ನಾಗಪುರ ಮೂಲದ ಸಂತ್ರಸ್ತ ಸಮೀರ್, ಸ್ನೇಹಿತರ ಬಳಿ ಶ್ರೀಮಂತನಂತೆ ಪೋಸ್ ಕೊಡುತ್ತಿದ್ದ. ಇದಕ್ಕಾಗಿ ಆತ ಎಐ ಟೂಲ್ಸ್ ಬಳಕೆ ಮಾಡಿಕೊಂಡು ತನ್ನ ಮಗಳು ಕಂತೆ ಕಂತೆ ಹಣದೊಂದಿಗೆ ಆಟವಾಡುತ್ತಿದ್ದಂತೆ. ತನ್ನ ಮನೆಯಲ್ಲಿ ಕಂತೆ ಕಂತೆ ಹಣ ಜೋಡಿಸಿ ಇಟ್ಟಂತೆ ಪದೇ ಪದೇ ವಿಡಿಯೋ ಮಾಡಿ ವಾಟ್ಸಾಪ್ ಸ್ಟೇಟಸ್​ ಹಾಕಿಕೊಂಡಿದ್ದನಂತೆ.

ಆದರೆ ಎಐ ತಂತ್ರಜ್ಞಾನ ಬಗ್ಗೆ ಯಾವುದೇ ಮಾಹಿತಿ ಇಲ್ಲದ ಆತನ ಸ್ನೇಹಿತ ಶ್ರೇಯಸ್ ಬೋರ್ಕರ್ ಎಂಬಾತ ಈ ವಿಡಿಯೋ ನೋಡಿ ಶಾಕ್ ಹಾಕಿದ್ದ. ಅಲ್ಲದೇ ತನ್ನ ಸ್ನೇಹಿತನನ್ನು ಬ್ಲ್ಯಾಕ್ ಮೇಲ್ ಮಾಡಿ ಹಣ ವಸೂಲಿ ಮಾಡಲು ಪ್ಲ್ಯಾನ್ ಮಾಡಿದ್ದನಂತೆ. ಜೊತೆಗೆ ಕೆಲವರೊಂದಿಗೆ ಸೇರಿ ಸ್ನೇಹಿತರ ಮನೆಯಲ್ಲೇ ದರೋಡೆ ಮಾಡಲು ಪ್ಲ್ಯಾನ್ ಮಾಡಿದ್ದನಂತೆ. ಸ್ನೇಹಿತ ಕುಟುಂಬದೊಂದಿಗೆ ಟೂರ್​​ಗೆ ಹೋದಾಗ ಸ್ನೇಹಿತನ ಮನೆಗೆ ನುಗ್ಗಿ ದರೋಡೆ ಕೂಡ ಮಾಡಿದ್ದರಂತೆ. ಆಗ ಮನೆಯಲ್ಲಿ ಸುಮಾರು 4.5 ಲಕ್ಷ ಚಿನ್ನಾಭರಣ ಹಾಗೂ ಸುಮಾರು 4 ಲಕ್ಷ ರೂಪಾಯಿ ನಗದು ಸಿಕ್ಕಿತ್ತಂತೆ. ಈ ಬಗ್ಗೆ ಆತ ಪೊಲೀಸರಿಗೆ ದೂರು ನೀಡಿದ್ದ, ಪೊಲೀಸರು ಪ್ರಕರಣದ ತನಿಖೆ ಕೂಡ ನಡೆಸುತ್ತಿದ್ದರು.

ಇದನ್ನೂ ಓದಿ: Hassan: ಬೇಲೂರಿನ ಚೆನ್ನಕೇಶವ ದೇವಾಲಯದ ಹುಂಡಿ‌ ಹಣ ಕಳ್ಳತನ; ಎಣಿಕೆ ವೇಳೆ ಲಕ್ಷ ಲಕ್ಷ ಹಣ ಎಗರಿಸಿದ ವಿಡಿಯೋಗ್ರಾಫರ್

ಸಂತ್ರಸ್ತ ವ್ಯಕ್ತಿಯ ದೂರಿನ ಮೇರೆ ಕಾರ್ಯಾಚರಣೆ ನಡೆಸಿದ ಪೊಲೀಸರು, ಇಬ್ಬರು ಆರೋಪಿಗಳನ್ನು ಬಂಧಿಸಿದ್ದಾರೆ. ಈ ವಿಚಿತ್ರ ಪ್ರಕರಣದ ಬಗ್ಗೆ ಮಾತನಾಡಿದ ಬೆಳ್ತರೋಡಿ ಪೊಲೀಸ್ ಇನ್ಸ್‌ಪೆಕ್ಟರ್ ಸಚಿನ್ ಅಹೆರ್, ಸಾಮಾಜಿಕ ಮಾಧ್ಯಮದಲ್ಲಿ ನಕಲಿ ಸ್ಟೇಟಸ್ ಹಾಕಿದ ಕಾರಣದಿಂದಲೇ ಕೃತ್ಯ ನಡೆದಿದೆ ಎಂದು ಹೇಳಿದ್ದಾರೆ. ಆರೋಪಿಗಳು ಸಮೀರ್ ಎಲ್ಲಿ ಹೋಗ್ತಾನೆ ಬರ್ತಾನೆ ಅಂತ ತಿಳಿದುಕೊಳ್ಳಲು, ಆತನ ಬೈಕ್‌ನಲ್ಲಿ ಮೊಬೈಲ್ ಒಂದನ್ನು ಸೈಲೆಂಟ್ ಮಾಡಿ ಯಾರಿಗೂ ತಿಳಿಯದಂತೆ ಇಟ್ಟಿದ್ದರಂತೆ. ಇನ್ನು, ಸಾಮಾಜಿಕ ಜಾಲತಾಣದಲ್ಲಿ ಇಲ್ಲದ ಶ್ರೀಮಂತಿಕೆ ಪ್ರದರ್ಶನಕ್ಕೆ ನಿಂತರೆ ಏನೆಲ್ಲಾ ಅಪಾಯಗಳು ಎದುರಾಗಬಹುದು ಎಂಬುವುದಕ್ಕೆ ಇದು ನೈಜ ಉದಾಹರಣೆ ಎಂದು ಪೊಲೀಸರು ಹೇಳಿದ್ದಾರೆ ಎಂದು ಇಂಡಿಯಾ ಟುಡೇ ವರದಿ ಮಾಡಿದೆ.