ಪ್ರೇಮದ ಊರಲಿ…

ಪ್ರೇಮದ ಊರಲಿ ಚಿತ್ರ ನಿಧಾನಕ್ಕೆ ಜನರನ್ನ ಎಳೆಯುತ್ತಿದೆ. ಬಾಯಿಂದ ಬಾಯಿಗೆ ಈ ಚಿತ್ರದ ವಿಷಯ ಹರಡುತ್ತಿದೆ. ಫ್ಯಾಮಿಲಿಗಳು ಥಿಯೇಟರ್‌ಗೆ ಬರ್ತಿವೆ.

(ಚಿತ್ರ ಕೃಪೆ: ನಾಯಕ ನಟ ಶ್ರೀರಾಮ್ ಇನ್​ಸ್ಟಾಗ್ರಾಮ್)

ಅಪ್ಪನ ಪ್ರೀತಿ…

ಅಪ್ಪನ ನೆರಳಲ್ಲಿ ಬೆಳೆದ ಮಗನ ಕತೆ ಇಲ್ಲಿದೆ. ಸಂತೋಷ್ ಅಪ್ಪನ ಮುದ್ದಿನ ಒಬ್ಬನೇ ಮಗ ನೋಡಿ. ಈತನಿಗಾಗಿ ಅಪ್ಪ ಇನ್ನೊಂದು ಮದುವೆ ಆಗೋದಿಲ್ಲ. ಮನೆಯಲ್ಲಿ ಸೊಸೆ ಇರ್ತಾಳೆ. ವಸಂತ ಅಂತಲೇ ಈಕೆಯೆ ಹೆಸರು. ಪಿಯುಸಿ ಡುಮ್ಕಿ (ಫೇಲ್) ಆಗಿರುತ್ತಾಳೆ.

ವಸಂತ ಪಾತ್ರಧಾರಿ

ವಸಂತ ಪಾತ್ರವನ್ನ ಸೀರಿಯಲ್ ನಟಿ ರಮಿಕಾ ಶಿವು ಮಾಡಿದ್ದಾರೆ. ಇವರು ಇಲ್ಲಿ ಇಡೀ ಚಿತ್ರದಲ್ಲಿ ಹಲವು ಕಾರಣಕ್ಕೆ ಇಷ್ಟ ಆಗುತ್ತಾರೆ. ಈ ವಸಂತಳ ಉದ್ದನೆಯ ಜಡೆಗೂ ಇಲ್ಲಿ ಕತೆ.

(ಚಿತ್ರ ಕೃಪೆ: ನಾಯಕ ನಟ ಶ್ರೀರಾಮ್ ಇನ್​ಸ್ಟಾಗ್ರಾಮ್)

ಗಿಡ ನೆಟ್ಟರೆ ಉಸಿರು…

ಸಹೋದರಿ ಮತ್ತು ಹೆಂಡ್ತಿ ಗೋರಿಗೆ ನಾಗಣ್ಣ (ರಂಗಾಯಣ ರಘು) ಗೋರಿ ಕಟ್ಟಿಸೋದಿಲ್ಲ. ಮಾವಿನ ಗಿಡ ನೆಡುತ್ತಾರೆ. ಗೋರಿ ಕಟ್ಟಿದರೆ ಏನು? ಗಿಡ ನೆಟ್ಟರೆ ಉಸಿರು ಬರುತ್ತದೆ ಅನ್ನುವ ಇವರ ಮಾತು ಪರಿಸರ ಜಾಗೃತಿ ಮೂಡಿಸುತ್ತದೆ.

ಶ್ರೀರಾಮ್- ತಪಸ್ವಿನಿ ಪೂಣಚ್ಚ

ನಟ ಶ್ರೀರಾಮ್ ಇಲ್ಲಿ ಸಂತೋಷ್ ಹೆಸರಿನ ಪಾತ್ರ ಮಾಡಿದ್ದಾರೆ. ಹಳ್ಳಿ ಹೈದನ ಪಾತ್ರವೇ ಇದಾಗಿದೆ. ಈ ಸಂತೋಷ್ ಜೊತೆಗೆ ಇರೋ ಸ್ನೇಹಿತರು ಚೆನ್ನಾಗಿ ಮಾಡಿದ್ದಾರೆ.

ರಂಗಾಯಣ ರಘು, ರಮಿಕಾ ಶಿವು, ಅಜ್ಜಿ ಪಾತ್ರಧಾರಿ ಇಳಾ ವಿಟ್ಲ ಇಲ್ಲಿ ಹೆಚ್ಚು ಗಮನ ಸೆಳೆಯುತ್ತಾರೆ. ಡೈರೆಕ್ಟರ್ ಮನೋಜ್ ಕುಮಾರ್ ಒಳ್ಳೆ ಚಿತ್ರ ಮಾಡಿದ್ದಾರೆ. ಸರಳ, ಭಾವನಾತ್ಮಕ ಹಾಗೂ ಫೀಲ್ ಗುಡ್ ಇದಾಗಿದೆ ಅಂತ ಹೇಳಬಹುದು.