋದಿಲ್ಲ ಅಂತಲೇ ಹೇಳ್ತಾರೆ.

ಈ ಬೇಲ್ ಚಿತ್ರದಲ್ಲಿ ಶಿವಣ್ಣನ ಜೊತೆಗೆ ಡಾಗ್ ಕೂಡ ಇದೆ. ಈ ಡಾಗ್ ಇಲ್ಲಿ ವಿಶೇಷ ಪಾತ್ರವನ್ನ ನಿರ್ವಹಿಸಿದಂತೆ ಇದೆ. ಆದರೆ, ಅದು ಏನು ಅನ್ನೋದು ಹೋಗ್ತಾ ಹೋಗ್ತಾ ಗೊತ್ತಾಗುತ್ತದೆ ಅನಿಸುತ್ತದೆ.

ಆ ರೀತಿಯ ಈ ಚಿತ್ರವನ್ನ ಡೈರೆಕ್ಟರ್ ಪವನ್ ಒಡೆಯರ್ ಡೈರೆಕ್ಷನ್ ಮಾಡಿದ್ದಾರೆ. ಈ ಮೂಲಕ ಪವನ್ ಒಡೆಯರ್ ಅವರ ಬಹು ದಿನಗಳ ಕನಸು ಈಡೇರಿದೆ. ಶಿವಣ್ಣನ ಜೊತೆಗೆ ಕೆಲಸ ಮಾಡ್ಬೇಕು ಅನ್ನುವ ಇವರ ಆಸೆ ಈಗ ಚಿತ್ರ ರೂಪ ಪಡೆದಿದೆ. ಹಾಗೆ ಕೆವಿಎನ್ ಸಂಸ್ಥೆ ಈ ಚಿತ್ರವನ್ನ ನಿರ್ಮಿಸಿದೆ.

ಈ ಚಿತ್ರದಲ್ಲಿ ಸಾಯಿ ಕುಮಾರ್ ಇದ್ದಾರೆ. ಮಲೆಯಾಳಂ ನಟ ಜಯರಾಮ್ ನಟಿಸಿದ್ದಾರೆ. ಶಿವಣ್ಣ ಇಲ್ಲಿ ಲೀಡ್ ರೋಲ್ ಅಲ್ಲಿದ್ದಾರೆ. ಏಜ್‌ಗೆ ತಕ್ಕನಾದ ಪಾತ್ರವನ್ನೆ ಇಲ್ಲಿ ಮಾಡಿದ್ದಾರೆ.