Last Updated:
ರಾಮಾಯಣದಲ್ಲಿ ರಾಮ ಮತ್ತು ರಾವಣ ಎಷ್ಟು ಪ್ರಮುಖ ಪಾತ್ರಗಳೋ, ಸೀತೆಯ ಪಾತ್ರವೂ ಅಷ್ಟೇ ಮಹತ್ವದ್ದಾಗಿದೆ. ಶ್ರೀರಾಮನ ಜೀವನಯಾನ, ವನವಾಸ ಮತ್ತು ರಾವಣನ ವಿರುದ್ಧದ ಯುದ್ಧದಲ್ಲಿ ಸೀತೆಯ ಪಾತ್ರ ಕಥೆಯ ಕೇಂದ್ರಬಿಂದುವಾಗಿದೆ.
ಬಹುನಿರೀಕ್ಷಿತ ರಾಮಾಯಣ: ಭಾಗ 1 (Ramayana: Part 1) ಚಿತ್ರದ ಟ್ರೇಲರ್ ಬಿಡುಗಡೆಯಾದ ಬಳಿಕ ಸಾಮಾಜಿಕ ಜಾಲತಾಣಗಳಲ್ಲಿ ಚಿತ್ರದ ಪ್ರತಿಯೊಂದು ಪಾತ್ರವೂ ಚರ್ಚೆಗೆ ಗ್ರಾಸವಾಗಿದೆ. ನಿತೇಶ್ ತಿವಾರಿ (Nitesh Tiwari) ನಿರ್ದೇಶನದ ಈ ಮಹತ್ವಾಕಾಂಕ್ಷೆಯ ಚಿತ್ರದಲ್ಲಿ ರಣಬೀರ್ ಕಪೂರ್ (Ranbir Kapoor) ಶ್ರೀರಾಮನಾಗಿ, ರಾಕಿಂಗ್ ಸ್ಟಾರ್ ಯಶ್ (Rocking Star Yash) ರಾವಣನಾಗಿ ಹಾಗೂ ಸಾಯಿ ಪಲ್ಲವಿ (Sai Pallavi) ಸೀತೆಯಾಗಿ ಕಾಣಿಸಿಕೊಂಡಿದ್ದಾರೆ. ಟ್ರೇಲರ್ನಲ್ಲಿ ಯಶ್ ರಾವಣನ ಅವತಾರ ಹಾಗೂ ರಣಬೀರ್ ಶ್ರೀರಾಮನ ಪಾತ್ರಕ್ಕೆ ಭಾರಿ ಮೆಚ್ಚುಗೆ ವ್ಯಕ್ತವಾಗಿರುವ ನಡುವೆಯೇ, ಸೀತೆಯಾಗಿ ಸಾಯಿ ಪಲ್ಲವಿ ದೈವಿಕ ಲುಕ್ ಕೂಡ ಅಭಿಮಾನಿಗಳ ಮನಸೆಳೆದಿದೆ.
ರಾಮಾಯಣದಲ್ಲಿ ರಾಮ ಮತ್ತು ರಾವಣ ಎಷ್ಟು ಪ್ರಮುಖ ಪಾತ್ರಗಳೋ, ಸೀತೆಯ ಪಾತ್ರವೂ ಅಷ್ಟೇ ಮಹತ್ವದ್ದಾಗಿದೆ. ಶ್ರೀರಾಮನ ಜೀವನಯಾನ, ವನವಾಸ ಮತ್ತು ರಾವಣನ ವಿರುದ್ಧದ ಯುದ್ಧದಲ್ಲಿ ಸೀತೆಯ ಪಾತ್ರ ಕಥೆಯ ಕೇಂದ್ರಬಿಂದುವಾಗಿದೆ. ಈ ಹಿನ್ನೆಲೆಯಲ್ಲಿ ಸೀತೆಯಾಗಿ ಸಾಯಿ ಪಲ್ಲವಿ ಆಯ್ಕೆ ಮೊದಲಿನಿಂದಲೂ ಕುತೂಹಲ ಮೂಡಿಸಿತ್ತು. ಇದೀಗ ಬಿಡುಗಡೆಯಾದ ಟ್ರೇಲರ್ನಲ್ಲಿ ಅವರ ಕೆಲವೇ ಕ್ಷಣಗಳ ಪರದೆ ಹಾಜರಾತಿಯೇ ಪಾತ್ರಕ್ಕೆ ಅವರು ಎಷ್ಟು ನ್ಯಾಯ ಒದಗಿಸಿದ್ದಾರೆ ಎಂಬುದನ್ನು ತೋರಿಸಿದೆ.
