ಒಂದು ಇಡೀ ಹಳ್ಳಿಯ (Village) ಜನಸಂಖ್ಯೆಯನ್ನು(Population) ತನ್ನ ಮನೆಯೊಳಗೇ ಸೃಷ್ಟಿಸಿರುವ ಈತ ಕೇವಲ ಒಬ್ಬ ವ್ಯಕ್ತಿಯಲ್ಲ, ಒಂದು ಜಿಲ್ಲೆಯನ್ನೇ (District) ಮುನ್ನಡೆಸಬಲ್ಲ ಮಹಾ ಸಂಸಾರದ ಒಡೆಯ. ಹೌದು, ಬರೋಬ್ಬರಿ 8 ಜನ ಹೆಂಡತಿಯರು (Wife’s) ಮತ್ತು 130 ಮಕ್ಕಳನ್ನು ಹೊಂದಿರುವ ಈತನ ಕೌಟುಂಬಿಕ ಸಾಮ್ರಾಜ್ಯದ ಕಥೆ ಕೇಳಿದರೆ ನೀವೂ ಬೆರಗಾಗುತ್ತೀರಿ. ಈ ಕುರಿತು ಸಂಪೂರ್ಣ ವಿವರ ಇಲ್ಲಿದೆ.
ಸೋಶಿಯಲ್ ಮೀಡಿಯಾದಲ್ಲಿ ಫುಲ್ ವೈರಲ್!
ಉಗಾಂಡಾದ (Uganda) ಗ್ರಾಮೀಣ ಭಾಗದ ನಿವಾಸಿ ಮುಸಾ ಹಸಾಹ್ಯ ಕಸೇರಾಅವರ ಜೀವನಕಥೆ ಈಗ ವಿಶ್ವದ ಗಮನ ಸೆಳೆದಿದೆ. ಸಾಮಾಜಿಕ ಜಾಲತಾಣಗಳಲ್ಲಿ “ವಿಶ್ವದ ಅತಿ ಹೆಚ್ಚು ಮಕ್ಕಳ ತಂದೆ” ಎಂಬ ಹೆಸರಿನಲ್ಲಿ ವೈರಲ್ ಆಗಿರುವ ಈ ವ್ಯಕ್ತಿ, ತಮ್ಮ ವಿಶಾಲ ಕುಟುಂಬದಿಂದಲೇ ಅಚ್ಚರಿ ಮೂಡಿಸಿದ್ದಾರೆ. ವರದಿಗಳ ಪ್ರಕಾರ, ಮುಸಾಗೆ 12 ಪತ್ನಿಯರು, 102 ಮಕ್ಕಳು ಮತ್ತು ಸುಮಾರು 578 ಮೊಮ್ಮಕ್ಕಳು ಇದ್ದಾರೆ. ಕೆಲವು ವೈರಲ್ ಪೋಸ್ಟ್ಗಳಲ್ಲಿ ಈ ಸಂಖ್ಯೆಯನ್ನು ಇನ್ನೂ ಹೆಚ್ಚಾಗಿ ಹೇಳಲಾಗಿದ್ದರೂ, ವಿಶ್ವಾಸಾರ್ಹ ವರದಿಗಳಲ್ಲಿ 102 ಮಕ್ಕಳು ಹಾಗೂ 578 ಮೊಮ್ಮಕ್ಕಳೇ ಉಲ್ಲೇಖಗೊಂಡಿವೆ.
ಉಗಾಂಡಾದ ಬುತಾಲೆಜಾ ಜಿಲ್ಲೆಯಲ್ಲಿರುವ ತಮ್ಮ ಹಳ್ಳಿಯಲ್ಲಿ ಮುಸಾ ವಾಸಿಸುತ್ತಿದ್ದಾರೆ. ಅವರು ಸುಮಾರು 1970ರ ದಶಕದಲ್ಲಿ ಮೊದಲ ಮದುವೆಯಾಗಿದ್ದರು. ಅಂದಿನ ಸಾಮಾಜಿಕ ಸಂಪ್ರದಾಯದಂತೆ, ಕುಟುಂಬದ ವಂಶವನ್ನು ವಿಸ್ತರಿಸಬೇಕೆಂಬ ಕಾರಣಕ್ಕೆ ಸಂಬಂಧಿಕರು ಹಲವಾರು ಮದುವೆ ಮಾಡಲು ಪ್ರೇರೇಪಿಸಿದ್ದರೆಂದು ಮುಸಾ ಹೇಳಿಕೊಂಡಿದ್ದಾರೆ.
ಆರಂಭದಲ್ಲಿ ಇದು ಅವರಿಗೆ ಸಾಮಾನ್ಯ ಜೀವನಶೈಲಿಯಂತೆ ಕಂಡಿತ್ತು. ಆದರೆ ಕಾಲಕ್ರಮೇಣ ಕುಟುಂಬದ ಗಾತ್ರ ನಿಯಂತ್ರಣದಾಚೆಗೆ ಹೋಗಿತು. ಮಕ್ಕಳು ಮತ್ತು ಮೊಮ್ಮಕ್ಕಳ ಸಂಖ್ಯೆ ಹೆಚ್ಚುತ್ತಾ ಹೋದಂತೆ, ಅವರ ಜೀವನವೇ ಸವಾಲಿನಿಂದ ಕೂಡಿತು. ಇಷ್ಟು ದೊಡ್ಡ ಕುಟುಂಬಕ್ಕೆ ಆಹಾರ, ಶಿಕ್ಷಣ, ಬಟ್ಟೆ ಮತ್ತು ಮೂಲಭೂತ ಸೌಲಭ್ಯಗಳನ್ನು ಒದಗಿಸುವುದು ಕಷ್ಟಕರವಾಯಿತು.
