ಈ ವೇಳೆ ತಮಗೆ ಚಿಕನ್ ಬಿರಿಯಾನಿ ಇಷ್ಟ ಎಂದು ಜಾಹ್ನವಿ ಹೇಳಿದ್ದಾರೆ. ಇದೇ ವೇಳೆ ನಟಿ ತಾವು ಲಿಂಗಾಯತರು ಅಂತ ಬಹಿರಂಗಪಡಿಸಿದರು. ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಚರ್ಚೆಯ ಕೇಂದ್ರಬಿಂದುವಾಗಿದೆ.

ಲಿಂಗಾಯತರು ನಾನ್ವೆಜ್ ತಿನ್ನುತ್ತಾರಾ ಎಂದು ಬಹಳಷ್ಟು ಜನ ಕಮೆಂಟ್ ಮಾಡಿದ್ದು, ಇನ್ನೂ ಕೆಲವರು ಆಹಾರ ಎನ್ನುವುದು ವೈಯಕ್ತಿಕ ಹಕ್ಕು ಎಂದು ಹೇಳಿದ್ದಾರೆ. ಸದ್ಯ ಇದು ಹೊಸ ಚರ್ಚೆಗೆ ದಾರಿ ಮಾಡಿಕೊಟ್ಟಿದೆ.

ನಾನ್ ವೆಜ್ ಹೋಟೆಲ್ ಉದ್ಘಾಟನೆ ವೇಳೆ ಮಾತನಾಡಿದ್ದ ಜಾಹ್ನವಿ, ‘’ನನಗೆ ಚಿಕನ್ ಬಿರಿಯಾನಿ ಇಷ್ಟ. ಸ್ವಲ್ಪ ಖಾರ ಇಷ್ಟ. ಮಟನ್‌ಗಿಂತ ನನಗೆ ಚಿಕನ್ ಇಷ್ಟ’’ ಅಂತ ಹೇಳಿದ್ದರು. ಜಾಹ್ನವಿ ಮಾತು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

‘’ನಾವು ನಾನ್ ವೆಜ್ ಮಾಡಲ್ಲ. ನಾವು ಲಿಂಗಾಯತರು. ಮಾಡಿದರೆ ನಮ್ಮಮ್ಮ ಮನೆಯಿಂದ ಆಚೆ ಹಾಕ್ತಾರೆ. ನಾನು ತಿಂದಿದ್ದೀನಿ ಅಷ್ಟೇ. ಸವಿರುಚಿ ಶೋ ಮಾಡುವಾಗ ನಾನು ತಿಂದಿದ್ದೀನಿ. ನಾನು ಟೇಸ್ಟ್ ಮಾಡಿರೋದನ್ನ ಎಲ್ಲರೂ ನೋಡಿದ್ದಾರೆ’’ ಎಂದು ಜಾಹ್ನವಿ ಹೇಳಿದ್ದಾರೆ.