Last Updated:
ಬ್ಯಾಟಿಂಗ್ಗೆ ಅನುಕೂಲಕರವಾಗಿದ್ದ ಪಿಚ್ನಲ್ಲಿ, ವೆಸ್ಟ್ ಇಂಡೀಸ್ ಆರಂಭಿಕ ಆಟಗಾರರು ಆಕ್ರಮಣಕಾರಿ ಆಟವನ್ನಾಡಿದರು. ಅತಿಥೇಯ ತಂಡದ ಬ್ಯಾಟರ್ಸ್ ನಿರ್ದಿಷ್ಟವಾಗಿ ನಬಿ ಅವರ ಬೌಲಿಂಗ್ ಟಾರ್ಗೆಟ್ ಮಾಡಿ, ಅವರ ಬೌಲಿಂಗ್ ಧ್ವಂಸಗೊಳಿಸಿದರು.
ಗುವಾಹಟಿಯಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧದ ಏಕದಿನ ಪಂದ್ಯದಲ್ಲಿ ಭಾರತದ ಯುವ ಬೌಲರ್ ಆಕಿಬ್ ನಬಿ ಅವರ ಪದಾರ್ಪಣೆಯು ಟೀಮ್ ಇಂಡಿಯಾ ಅಭಿಮಾನಿಗಳ ನಿರೀಕ್ಷೆಯನ್ನು ಹುಸಿಗೊಳಿಸಿದೆ. ಅವರ ಪದಾರ್ಪಣೆ ಭಾರತೀಯ ಕ್ರಿಕೆಟ್ ಇತಿಹಾಸದಲ್ಲಿ ಒಂದು ಕಹಿ ನೆನಪಾಗಿ ಉಳಿದುಕೊಳ್ಳಲಿದೆ. ತಂಡದಲ್ಲಿ ಸ್ಥಾನ ಪಡೆಯಲು ದೀರ್ಘಕಾಲ ಕಾಯುತ್ತಿದ್ದ ನಬಿ, ತಮ್ಮ ಮೊದಲ ಪಂದ್ಯದಲ್ಲೇ ಅನಿರೀಕ್ಷಿತ ಆಘಾತವನ್ನು ಎದುರಿಸಿದರು. ಬ್ಯಾಟಿಂಗ್ಗೆ ಅನುಕೂಲಕರವಾಗಿದ್ದ ಪಿಚ್ನಲ್ಲಿ, ವೆಸ್ಟ್ ಇಂಡೀಸ್ ಆರಂಭಿಕ ಆಟಗಾರರು ಆಕ್ರಮಣಕಾರಿ ಆಟವನ್ನಾಡಿದರು. ಅತಿಥೇಯ ತಂಡದ ಬ್ಯಾಟರ್ಸ್ ನಿರ್ದಿಷ್ಟವಾಗಿ ನಬಿ ಅವರ ಬೌಲಿಂಗ್ ಟಾರ್ಗೆಟ್ ಮಾಡಿ, ಅವರ ಬೌಲಿಂಗ್ ಧ್ವಂಸಗೊಳಿಸಿದರು.
ಆರಂಭದಲ್ಲಿ ಚೆಂಡನ್ನು ಸ್ವಿಂಗ್ ಮಾಡುವ ಮೂಲಕ ಉತ್ತಮ ಆರಂಭದ ಭರವಸೆ ಮೂಡಿಸಿದರಾದರೂ, ಶೀಘ್ರದಲ್ಲೇ ನಬಿ ವೆಸ್ಟ್ ಇಂಡೀಸ್ ಬ್ಯಾಟರ್ಗಳ ತೀವ್ರ ದಾಳಿಗೆ ಸಿಲುಕಿದರು. ತಮ್ಮ ಬೌಲಿಂಗ್ ಅವಧಿಯಲ್ಲಿ ಯಾವುದೇ ವಿಕೆಟ್ ಪಡೆಯಲು ವಿಫಲರಾದ ಅವರು, ಹೆಚ್ಚು ರನ್ಗಳನ್ನು ಬಿಟ್ಟುಕೊಟ್ಟರು. ಈ ಪಂದ್ಯದಲ್ಲಿ ಒಟ್ಟಾರೆಯಾಗಿ, ನಬಿ 8.5 ಓವರ್ಗಳನ್ನು ಬೌಲ್ ಮಾಡಿ, ಒಂದೂ ವಿಕೆಟ್ ಪಡೆಯದೆ 84 ರನ್ಗಳನ್ನು ಬಿಟ್ಟುಕೊಟ್ಟರು.
