ಎರಡೂ ಸೇನೆಗಳ ನಡುವೆ ಅತ್ಯಂತ ದೊಡ್ಡ ಘರ್ಷಣೆಗೆ ಕಾರಣವಾಗವ ವಾತಾವರಣ ಗೋಗ್ರಾದಲ್ಲಿ ನಿರ್ಮಾಣವಾಗಿತ್ತು. ಚೀನಿ ಸೇನೆ ಇಲ್ಲಿ ಭಾಗಶಃ ಪರ್ಮನೆಂಟ್​​ ಟೆಂಟ್​​ಗಳನ್ನು ಸಹ ಹಾಕಿಕೊಂಡಿತ್ತು. ಜೊತೆಗೆ ಆರ್ಟಿಲ್ಲರಿ ಗನ್​ಗಳನ್ನು ಸಹ ತಂದಿತ್ತು. ಇಲ್ಲಿಂದ ಯಾವುದೇ ಕಾರಣಕ್ಕೂ ಹಿಂದೆ ಸರಿಯಲ್ಲ ಅಂತ ಚೀನಾ ಹಲವು ಬಾರಿ ಹೇಳಿಕೊಂಡೇ ಬಂದಿತ್ತು.. ಕಳೆದ ಮೂರು ತಿಂಗಳಲ್ಲಿ ಭಾರತೀಯ ಸೇನೆ ಎಂದು ಚೀನಾ ಕೊಂಚ ಮಂಕಾಗಿದೆ. ಆ ಹಿನ್ನೆಲೆಯಲ್ಲೇ ಸೇನೆಗಳನ್ನು ವಾಪಸ್​​ ಪಡೆದಿದೆ.

ಪೂರ್ವ ಲಡಾಖ್‌ನ ನೈಜ ನಿಯಂತ್ರಣ ರೇಖೆಯಲ್ಲಿ ಕಾರ್ಪ್ಸ್ ಕಮಾಂಡರ್ ಮಟ್ಟದಲ್ಲಿ 12 ನೇ ಸುತ್ತಿನ ಮಾತುಕತೆಗಳು ಚೀನಾದ ಬದಿಯ ಮೊಲ್ಡೋ ಗಡಿ ಹಂತದಲ್ಲಿ ಜುಲೈ 31 ರಂದು ಆರಂಭವಾಯಿತು. ಸುಮಾರು 9 ಗಂಟೆಗಳ ಕಾಲ 14 ತಿಂಗಳುಗಳಿಗಿಂತ ಹೆಚ್ಚು ಕಾಲ ಈ ಪ್ರದೇಶದಲ್ಲಿ ಉಂಟಾದ ಬಿಕ್ಕಟ್ಟನ್ನು ಕೊನೆಗೊಳಿಸುವ ಸಲುವಾಗಿ ಸಭೆ ನಡೆಸಲಾಗಿತ್ತು. ಸಭೆಯಲ್ಲಿ ಹಾಟ್ ಸ್ಪ್ರಿಂಗ್ಸ್, ಗೋಗ್ರಾ ಮತ್ತು ಡೆಪ್‌ಸಾಂಗ್‌ನಲ್ಲಿ ಸೈನ್ಯವನ್ನು ಹಿಂತೆಗೆದುಕೊಳ್ಳುವಂತೆ ಭಾರತ ಒತ್ತಾಯಿಸಿತು. ಈ ಮೊದಲು  ಏಪ್ರಿಲ್ 9 ರಂದು ಎಲ್‌ಎಸಿಯ ಭಾರತದ ಕಡೆಯ ಚುಶುಲ್ ಗಡಿಭಾಗದಲ್ಲಿ 11ನೇ ಸುತ್ತಿನ ಮಿಲಿಟರಿ ಮಾತುಕತೆ ನಡೆದಿತ್ತು. ಈ ಸಂಭಾಷಣೆ ಸುಮಾರು 13 ಗಂಟೆಗಳ ಕಾಲ ನಡೆದಿತ್ತು.