ಪ್ರಕರಣದ ವಿಚಾರಣೆ ನಡೆಸಿದ ಮೀರತ್​​ ಕೋರ್ಟ್ ಆರೋಪಿಗಳಾದ ಮುಸ್ಕಾನ್ ಮತ್ತು ಸಾಹಿಲ್ ಅವರನ್ನು ದೋಷಿಗಳೆಂದು ತೀರ್ಪು ನೀಡಿದೆ. ಹಾಗೆಯೇ, ಶಿಕ್ಷೆಯ ಪ್ರಕಟಣೆ 14 ದಿನಗಳ ನಂತರ ನಡೆಯಲಿದ್ದು, ಕೋರ್ಟ್ ಅಕ್ಟೋಬರ್ 14 ರ ದಿನಾಂಕವನ್ನು ನಿಗದಿಪಡಿಸಿದೆ.

ಸೌರಭ್ ರಜ್‌ಪೂತ್ ಹತ್ಯೆ ಪ್ರಕರಣದ ಆರೋಪಿಗಳಾದ ಮುಸ್ಕಾನ್ ಮತ್ತು ಸಾಹಿಲ್ ಅವರ ಬಂಧನದ ನಂತರ ಕೋರ್ಟ್‌ನಲ್ಲಿ 126 ಬಾರಿ ವಿಚಾರಣೆ ನಡೆಯಿತು. 22 ಜನರು ಈ ಹತ್ಯಾಕಾಂಡದ ಸಾಕ್ಷಿಗಳಾದರು ಮತ್ತು ಸುಮಾರು 19 ತಿಂಗಳ ಸುದೀರ್ಘ ವಿಚಾರಣೆಯ ನಂತರ ಇಬ್ಬರನ್ನೂ ದೋಷಿಗಳೆಂದು ಘೋಷಿಸಲಾಗಿದೆ.

ಸೌರಭ್ ಮತ್ತು ಮುಸ್ಕಾನ್ ಪ್ರೇಮ ವಿವಾಹವಾಗಿದ್ದರು. ಇಬ್ಬರಿಗೂ ಒಂದು ಹೆಣ್ಣು ಮಗುವಿತ್ತು.

• 2025ರ ಫೆಬ್ರವರಿ 24: ಸೌರಭ್ ರಜ್‌ಪೂತ್ ಲಂಡನ್‌ನಿಂದ ಮೀರತ್​ಗೆ ತಮ್ಮ ಮನೆಗೆ ವಾಪಸ್ ಬಂದಿದ್ದರು.
• ಫೆಬ್ರವರಿ 25: ಮನೆಯಲ್ಲಿಯೇ ಪತ್ನಿ ಮುಸ್ಕಾನ್ ಹುಟ್ಟುಹಬ್ಬ ಆಚರಿಸಲಾಯಿತು.
• ಫೆಬ್ರವರಿ 28: ಮಗಳು ಪಿಯೂ ಹುಟ್ಟುಹಬ್ಬ ಆಚರಿಸಲಾಯಿತು.
• ಮಾರ್ಚ್ 3: ಮುಸ್ಕಾನ್ ಸೌರಭ್‌ಗೆ ನಿದ್ರೆ ಮಾತ್ರೆ ನೀಡಿದ. ಸಾಹಿಲ್ ಅವರನ್ನು ಕರೆಸಿ ಸೌರಭ್ ಹತ್ಯೆಯನ್ನು ಮಾಡಲಾಯಿತು.
• ಮಾರ್ಚ್ 4: ಮುಸ್ಕಾನ್ ತನ್ನ ಮಗಳನ್ನು ತವರು ಮನೆಯಲ್ಲಿ ಬಿಟ್ಟು, ಪ್ರೇಮಿ ಸಾಹಿಲ್ ಜತೆ ಶಿಮ್ಲಾಕ್ಕೆ ಹೊರಟುಹೋದರು.
• ಮಾರ್ಚ್ 17: ಶಿಮ್ಲಾದಿಂದ ವಾಪಸ್ ಬಂದು ಮುಸ್ಕಾನ್ ತನ್ನ ತವರು ಮನೆಗೆ ತೆರಳಿ ಮನೆಯವರಿಗೆ ಸೌರಭ್ ಬಗ್ಗೆ ತಿಳಿಸಿದರು.
• ಮಾರ್ಚ್ 18: ಪೊಲೀಸರು ಸೌರಭ್ ಅವರ ಮನೆಗೆ ತಲುಪಿದರು. ಅಲ್ಲಿಂದ ಸೌರಭ್ ಅವರ ಶವವಿದ್ದ ನೀಲಿ ಡ್ರಮ್ ಅನ್ನು ವಶಪಡಿಸಿಕೊಳ್ಳಲಾಯಿತು.
• ಮಾರ್ಚ್ 18: ಸಾಹಿಲ್ ಮತ್ತು ಮುಸ್ಕಾನ್ ಅವರನ್ನು ಪೊಲೀಸರು ಬಂಧಿಸಿದರು.