ಈ ಪಂದ್ಯದೊಂದಿಗೆ, ಭಾರತೀಯ ಏಕದಿನ ಕ್ರಿಕೆಟ್ ಇತಿಹಾಸದಲ್ಲಿ ಪದಾರ್ಪಣೆಯ ಪಂದ್ಯದಲ್ಲಿ ಅತಿ ಹೆಚ್ಚು ರನ್ ಬಿಟ್ಟುಕೊಟ್ಟ ಭಾರತೀಯ ಬೌಲರ್ ಎಂಬ ಮುಜುಗರದ ದಾಖಲೆಗೆ ಆಕಿಬ್ ನಬಿ ಪಾತ್ರರಾದರು. ಈ ಮೂಲಕ ಅವರು 1975ರಲ್ಲಿ ಕರ್ಸನ್ ಘಾವ್ರಿ ಅವರ ಹೆಸರಿನಲ್ಲಿದ್ದ ದಾಖಲೆಯನ್ನು ಮುರಿದರು. 1975 ರಲ್ಲಿ ಲಾರ್ಡ್ಸ್ನಲ್ಲಿ ಇಂಗ್ಲೆಂಡ್ ವಿರುದ್ಧದ ಏಕದಿನ ಪಂದ್ಯದಲ್ಲಿ ಘಾವ್ರಿ 11 ಓವರ್ಗಳಲ್ಲಿ 83 ರನ್ ಬಿಟ್ಟುಕೊಟ್ಟಿದ್ದರು. ಇದೀಗ, ಆಕಿಬ್ ನಬಿ ಕೇವಲ 8.5 ಓವರ್ಗಳಲ್ಲಿ 84 ರನ್ ಬಿಟ್ಟುಕೊಡುವ ಮೂಲಕ ಈ ಅನಪೇಕ್ಷಿತ ದಾಖಲೆಯನ್ನು ತಮ್ಮದಾಗಿಸಿಕೊಂಡಿದ್ದಾರೆ.
ವಿಶ್ವ ಕ್ರಿಕೆಟ್ ಇತಿಹಾಸದಲ್ಲಿ ಏಕದಿನ ಪದಾರ್ಪಣೆಯ ಪಂದ್ಯದಲ್ಲಿ ಅತಿ ಹೆಚ್ಚು ರನ್ ಬಿಟ್ಟುಕೊಟ್ಟ ಬೌಲರ್ಗಳ ಪಟ್ಟಿಯಲ್ಲಿ ಅವರು ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಐರ್ಲೆಂಡ್ನ ಪೀಟರ್ ಕೊನ್ನೆಲ್ ಈ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದು, 2008 ರಲ್ಲಿ ನ್ಯೂಜಿಲೆಂಡ್ ವಿರುದ್ಧ 95 ರನ್ ಬಿಟ್ಟುಕೊಟ್ಟಿದ್ದರು.