ರಾಮಾಯಣ ಧಾರಾವಾಹಿಯಲ್ಲಿ ಸೀತೆಯಾಗಿ ನಟಿಸಿದ್ದ ದೀಪಿಕಾ ಚಿಖಾಲಿಯಾ ಅವರನ್ನು ಇಂದಿಗೂ ಅನೇಕರು ಅದೇ ಪಾತ್ರದ ಮೂಲಕ ನೆನಪಿಸಿಕೊಳ್ಳುತ್ತಾರೆ. ಅವರ ಅಭಿನಯವು ಪ್ರೇಕ್ಷಕರ ಮನಸ್ಸಿನಲ್ಲಿ ಅಚ್ಚಳಿಯದ ಗುರುತು ಮೂಡಿಸಿತ್ತು. ನಂತರ ಹಲವು ರಾಮಾಯಣ ಆಧಾರಿತ ಸಿನಿಮಾಗಳು ಮತ್ತು ಧಾರಾವಾಹಿಗಳು ಬಂದರೂ, ಸೀತೆಯ ಪಾತ್ರದ ಬಗ್ಗೆ ಅಭಿಮಾನಿಗಳ ನಿರೀಕ್ಷೆ ಸದಾ ಹೆಚ್ಚೇ ಇತ್ತು. ಇದೀಗ ಸಾಯಿ ಪಲ್ಲವಿ ತಮ್ಮ ಸಹಜ ಅಭಿನಯ ಮತ್ತು ಶಾಂತ ವ್ಯಕ್ತಿತ್ವದ ಮೂಲಕ ಆ ಪಾತ್ರಕ್ಕೆ ಹೊಸ ಜೀವ ತುಂಬಿದ್ದಾರೆ ಎಂಬ ಅಭಿಪ್ರಾಯಗಳು ಕೇಳಿಬರುತ್ತಿವೆ.
ಟ್ರೇಲರ್ ಬಿಡುಗಡೆಯಾದ ಬಳಿಕ ಸಾಮಾಜಿಕ ಜಾಲತಾಣಗಳಲ್ಲಿ ಸಾಯಿ ಪಲ್ಲವಿ ಅವರ ಲುಕ್ಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಯಾವುದೇ ಅತಿಯಾದ ಮೇಕಪ್ ಅಥವಾ ಅಲಂಕಾರವಿಲ್ಲದೆ ಸಹಜ ಸೌಂದರ್ಯ ಮತ್ತು ಭಾವಪೂರ್ಣ ಅಭಿನಯದ ಮೂಲಕ ಸೀತೆಯ ಪಾತ್ರಕ್ಕೆ ಅವರು ಜೀವ ತುಂಬಿದ್ದಾರೆ ಎಂದು ಅಭಿಮಾನಿಗಳು ಪ್ರತಿಕ್ರಿಯಿಸುತ್ತಿದ್ದಾರೆ.
ರಾಮಾಯಣದ ಟ್ರೇಲರ್ನಲ್ಲಿ ಯಶ್ ರಾವಣ, ರಣಬೀರ್ ಕಪೂರ್ ಶ್ರೀರಾಮ ಮತ್ತು ಸಾಯಿ ಪಲ್ಲವಿ ಸೀತೆ ಪಾತ್ರಗಳು ಚಿತ್ರದ ಮೇಲಿನ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿವೆ. ವಿಶೇಷವಾಗಿ ಸೀತೆಯಾಗಿ ಸಾಯಿ ಪಲ್ಲವಿ ಮೂರು ವಿಭಿನ್ನ ಲುಕ್ಗಳು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಸಿನಿಮಾ ಬಿಡುಗಡೆಯವರೆಗೂ ಈ ಪಾತ್ರದ ಬಗ್ಗೆ ಕುತೂಹಲ ಇನ್ನಷ್ಟು ಹೆಚ್ಚುವ ಸಾಧ್ಯತೆ ಇದೆ.
Bangalore [Bangalore],Bangalore,Karnataka
Jul 30, 2026 10:43 AM IST
