ಮೊಹಮ್ಮದ್ ಸಿರಾಜ್ ಮೈದಾನದಲ್ಲಿ ಮಾಡಿದ ಒಂದು ತಪ್ಪು ಗುಜರಾತ್ ಟೈಟಾನ್ಸ್ ತಂಡಕ್ಕೆ ತುಂಬಾ ದುಬಾರಿಯಾಗಿತ್ತು. ಪಂದ್ಯದ ನಿರ್ಣಾಯಕ ಹಂತದಲ್ಲಿ ಫಿನ್ ಅಲೆನ್ ಅವರ ಕ್ಯಾಚ್ ಅನ್ನು ಕೈಬಿಟ್ಟಿದ್ದು ಗುಜರಾತ್ ತಂಡದ ಮೇಲೆ ಪರಿಣಾಮ ಬೀರಿತು. ಇದು ಪಂದ್ಯದ ದಿಕ್ಕನ್ನೇ ಬದಲಾಯಿಸಿತು.

ಅಲೆನ್ ಕೇವಲ 33 ರನ್ ಗಳಿಸಿ ಬ್ಯಾಟಿಂಗ್ ಮಾಡುತ್ತಿದ್ದಾಗ ಸಿರಾಜ್ ಸುಲಭ ಕ್ಯಾಚ್ ಅನ್ನು ಕೈಚೆಲ್ಲಿದರು. ಈ ಜೀವ ದಾನದ ಸಂಪೂರ್ಣ ಲಾಭವನ್ನು ಪಡೆದುಕೊಂಡ ಅಲೆನ್ ಮೈದಾನದಲ್ಲಿ ಬಿರುಗಾಳಿಯನ್ನು ಎಬ್ಬಿಸಿದರು. ಅವರು ಶತಕ ಗಳಿಸುವ ಹತ್ತಿರ ಬಂದರು. ಆದರೆ, ಅವರು ತಮ್ಮ ಶತಕವನ್ನು ತಪ್ಪಿಸಿಕೊಂಡರೂ, ಕೇವಲ 35 ಎಸೆತಗಳಲ್ಲಿ 35 ಎಸೆತಗಳಲ್ಲಿ 10 ಸಿಕ್ಸರ್‌ಗಳು ಮತ್ತು 4 ಬೌಂಡರಿ ನೆರವಿನಿಂದ 93 ರನ್ ಗಳಿಸಿ ಸ್ಫೋಟಕ ಇನ್ನಿಂಗ್ಸ್ ಆಡಿದರು. ಕೆಕೆಆರ್ ಬೃಹತ್ ಮೊತ್ತ ಕಲೆ ಹಾಕುವಲ್ಲಿ ಅಲೆನ್ ಕೊಡುಗೆ ಮಹತ್ವದ್ದಾಗಿತ್ತು.

ಜೇಸನ್ ಹೋಲ್ಡರ್ ಎಸೆದ ಇನ್ನಿಂಗ್ಸ್‌ನ ಏಳನೇ ಓವರ್‌ನಲ್ಲಿ ಈ ಘಟನೆ ನಡೆಯಿತು. ಹೋಲ್ಡರ್ ಶಾರ್ಟ್ ಬಾಲ್ ಎಸೆದರು. ಫಿನ್ ಅಲೆನ್ ನಿಂತ ಸ್ಥಾನದಿಂದ ಪುಲ್ ಶಾಟ್ ಮಾಡಲು ಪ್ರಯತ್ನಿಸಿದರು. ಬಾಲ್ ಬ್ಯಾಟ್‌ನ ಮೇಲ್ಭಾಗಕ್ಕೆ ತಗುಲಿ ನೇರವಾಗಿ ಲಾಂಗ್-ಆನ್ ಫೀಲ್ಡರ್ ಮೊಹಮ್ಮದ್ ಸಿರಾಜ್ ಅವರ ಕೈಗೆ ಹೋಯಿತು. ಸಿರಾಜ್ ಅತ್ಯಂತ ಕಳಪೆ ಫೀಲ್ಡಿಂಗ್ ಪ್ರದರ್ಶಿಸಿದರು. ಸುಲಭ ಅವಕಾಶವನ್ನು ಕೈಚೆಲ್ಲಿ, ಅಲೆನ್ ಸಿಂಗಲ್ ಗಳಿಸಲು ಅವಕಾಶ ಮಾಡಿಕೊಟ್ಟರು.