ಅವರ ಕರುಪ್ಪು ಸಿನಿಮಾ ಹಿಟ್ ಆಗಿದೆ. ಹಿಟ್ ಇಲ್ಲದೆ ಕಂಗೆಟ್ಟಿದ್ದ ಸೂರ್ಯಗೆ ತ್ರಿಶಾ ಲಕ್ಕಿ ಚಾರ್ಮ್ ಆಗಿದ್ದಾರೆ. ಇನ್ನು ಅಜಿತ್ ಅವರ ಗುಡ್​ಬ್ಯಾಡ್ ಅಗ್ಲಿ ಸಿನಿಮಾ ಹಿಟ್ ಆಗದಿದ್ದರೂ ಬಾಕ್ಸ್ ಆಫೀಸ್​ ಕಲೆಕ್ಷನ್ ವಿಚಾರದಲ್ಲಿ ಕಮಾಲ್ ಮಾಡಿದೆ. ವಿಜಯ್ ಅವರ ಕೆರಿಯರ್​ನ ಅತ್ಯಧಿಕ ಕಲೆಕ್ಷನ್ ಮಾಡಿದ ಸಿನಿಮಾ ಲಿಯೋದಲ್ಲಿಯೂ ತ್ರಿಶಾ ಇದ್ದಾರೆ. ಟಾಪ್ ಹೀರೋಗಳ ಅತ್ಯಧಿಕ ಕಲೆಕ್ಷನ್ ಸಿನಿಮಾಗಳಲ್ಲಿ ತ್ರಿಶಾ ಅವರೇ ಹೀರೋಯಿನ್. ಇದು ನಟಿಗೆ ಲಕ್ಕಿ ಚಾರ್ಮ್ ಫೇಮ್ ತಂದುಕೊಟ್ಟಿದೆ.

ನಟಿ ತ್ರಿಶಾ ಅವರು ಈಗ ಇನ್​ಸ್ಟಾಗ್ರಾಮ್​ನಲ್ಲಿ ಒಂದು ಸ್ಟೋರಿ ಹಾಕಿಕೊಂಡಿದ್ದಾರೆ. ಆ ಸ್ಟೋರಿಯಲ್ಲಿ ಅಜಿತ್, ಸೂರ್ಯ, ವಿಜಯ್ ಸಿನಿಮಾಗಳ ಬಗ್ಗೆ ಇದೆ. ಈ ಮೂವರು ಹೀರೋಗಳ ಅತ್ಯಧಿಕ ಕಲೆಕ್ಷನ್ ಮಾಡಿದ ಸಿನಿಮಾಗಳಲ್ಲಿ ತ್ರಿಶಾ ಇದ್ದಾರೆ ಎನ್ನುವುದು ಹೈಲೈಟ್.

ವಿಜಯ್ ಹೈಯೆಸ್ಟ್ ಗ್ರಾಸರ್-ಲಿಯೋ, ಅಜಿತ್ ಹೈಯೆಸ್ಟ್ ಗ್ರಾಸರ್-ಜಿಬಿಯು, ಸೂರ್ಯ ಹೈಯೆಸ್ಟ್ ಗ್ರಾಸರ್ ಕರುಪ್ಪು, ಕಾಮನ್ ಫ್ಯಾಕ್ಟರ್ ಎಂದು ತ್ರಿಶಾ ಅವರ ಫೋಟೋಗಳನ್ನು ಹಾಕಲಾಗಿದೆ.

ಅಂತೂ ತ್ರಿಶಾ ಅವರ ಕ್ರೇಜ್ ಅನ್ನು ಈ ಒಂದು ಪೋಸ್ಟ್ ರಿವೀಲ್ ಮಾಡುತ್ತದೆ. 43 ವರ್ಷವಾದರೂ ತ್ರಿಶಾ ಅವರು ಹೀರೋಯಿನ್ ಆಗಿ ಕ್ರೇಜ್ ಉಳಿಸಿಕೊಂಡಿದ್ದಾರೆ ಎನ್ನುವುದು ನಿಜಕ್ಕೂ ಮೆಚ್ಚುವ ಸಂಗತಿ.

ವಿಜಯ್ ಅವರ ಬಳಿ ಈ ಸ್ಕ್ರಿಪ್ಟ್ ಅನ್ನು ವಿವರಿಸಿದ್ದ ಬಾಲಾಜಿ. ಆ ಸಂದರ್ಭವನ್ನು ನೆನಪಿಸಿಕೊಂಡು ಮಾತನಾಡಿದ ಬಾಲಾಜಿ “ವಿಜಯ್ ಸರ್​ಗೆ ಕಥೆ ಹೇಳಲು ಶುರು ಮಾಡಿದಾಗ, ಅವರು ಇದನ್ನು ತುಂಬಾ ಹೊಗಳಿದರು. ತಕ್ಷಣ, ‘ಈ ಸಿನಿಮಾವನ್ನು ನಾವೇ ಮಾಡೋಣವೇ?” ಎಂದು ಕೇಳಿದರು ಎಂದಿದ್ದಾರೆ.