ವರದಿಯ ಅನ್ವಯ, ವಿರಾಟ್ ಕೊಹ್ಲಿ ಐಪಿಎಲ್ ಮೂಲಕ ಇದುವರೆಗೂ ಏಕಾಏಕಿ 230 ಕೋಟಿ ರೂಪಾಯಿ ಆದಾಯ ಗಳಿಸುತ್ತಿದ್ದಾರಂತೆ. ಆ ಮೂಲಕ ಅಗ್ರಸ್ಥಾನದಲ್ಲಿದ್ದು, ಟೀಂ ಇಂಡಿಯಾ ಮಾಜಿ ನಾಯಕ ರೋಹಿತ್ ಶರ್ಮಾ, ಎಂಎಸ್ ಧೋನಿ ಅವರನ್ನು ಹಿಂದಿಕ್ಕಿದ್ದಾರೆ. ಮುಂಬೈ ಇಂಡಿಯನ್ಸ್ ತಂಡಕ್ಕೆ ಐದು ಟ್ರೋಫಿಗಳನ್ನು ಗೆದ್ದುಕೊಟ್ಟ ರೋಹಿತ್ ಶರ್ಮಾ 227.2 ಕೋಟಿ ಆದಾಯ ಗಳಿಸಿ ಎರಡನೇ ಸ್ಥಾನದಲ್ಲಿದ್ದಾರೆ. ಚೆನ್ನೈ ಸೂಪರ್ ಕಿಂಗ್ಸ್ ಮಾಜಿ ನಾಯಕ ಧೋನಿ 200 ಕೋಟಿ ರೂಪಾಯಿಗಳೊಂದಿಗೆ ಐಪಿಎಲ್ ಸ್ಯಾಲರಿಯಲ್ಲಿ 3ನೇ ಸ್ಥಾನದಲ್ಲಿದ್ದಾರೆ.

ಆಟಗಾರರ ಸಂಪಾದನೆ ಮಾತ್ರ ಐಪಿಎಲ್ ತಂಡದಲ್ಲಿರುವ 10 ಫ್ರಾಂಚೈಸಿಗಳ ಮೊತ್ತದ ಮೌಲ್ಯ ಊಹೆಗೂ ನಿಲುಕದಂತೆ ಹೆಚ್ಚಾಗಿದೆ. ಸದ್ಯ ಎಲ್ಲಾ ತಂಡಗಳ ಮೌಲ್ಯ 1.63 ಲಕ್ಷ ಕೋಟಿ ರೂಪಾಯಿ (ಸುಮಾರು 18 ಬಿಲಿಯನ್ ಡಾಲರ್) ಎಂದು ವರದಿಯಲ್ಲಿ ಹೇಳಿದ್ದಾರೆ. ಬಾಲಿವುಡ್ ನಟ ಶಾರುಖ್ ಖಾನ್ ಅವರ ಮಾಲೀಕತ್ವದ ಕೆಕೆಆರ್ ತಂಡ ಅತ್ಯಂತ ಹೆಚ್ಚು ಮೌಲ್ಯದ ತಂಡವಾಗಿ ನಂಬರ್ 01 ಸ್ಥಾನವನ್ನು ಪಡೆದುಕೊಂಡಿದೆ. ಕೆಕೆಆರ್ ತಂಡದ ಸದ್ಯದ ಮಾರುಕಟ್ಟೆ ಮೌಲ್ಯ ಬರೋಬ್ಬರಿ 19,200 ಕೋಟಿ ರೂಪಾಯಿ ಎಂದು ಹೇಳಿದೆ. ಗ್ಲೋಬಲ್ ಲೀಗ್ಸ್​ನಲ್ಲಿ ಕೆಕೆಆರ್ ಬ್ರ್ಯಾಂಡ್ ವಿಸ್ತರಣೆ, ಭಾರೀ ಫ್ಯಾನ್ ಬೆಸ್​ ಇರೋದು ಇದಕ್ಕೆ ಕಾರಣವಂತೆ.

ಐಪಿಎಲ್ ಅತ್ಯಂತ ಯಶಸ್ವಿ ತಂಡಗಳಾಗಿ ಖ್ಯಾತಿ ಪಡೆದಿರುವ ಅಂಬಾನಿ ಗ್ರೂಪ್‌ನ ಮುಂಬೈ ಇಂಡಿಯನ್ಸ್, ಎನ್​ ಶ್ರೀನಿವಾಸನ್ ನೇತೃತ್ವದ ಚೆನ್ನೈ ಸೂಪರ್ ಕಿಂಗ್ಸ್ 18,400 ಕೋಟಿ ರೂಪಾಯಿ ಬ್ರ್ಯಾಂಡ್ ಮೌಲ್ಯದೊಂದಿಗೆ ಸಂಯುಕ್ತವಾಗಿ ಎರಡನೇ ಸ್ಥಾನವನ್ನು ಪಡೆದುಕೊಂಡಿದೆ.

ಹುರುನ್ ಇಂಡಿಯಾದ ಸಂಸ್ಥಾಪಕ ಅನಸ್ ರೆಹಮಾನ್ ಜುನೈದ್ ಅವರ ಪ್ರಕಾರ, ಭಾರತದ ಕ್ರೀಡಾ ರಂಗದಲ್ಲಿ ಹೂಡಿಕೆಗಳು ಭಾರೀ ಪ್ರಮಾಣದಲ್ಲಿ ಹೆಚ್ಚಾಗುತ್ತಿದೆ. ಇದೇ ಟ್ರೆಂಡ್ ಮುಂದುವರಿದರೆ, ಮುಂಬರುವ 2032ರ ವೇಳೆಗೆ ಐಪಿಎಲ್ ತಂಡದ ಸರಾಸರಿ ಮೌಲ್ಯ ಏಕಾಏಕಿ 15 ಬಿಲಿಯನ್ ಡಾಲರ್ ಅಂದರೆ ಸುಮಾರು 1.25 ಲಕ್ಷ ಕೋಟಿ ವರೆಗೂ ಇದೇ ಎಂದು ಅಂದಾಜು ಮಾಡಿದ್ದಾರೆ. ಅಂದರೆ ಭವಿಷ್ಯದಲ್ಲಿ ಅಮೆರಿಕಗೆ ಸೇರಿದ ಎನ್ಎಫ್ಎಲ್​ ತಂಡಗಳೊಂದಿಗೆ ನಮ್ಮ ಐಪಿಎಲ್ ಫ್ರಾಂಚೈಸಿ ಸ್ಪರ್ಧೆ ಮಾಡಲಿವೆ ಎಂದು ನಿರೀಕ್ಷೆ ಮಾಡಲಾಗುತ್ತಿದೆ.