ಆರು ಶಿವಸೇನೆ (UTB) ಸಂಸದರು ಲೋಕಸಭಾ ಸ್ಪೀಕರ್ ಓಂ ಬಿರ್ಲಾ ಅವರಿಗೆ ಪತ್ರ ಬರೆದು, ತಮ್ಮನ್ನು ಪ್ರತ್ಯೇಕ ಗುಂಪಾಗಿ ಪರಿಗಣಿಸಬೇಕೆಂದು ವಿನಂತಿಸಿದ್ದಾರೆ. ಸ್ಪೀಕರ್‌ಗೆ ಪತ್ರ ಬರೆದಿರುವ ಶಿವಸೇನೆ (ಯುಬಿಟಿ) ಸಂಸದರಲ್ಲಿ ಸಂಜಯ್ ಜಾಧವ್, ಸಂಜಯ್ ದೇಶಮುಖ್, ನಾಗೇಶ್ ಪಾಟೀಲ್ ಅಷ್ಟಿಕರ್, ಓಂರಾಜೆ ನಿಂಬಾಳ್ಕರ್, ಭೌಸಾಹೇಬ್ ವಾಕಚೌರೆ ಮತ್ತು ಸಂಜಯ್ ದಿನಾ ಪಾಟೀಲ್ ಸೇರಿದ್ದಾರೆ.

ಮಹಾರಾಷ್ಟ್ರದಲ್ಲಿ ನಂಬಿದವರೇ ಉದ್ಧವ್ ಠಾಕ್ರೆ ಅವರಿಗೆ ಮೋಸ ಮಾಡಿದ್ದು, ಶಿವಸೇನೆಯ ಒಂಬತ್ತು (ಯುಬಿಟಿ) ಸಂಸದರಲ್ಲಿ ಆರು ಮಂದಿ ಬುಧವಾರ ಬೆಳಿಗ್ಗೆ 9:30 ಕ್ಕೆ ಸ್ಪೀಕರ್‌ಗೆ ಪತ್ರ ಸಲ್ಲಿಸಿ, ಏಕನಾಥ್ ಶಿಂಧೆ ಅವರ ಪಕ್ಷದೊಂದಿಗೆ ವಿಲೀನಗೊಳ್ಳುವಂತೆ ಒತ್ತಾಯಿಸಿದ್ದಾರೆ. ಉದ್ಧವ್ ಠಾಕ್ರೆ ಅವರ ಆರು ಸಂಸದರು ತಮ್ಮದೇ ಆದ ಬಣವನ್ನು ರಚಿಸಿ ಏಕನಾಥ್ ಶಿಂಧೆ ಅವರ ಶಿವಸೇನೆಯೊಂದಿಗೆ ವಿಲೀನಗೊಂಡಿದ್ದಾರೆ.

ಯುಟಿಬಿಯಲ್ಲಿ ಬಂಡಾಯ ಏಳಬಹುದೆಂಬ ಊಹಾಪೋಹಗಳ ನಡುವೆ, ದೆಹಲಿಯ ಸಂಜಯ್ ರಾವತ್ ಅವರ ನಿವಾಸದಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಅರವಿಂದ್ ಸಾವಂತ್, ಮುಖ್ಯ ಸಚೇತಕ ಅನಿಲ್ ದೇಸಾಯಿ ಮತ್ತು ನಾಸಿಕ್ ಸಂಸದ ರಾಜಭಾವು ಹಾಜರಿದ್ದರು. ಹೀಗಾಗಿ, ಶಿವಸೇನೆಯ (ಯುಟಿಬಿ) ಒಂಬತ್ತು ಲೋಕಸಭಾ ಸಂಸದರಲ್ಲಿ ಕೇವಲ ಮೂವರು ಮಾತ್ರ ಹಾಜರಿದ್ದರು, ಆರು ಮಂದಿ ಗೈರು ಹಾಜರಾಗಿದ್ದರು. ಇದು ಉದ್ಧವ್ ಠಾಕ್ರೆ ಅವರ ಪಕ್ಷದೊಳಗಿನ ವಿಭಜನೆಯ ಬೆದರಿಕೆಯನ್ನು ಸ್ಪಷ್ಟವಾಗಿ ಸೂಚಿಸುತ್ತದೆ.