ಪೊಲೀಸರು ಈಗ ಕೇತನ್ ಅವರ ಫೋನ್ ಬಗ್ಗೆ ಹೆಚ್ಚು ಗಮನ ಹರಿಸುತ್ತಿದ್ದಾರೆ. ಕೇತನ್ ಅವರನ್ನು ತಳ್ಳುವ ಸಮಯದಲ್ಲಿ ಸಿಯಾ ಆತನ ಫೋನ್ ತೆಗೆದುಕೊಂಡಿದ್ದಾಳೆ. ನಂತರ ಕುಟುಂಬಸ್ಥರು ಬಂದಾಗ ಫೋನ್ ಅವರಿಗೆ ನೀಡಿದ್ದಾಳೆ ಎಂದು ತಿಳಿದುಬಂದಿದೆ.

ಹೌದು, ಕೇತನ್​ ಸಾವಿಗೂ ಎರಡು ನಿಮಿಷಗಳ ಮುನ್ನ ಸಿಯಾ ಕೇತನ್​ ಫೋನ್​ ತೆಗೆದುಕೊಂಡಿದ್ದಾಳೆ. ನಂತರ ಕೇತನನ್ನು ಚೇತನ್ ಮತ್ತು ಸಿಯಾ ಸೇರಿ ತಳ್ಳಿದ್ದಾರೆ ಎನ್ನಲಾಗಿದೆ. ಸಿಯಾ ಕೇತನ್​ ಫೋನ್​ ತೆಗೆದುಕೊಂಡಾದ ಈ ನಡುವೆ ಫೋನ್‌ನ ಡೇಟಾವನ್ನು ಅಳಿಸಿಹಾಕಲಾಗಿದೆ ಎಂದು ತನಿಖಾ ಪೊಲೀಸರು ಶಂಕಿಸುತ್ತಿದ್ದಾರೆ. ಇದಕ್ಕಾಗಿ ಫೋನ್ ಅನ್ನು ವಿಧಿವಿಜ್ಞಾನ ಇಲಾಖೆಗೆ ಕಳುಹಿಸುವ ನಿರ್ಧಾರವನ್ನು ಪೊಲೀಸರು ತೆಗೆದುಕೊಂಡಿದ್ದಾರೆ.

ಪೊಲೀಸರು ಸಿಯಾ ಗೋಯಲ್ ಮೇಲೆ ಪಾಲಿಗ್ರಾಫ್ (ಸುಳ್ಳು ಪತ್ತೆಕಾರಕ) ಪರೀಕ್ಷೆ ನಡೆಸಲು ಬಯಸುತ್ತಿದ್ದಾರೆ. ಇದು ಹೊಸ ಸುಳಿವುಗಳನ್ನು ನೀಡುವ ಸಾಧ್ಯತೆ ಇದೆ. ಸಿಯಾ ಅಜಾಗರೂಕತೆಯಿಂದ ತನಿಖೆಗೆ ಸಹಾಯವಾಗುವ ಮಾಹಿತಿ ಬಹಿರಂಗಪಡಿಸಬಹುದು ಎಂಬ ನಿರೀಕ್ಷೆಯಿದೆ. ಅವಳು ಗೂಗಲ್‌ನಲ್ಲಿ ಲೋಹಗಡ್ ಕೋಟೆಯ ಎತ್ತರ ಹುಡುಕಿದ್ದಾಳೆಯೇ, ಇತರ ಡಿಜಿಟಲ್ ಚಟುವಟಿಕೆಗಳನ್ನು ಮಾಡಿದ್ದಾಳೆಯೇ ಎಂದು ಪರಿಶೀಲಿಸುತ್ತಿದ್ದಾರೆ.

ಪ್ರಕರಣ ಸಂಪೂರ್ಣವಾಗಿ ಸಾಂದರ್ಭಿಕ ಸಾಕ್ಷ್ಯಗಳ ಮೇಲೆ ಅವಲಂಬಿತವಾಗಿದೆ. ಪ್ರತ್ಯಕ್ಷದರ್ಶಿಗಳು ಇಲ್ಲ. ಸಿಸಿಟಿವಿ ದೃಶ್ಯಾವಳಿಗಳೂ ಇಲ್ಲ. ಚೇತನ್ ಚೌಧರಿ ಹೂಡಿ ಧರಿಸಿದ್ದನ್ನು ಮಾತ್ರ ಸಿಸಿಟಿವಿಯಲ್ಲಿ ಕಾಣುತ್ತಿದೆ. ಇದು ಕೊಲೆಗೆ ನೇರ ಪುರಾವೆಯಾಗುವುದಿಲ್ಲ. ಪೊಲೀಸರು ಡಮ್ಮಿಯನ್ನು ಬಳಸಿ ಅಪರಾಧದ ದೃಶ್ಯವನ್ನು ಮರುಸೃಷ್ಟಿಸಿದ್ದಾರೆ. ಆದರೆ ಡಮ್ಮಿ ಬೀಳುವುದು ಅದರ ತೂಕ, ಕೋನ ಮತ್ತು ವೇಗವನ್ನು ಅವಲಂಬಿಸಿರುವುದರಿಂದ ಇದಕ್ಕೆ ಕಡಿಮೆ ಕಾನೂನು ಮಹತ್ವವಿದೆ ಎಂದು ಅಧಿಕಾರಿಗಳು ಹೇಳುತ್ತಾರೆ.

ಪೊಲೀಸರು ಸಿಯಾ ಕೇತನ್ ಅವರನ್ನು ಮದುವೆಯಾಗಲು ಇಷ್ಟಪಡದ ಕಾರಣ ಸಿಯಾ ಮತ್ತು ಚೇತನ್ ಒಟ್ಟಾಗಿ ಕೊಲೆಗೆ ಸಂಚು ರೂಪಿಸಿದ್ದಾರೆ ಎಂದು ಆರೋಪಿಸುತ್ತಿದ್ದಾರೆ. ಕೊಲೆ ಪೂರ್ವಯೋಜಿತವಾಗಿದೆ ಎಂಬುದನ್ನು ಸಾಬೀತುಪಡಿಸಲು ಮೊಬೈಲ್ ಡೇಟಾ, ಕರೆ ದಾಖಲೆಗಳು, ಇಂಟರ್ನೆಟ್ ಹುಡುಕಾಟ ಇತಿಹಾಸ ಮತ್ತು ಡಿಜಿಟಲ್ ಪುರಾವೆಗಳನ್ನು ಪರಿಶೀಲಿಸುತ್ತಿದ್ದಾರೆ.