ವೈರಲ್ ಆಗಿರುವ ವಿಡಿಯೋದಲ್ಲಿ, ಸಿಂಹವು ಕುರಿಗಾಹಿಯನ್ನು ತನ್ನ ಕಾಲಿನಲ್ಲಿ ನೆಲಕ್ಕೆ ಬಿಗಿದುಕೊಂಡು ಕೂತಿದೆ, ಅಲ್ಲೇ ದೂರದಲ್ಲಿ ಇದ್ದ ಜನರು ಪ್ರಾಣಿಯನ್ನು ಓಡಿಸಲು ಕಿರುಚಾಡುತ್ತಾ ಹತಾಶ ಪ್ರಯತ್ನ ಮಾಡಿದರೂ ಅದು ಆತನನ್ನು ಬಿಡಲು ಮನಸ್ಸೇ ಮಾಡಿಲ್ಲ. ಗ್ರಾಮಸ್ಥರು ಕಿರುಚುತ್ತಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ. ಕೆಲವರು ಸಿಂಹದ ಮೇಲೆ ಕಲ್ಲುಗಳನ್ನು ಎಸೆದು ಆತನನ್ನು ರಕ್ಷಿಸಲು ಪ್ರಯತ್ನಿಸಿದರು. ಆದರೆ ಆತ ಸಮಯಪ್ರಜ್ಞೆ ಮೆರೆದು ಸುಮ್ಮನೆ ಕುಳಿತು ನಿಧಾನಕ್ಕೆ ಸಿಂಹದ ದೇಹವನ್ನು ನೇವರಿಸಿದ್ದಾನೆ. ಹೀಗೆ ಸುಮಾರು ಅರ್ಧ ಗಂಟೆಯತನಕ ಮಾಡಿದ ನಂತರ ಸಿಂಹ ಶಾಂತಗೊಂಡು ಆತನನ್ನು ಅಲ್ಲೇ ಬಿಟ್ಟು ತೆರಳಿದೆ.

ಈತನ್ಮಧ್ಯೆ, ಸಿಂಹವು ಕುರಿಗಾಹಿಯ ಕಾಲಿಗೆ ಬಿಗಿದು ಕಚ್ಚಿದೆ ಎಂದು ವರದಿಯಾಗಿದ್ದು, ಇದರಿಂದ ಆತನಿಗೆ ಗಂಭೀರ ಗಾಯವಾಗಿದೆ, ಸದ್ಯ ಆತನಿಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ತಿಳಿದು ಬಂದಿದೆ.

ಘಟನೆಯ ನಂತರ, ಅರಣ್ಯ ಇಲಾಖೆ ಗ್ರಾಮಕ್ಕೆ ತಲುಪಿ ತನಿಖೆ ಆರಂಭಿಸಿತು. ದಾಳಿಗೆ ಕಾರಣವಾದ ಸಿಂಹವನ್ನು ಪತ್ತೆಹಚ್ಚಲು ಮತ್ತು ಸೆರೆಹಿಡಿಯಲು ಅಧಿಕಾರಿಗಳು ಪ್ರಯತ್ನಗಳನ್ನು ಪ್ರಾರಂಭಿಸಿದ್ದಾರೆ.