ಅತಿ ಹೆಚ್ಚು ರನ್ ಬಿಟ್ಟುಕೊಟ್ಟಿದ್ದಲ್ಲದೆ, ಆಕಿಬ್ ನಬಿ ಮತ್ತೊಂದು ಅನಪೇಕ್ಷಿತ ದಾಖಲೆಯನ್ನು ನಿರ್ಮಿಸಿದರು. ಏಕದಿನ ಪದಾತರ್ಪಣೆಯ ಪಂದ್ಯದಲ್ಲಿ ಕನಿಷ್ಠ 30 ಎಸೆಗಳನ್ನು ಎಸೆದ ಭಾರತೀಯ ಬೌಲರ್ಗಳ ಪೈಕಿ, 9.51 ರ ಎಕಾನಮಿ ರೇಟ್ ಅತ್ಯಂತ ಕಳಪೆ ಅಂಕಿಅಂಶವಾಗಿದೆ. ಈ ವರ್ಷದ ಆರಂಭದಲ್ಲಿ ಧರ್ಮಶಾಲಾದಲ್ಲಿ ಅಫ್ಘಾನಿಸ್ತಾನದ ವಿರುದ್ಧದ ತಮ್ಮ ಚೊಚ್ಚಲ ಪಂದ್ಯದಲ್ಲಿ ಹರ್ಷ್ ದುಬೆ (9.4 ಎಕಾನಮಿ) ನಿರ್ಮಿಸಿದ್ದ ದಾಖಲೆಯನ್ನು ಅವರು ಮುರಿದರು.
ವೆಸ್ಟ್ ಇಂಡೀಸ್ ಇನ್ನಿಂಗ್ಸ್ನ 49ನೇ ಓವರ್ನಲ್ಲಿ ವಿಕೆಟ್ ಪಡೆಯುವ ಸುವರ್ಣಾವಕಾಶ ಆಕಿಬ್ ನಬಿ ಅವರಿಗೆ ಲಭಿಸಿತ್ತು. ಓವರ್ನ ಮೊದಲ ಐದು ಎಸೆತಗಳಲ್ಲಿ ಕೇವಲ ಎರಡು ರನ್ಗಳನ್ನು ಮಾತ್ರ ಬಿಟ್ಟುಕೊಟ್ಟು ಅತ್ಯುತ್ತಮ ಬೌಲಿಂಗ್ ಪ್ರದರ್ಶಿಸಿದ ಅವರು, ಕೊನೆಯ ಎಸೆತದಲ್ಲಿ ಶಮಾರ್ ಜೋಸೆಫ್ ಅವರನ್ನು ಗಾಳಿಯಲ್ಲಿ ಶಾಟ್ ಹೊಡೆಯುವಂತೆ ಪ್ರೇರೇಪಿಸಿದರು. ಆದರೆ, ಫೀಲ್ಡಿಂಗ್ ಮಾಡುತ್ತಿದ್ದ ಕುಲದೀಪ್ ಯಾದವ್ ಕ್ಯಾಚ್ ಕೈಬಿಟ್ಟಿದ್ದರಿಂದ, ಆ ವಿಕೆಟ್ ಆಕಿಬ್ ಅವರ ಖಾತೆಗೆ ಸೇರಲಿಲ್ಲ. ಪರಿಣಾಮವಾಗಿ, ಅವರು ಯಾವುದೇ ವಿಕೆಟ್ ಪಡೆಯದೆಯೇ ತಮ್ಮ ಚೊಚ್ಚಲ ಸ್ಪೆಲ್ ಅನ್ನು ಮುಗಿಸಬೇಕಾಯಿತು.
ಗುವಾಹಟಿಯ ಬರ್ಸಾಪಾರ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಸರಣಿ ನಿರ್ಣಾಯಕ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ತಂಡ ಜಾನ್ ಕ್ಯಾಂಪ್ಬೆಲ್ (101 ರನ್), ಶಾಯ್ ಹೋಪ್ (104 ರನ್) ಮತ್ತು ಅಮೀರ್ ಜಂಗೂ (114 ರನ್) ಅವರ ಶತಕಗಳ ನೆರವಿನಿಂದ 50 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 405 ರನ್ಗಳ ಬೃಹತ್ ಮೊತ್ತ ಕಲೆ ಹಾಕಿದೆ. ಇದು ಏಕದಿನ ಕ್ರಿಕೆಟ್ನಲ್ಲಿ ಕೆರಿಬಿಯನ್ ಪಡೆಯ ಗರಿಷ್ಠ ಮೊತ್ತವಾಗಿದೆ.
