ಕರಾವಳಿ ಪ್ರೀಮಿಯರ್ ಶೋ

ಕರಾವಳಿ ಚಿತ್ರದ ಪ್ರೀಮಿಯರ್ ಶೋ ಪ್ಲಾನ್ ಆಗಿವೆ. ಮಂಗಳೂರು, ಬೆಂಗಳೂರು, ಶಿವಮೊಗ್ಗ, ದಾವಣಗೆರೆ, ಮೈಸೂರಿನಲ್ಲಿ ಈ ಚಿತ್ರದ ಪ್ರೀಮಿಯರ್ ಶೋ ನಡೆಯುತ್ತಿದೆ.

(ಚಿತ್ರ ಕೃಪೆ: ರಾಜ್ ಬಿ ಶೆಟ್ಟಿ ಇನ್‌ಸ್ಟಾಗ್ರಾಮ್)

ಈ ವಿಷಯವನ್ನ ರಾಜ್ ಬಿ ಶೆಟ್ಟಿ ಅಧಿಕೃತವಾಗಿಯೇ ಹೇಳಿದ್ದಾರೆ. ವಿಶೇಷವೆಂದ್ರೆ ಇನ್‌ಸ್ಟಾಗ್ರಾಮ್‌ ಲೈವ್ ಅಲ್ಲಿಯೇ ಈ ಒಂದು ಮಾಹಿತಿಯನ್ನ ರಾಜ್ ಬಿ ಶೆಟ್ಟಿ ಕೊಟ್ಟಿದ್ದಾರೆ.

ಯಾವ ದಿನ, ಯಾವ ಊರು

ಯಾವ ಊರಲ್ಲಿ ಯಾವಾಗ ಕರಾವಳಿ ಚಿತ್ರದ ಪ್ರೀಮಿಯರ್ ಶೋ ಇರುತ್ತದೆ ಅಂತಲೂ ರಾಜ್ ಬಿ ಶೆಟ್ರು ಹೇಳಿದ್ದಾರೆ. ಆ ಒಂದು ಮಾಹಿತಿ ಈ ರೀತಿ ಇದೆ ಓದಿ.

• ಜುಲೈ 19 – ಮಂಗಳೂರು
• ಜುಲೈ 20 – ಶಿವಮೊಗ್ಗ
• ಜುಲೈ 21 – ದಾವಣಗೆರೆ
• ಜುಲೈ 22 – ಮೈಸೂರು
• ಜುಲೈ 23 – ಬೆಂಗಳೂರು

ಗುರುದತ್ತ ಗಾಣಿಗ ಸಿನಿಮಾ

ಕರಾವಳಿ ಚಿತ್ರವನ್ನ ಗುರುದತ್ತ ಗಾಣಿಗ ಡೈರೆಕ್ಷನ್ ಮಾಡಿದ್ದಾರೆ. ಈ ಚಿತ್ರಕ್ಕೆ ಇವರೂ ಒಬ್ಬ ನಿರ್ಮಾಪಕರೂ ಆಗಿದ್ದಾರೆ. ಸಚಿನ್ ಬಸ್ರೂರು ಸಂಗೀತ ಕೊಟ್ಟಿದ್ದಾರೆ. ಅಭಿಮನ್ಯು ಸದಾನಂದನ್ ಈ ಚಿತ್ರಕ್ಕೆ ಕ್ಯಾಮರಾವರ್ಕ್ ಮಾಡಿದ್ದಾರೆ.

(ಚಿತ್ರ ಕೃಪೆ: ರಾಜ್ ಬಿ ಶೆಟ್ಟಿ ಇನ್‌ಸ್ಟಾಗ್ರಾಮ್)

ಪ್ರಜ್ವಲ್ ಬದುಕಿನ ವಿಶೇಷ ಚಿತ್ರ

ಕರಾವಳಿ ಚಿತ್ರ ಪ್ರಜ್ವಲ್ ದೇವರಾಜ್ ಬದುಕಿನ ವಿಶೇಷ ಚಿತ್ರ ಇದಾಗಿದೆ. ಇಲ್ಲಿವರೆಗಿನ ಸಿನಿಮಾಗಳಲ್ಲಿ ಪ್ರಜ್ವಲ್ ಈ ರೀತಿ ಪಾತ್ರ ಮಾಡಿಯೇ ಇಲ್ಲ.

ಕರಾವಳಿಯಲ್ಲಿ ರಮೇಶ್ ಇಂದಿರಾ

ಈ ಚಿತ್ರದಲ್ಲಿ ಕನ್ನಡದ ಹೆಸರಾಂತ ಕಲಾವಿದರೂ ನಟಿಸಿದ್ದಾರೆ. ನಟ-ನಿರ್ದೇಶಕ ರಮೇಶ್ ಇಂದಿರಾ ಈ ಚಿತ್ರದಲ್ಲಿ ಪ್ರಮುಖ ರೋಲ್ ಮಾಡಿದ್ದಾರೆ. ಹಿರಿಯ ನಟ ಶ್ರೀಧರ್ ಕೂಡ ಈ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ. ಹಾಸ್ಯ ನಟ ಮಿತ್ರ ಈ ಸಿನಿಮಾದಲ್ಲಿ ಗಂಭೀರ ಪಾತ್ರ ಮಾಡಿದ್ದಾರೆ. ಇದಕ್ಕಾಗಿಯೇ ಲುಕ್ ಕೂಡ ಚೇಂಜ್ ಮಾಡಿದ್ದಾರೆ. ಇವರೆಲ್ಲರ ಈ ಚಿತ್ರವನ್ನ ಜನ ಹೇಗೆ ತೆಗೆದುಕೊಳ್ಳುತ್ತಾರೆ ಅನ್ನುವ ಕುತೂಹಲವೂ ಹೆಚ್ಚಾಗಿದೆ.