ಬೆಂಗಳೂರಿನ ಸಂಶೋಧಕ ದಂಪತಿ ನಿಧಿ ಮತ್ತು ಶಿಖರ್ ವೀರ್ ಸಿಂಗ್ ಅವರು ಕೋಟ್ಯಂತರ ರೂಪಾಯಿ ಸಂಬಳದ ಬಯೋಟೆಕ್ ಉದ್ಯೋಗ ತ್ಯಜಿಸಿ, ಮನೆಯನ್ನೂ ಮಾರಿ, ಕೇವಲ 300 ಚದರ ಅಡಿಯ ಅಡಿಗೆ ಮನೆಯಿಂದ ಶುರು ಮಾಡಿದ ಸಮೋಸಾ ವ್ಯಾಪಾರ ಇಂದು ₹45 ಕೋಟಿ ಮೌಲ್ಯದ ಬ್ರಾಂಡ್ ಆಗಿ ಬೆಳೆದಿದೆ! “ಕನಸು ಬೆನ್ನಟ್ಟುವುದು ಬುದ್ಧಿಯ ಕೆಲಸವಲ್ಲ” ಎಂದು ಇವರಿಗೆ ಬೈದವರ ದೊಡ್ಡ ಪಟ್ಟಿಯೇ ಇದೆ; ಈಗ ಅವರೆಲ್ಲಾ ಇವರ ಕಾಯಂ ಗ್ರಾಹಕರು!

ಬಯೋಟೆಕ್ ವಿಜ್ಞಾನಿಗಳಾಗಿದ್ದ ಇವರಿಗೆ ಸವಾಲಾಗಿದ್ದು ಕೆಲವೇ ಕ್ಷಣಗಳಲ್ಲಿ ಮೆತ್ತಗಾಗುವ ಆ ಮೂಲಕ ಸ್ವಾದ ಕಳೆದುಕೊಳ್ಳುವ ಸಮೋಸಾದ ಗುಣ. ಮಾರುಕಟ್ಟೆಯಲ್ಲಿ ತುಂಬಾ ವ್ಯಾಪಾರಸ್ಥರಿಗೆ ಇದೇ ಸಮಸ್ಯೆ. ಸಮೋಸಾದ ಈ ಸಮಸ್ಯೆಯನ್ನೂ ವೈಜ್ಞಾನಿಕ ದೃಷ್ಟಿಯಿಂದ ಪರಿಹರಿಸಿದರು! ಮೈದಾ ಹಿಟ್ಟಿನ ಗ್ಲುಟೆನ್ ಬಂಧಗಳನ್ನು ವಿಶೇಷ ರೋಲರ್‌ಗಳ ಸಹಾಯದಿಂದ ಮುರಿದು, ಡೆಲಿವರಿ ಆದ ಬಳಿಕವೂ 6 ಗಂಟೆಗಳ ಕಾಲ ಗರಿ ಗರಿಯಾಗಿ ಉಳಿಯುವ ಸಮೋಸಾ ತಯಾರಿಸುವ ಗುಟ್ಟು ಕಂಡುಹಿಡಿದರು. ರುಚಿ ಎಲ್ಲ ಊರುಗಳಲ್ಲೂ ಒಂದೇ ರೀತಿ ಇರಬೇಕು ಎಂಬ ತತ್ವ ಅನುಸರಿಸಿದ ಇವರ ಬ್ರಾಂಡ್ ಶೀಘ್ರದಲ್ಲೇ ದೊಡ್ಡ ಕಾರ್ಪೊರೇಟ್ ಕಂಪನಿಗಳು ಮತ್ತು ಏರ್ ಇಂಡಿಯಾದ ಗ್ರಾಹಕರನ್ನು ಆಕರ್ಷಿಸಿತು!