ಮುಸಾ ಹೇಳುವಂತೆ, ಈಗ ತಮ್ಮ ಎಲ್ಲಾ ಮಕ್ಕಳ ಹೆಸರನ್ನೂ ನೆನಪಿಟ್ಟುಕೊಳ್ಳುವುದು ಸಾಧ್ಯವಿಲ್ಲ. ಕೆಲವರ ಹೆಸರನ್ನು ನೆನಪಿಸಲು ಪತ್ನಿಯರ ಸಹಾಯವೇ ಬೇಕಾಗುತ್ತದೆ. ಅವರ ಕುಟುಂಬದ ವಯಸ್ಸಿನ ವ್ಯಾಪ್ತಿ ಸಹ ದೊಡ್ಡದಾಗಿದೆ. ಹಿರಿಯ ಮಕ್ಕಳು ಈಗ ಐವತ್ತರ ಹತ್ತಿರ ಇದ್ದರೆ, ಕಿರಿಯ ಮಕ್ಕಳು ಇನ್ನೂ ಶಾಲಾ ವಯಸ್ಸಿನವರಾಗಿದ್ದಾರೆ.
ಆರ್ಥಿಕ ಸಂಕಷ್ಟದಿಂದಾಗಿ ಮುಸಾ ಅವರ ಕೆಲ ಪತ್ನಿಯರು ಅವರನ್ನು ಬಿಟ್ಟು ಹೋಗಿದ್ದಾರೆ. ಕುಟುಂಬದ ನಿರ್ವಹಣೆಗೆ ಭೂಮಿ ಸಾಕಾಗದೆ, ಕೆಲವರು ಬೇರೆ ಊರಲ್ಲಿ ನೆಲೆಸಿದ್ದಾರೆ. ಮನೆಯಲ್ಲಿರುವವರು ಕೃಷಿ ಹಾಗೂ ಸಣ್ಣಪುಟ್ಟ ಕೂಲಿ ಕೆಲಸಗಳಿಂದ ಬದುಕು ಸಾಗಿಸುತ್ತಿದ್ದಾರೆ.
ಈಗ ಮುಸಾ ತಮ್ಮ ಹಿಂದಿನ ನಿರ್ಧಾರವನ್ನು “ಜವಾಬ್ದಾರಿಯಿಲ್ಲದ ನಡೆ” ಎಂದು ಒಪ್ಪಿಕೊಂಡಿದ್ದಾರೆ. ಇನ್ನು ಮಕ್ಕಳಾಗದಂತೆ ಕುಟುಂಬ ನಿಯೋಜನೆ ಕ್ರಮಗಳನ್ನು ಅನುಸರಿಸಲಾಗುತ್ತಿದೆ ಎಂದು ಅವರು ತಿಳಿಸಿದ್ದಾರೆ. ತಮ್ಮ ಆರೋಗ್ಯವೂ ಹದಗೆಟ್ಟಿದ್ದು, ಇಷ್ಟು ದೊಡ್ಡ ಕುಟುಂಬವನ್ನು ನೋಡಿಕೊಳ್ಳುವುದು ದಿನದಿಂದ ದಿನಕ್ಕೆ ಕಷ್ಟವಾಗುತ್ತಿದೆ ಎಂಬುದು ಅವರ ಬೇಸರದ ಮಾತಾಗಿದೆ.
ಆದರೂ, ಈ ವಿಶಾಲ ಕುಟುಂಬದಲ್ಲಿ ತಿಂಗಳಿಗೊಮ್ಮೆ ಸಭೆ ನಡೆಸಿ ಸಮಸ್ಯೆಗಳನ್ನು ಚರ್ಚಿಸಿ ಪರಿಹರಿಸುವ ವಿಶಿಷ್ಟ ಪದ್ಧತಿ ಇದೆ. ಇದು ಕುಟುಂಬದಲ್ಲಿ ಏಕತೆ ಕಾಪಾಡಲು ಸಹಾಯ ಮಾಡುತ್ತದೆ. ಮುಸಾ ಹಸಾಹ್ಯ ಅವರ ಕಥೆ ಜಗತ್ತಿನಾದ್ಯಂತ ಕುತೂಹಲ ಹುಟ್ಟಿಸಿದರೂ, ಅದು ದೊಡ್ಡ ಕುಟುಂಬಗಳ ಹಿಂದೆ ಇರುವ ಆರ್ಥಿಕ ಹೊರೆ, ಸಾಮಾಜಿಕ ಒತ್ತಡ ಮತ್ತು ಜವಾಬ್ದಾರಿಯ ಮಹತ್ವವನ್ನು ನೆನಪಿಸುತ್ತದೆ. ಅವರ ಬದುಕು ಇಂದು ಅಚ್ಚರಿಯ ಕಥೆಯಷ್ಟೇ ಅಲ್ಲ, ಮುಂದಿನ ಪೀಳಿಗೆಗೆ ಪಾಠವೂ ಆಗಿದೆ.
