ತಾವು ಹೇಳುತ್ತಿದ್ದ ಘಟನೆಯನ್ನು ಕೇಳಿದ ಸ್ನೇಹಿತರು, ತಾವು ಕೂಡ ಆ ಘಟನೆಯ ಭಾಗವಾಗಿದ್ದೇವೆ ಎಂಬ ರೀತಿಯಲ್ಲಿ ಅನುಭವಿಸುತ್ತಿದ್ದರು ಎಂದು ಜೇಸನ್ ಹೇಳಿದ್ದಾರೆ. ಒಂದು ಘಟನೆಯನ್ನು ಕೇವಲ ವಿವರಿಸುವುದಕ್ಕಿಂತ ಅದನ್ನು ಕೇಳುವವರ ಮನಸ್ಸಿನಲ್ಲಿ ದೃಶ್ಯವಾಗಿ ಮೂಡಿಸುವ ಸಾಮರ್ಥ್ಯ ತಮ್ಮಲ್ಲಿದೆ ಎಂಬುದನ್ನು ಆಗ ಅರಿತುಕೊಂಡಿದ್ದರು.

ಕಥೆಗಳನ್ನು ಬರೆಯುತ್ತಾ ಹೋದಂತೆ ಸಿನಿಮಾ ಮೇಲಿನ ತಮ್ಮ ಆಸಕ್ತಿ ಸಾಮಾನ್ಯ ಹವ್ಯಾಸವಲ್ಲ ಎಂಬುದು ಜೇಸನ್ ಅವರಿಗೆ ಅರಿವಾಯಿತು. ಕಾಗದ ಮತ್ತು ಪೆನ್ನಿನ ಮೂಲಕ ಕಥೆಗಳನ್ನು ರೂಪಿಸುತ್ತಿದ್ದ ಅವರು, ನಂತರ ಅವುಗಳಲ್ಲಿ ಒಂದನ್ನು ಕಿರುಚಿತ್ರದ ರೂಪದಲ್ಲಿಯೂ ಪ್ರಯತ್ನಿಸಿದರು. ಅಲ್ಲಿಂದಲೇ ನಿರ್ದೇಶನದತ್ತ ತಮ್ಮ ಪ್ರಯಾಣ ಆರಂಭವಾಯಿತು ಎಂದು ವಿವರಿಸಿದ್ದಾರೆ.

ಆ ಬಳಿಕ ತಾವು ಇಷ್ಟಪಟ್ಟ ಕ್ಷೇತ್ರವನ್ನೇ ಮುಂದುವರಿಸಲು ನಿರ್ಧರಿಸಿದ್ದಾಗಿ ಜೇಸನ್ ಹೇಳಿದ್ದಾರೆ. ಇದೀಗ ಆ ಆಸಕ್ತಿ ಅವರನ್ನು ‘ಸಿಗ್ಮಾ’ ಚಿತ್ರದ ನಿರ್ದೇಶಕರನ್ನಾಗಿ ಮಾಡಿದೆ. ಸಿನಿಮಾ ನಿರ್ಮಾಣದ ವಿವಿಧ ಹಂತಗಳನ್ನು ಅನುಭವಿಸಿದ ಬಳಿಕ, ಮೊದಲ ಬಾರಿಗೆ ದೊಡ್ಡ ಪರದೆಯ ಸಿನಿಮಾಗೆ ನಿರ್ದೇಶನ ಮಾಡುತ್ತಿರುವುದು ಜೇಸನ್ ವೃತ್ತಿಜೀವನದಲ್ಲಿ ಪ್ರಮುಖ ಹೆಜ್ಜೆಯಾಗಿದೆ.

ಜೇಸನ್ ಸಂಜಯ್ ಗೆ ಸಿನಿಮಾ ಜಗತ್ತು ಸಂಪೂರ್ಣ ಹೊಸದಲ್ಲ. ಬಾಲ್ಯದಲ್ಲಿಯೇ ತಮ್ಮ ತಂದೆ ವಿಜಯ್ ಅವರೊಂದಿಗೆ ತೆರೆ ಮೇಲೆ ಕಾಣಿಸಿಕೊಂಡಿದ್ದರು. ವೆಟ್ಟೈಕಾರನ್’ ಸಿನಿಮಾದ ಹಾ

ಜೇಸನ್ ಸಂಜಯ್ ಸಿನಿಮಾ ಪಯಣದ ಬಗ್ಗೆ ಮಾತನಾಡುವಾಗ ದಳಪತಿ ವಿಜಯ್ ಪುತ್ರ ಎಂಬ ಗುರುತು ಸಹಜವಾಗಿಯೇ ಮುನ್ನೆಲೆಗೆ ಬರುತ್ತದೆ. ಆದರೆ ನಿರ್ದೇಶಕರಾಗಿ ತಮ್ಮದೇ ಆದ ಗುರುತನ್ನು ರೂಪಿಸಿಕೊಳ್ಳುವ ಪ್ರಯತ್ನವನ್ನು ಅವರು ಮಾಡುತ್ತಿದ್ದಾರೆ. ಇತ್ತೀಚಿನ ವರದಿಗಳ ಪ್ರಕಾರ, ಸಿಗ್ಮಾ ಚಿತ್ರದ ಕಥೆಯನ್ನು ಕುಟುಂಬದವರಿಗೂ ಮುಂಚಿತವಾಗಿ ಸಂಪೂರ್ಣವಾಗಿ ಬಹಿರಂಗಪಡಿಸದೆ ಇಟ್ಟುಕೊಂಡಿದ್ದರು. ಹೊಸ ಅನುಭವದೊಂದಿಗೆ ಸಿನಿಮಾ ನೋಡಬೇಕು ಎಂಬ ಉದ್ದೇಶವೂ ಇದಕ್ಕೆ ಕಾರಣವಾಗಿತ್ತು ಎಂದು ವರದಿಯಾಗಿದೆ.

ಜೇಸನ್ ಸಂಜಯ್ ನಿರ್ದೇಶನದ ಮೊದಲ ಸಿನಿಮಾ ಎಂಬ ಕಾರಣಕ್ಕೆ ಸಿಗ್ಮಾ ಈಗಾಗಲೇ ಗಮನ ಸೆಳೆದಿದೆ. ಸಂದೀಪ್ ಕಿಶನ್ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಈ ಸಿನಿಮಾ ಅಕ್ಟೋಬರ್ 2ರಂದು ತೆರೆಗೆ ಬರಲಿದೆ. ನಿರ್ದೇಶಕರಾಗಿ ಜೇಸನ್ ತಮ್ಮ ಮೊದಲ ಪ್ರಯತ್ನದಲ್ಲಿ ಯಾವ ರೀತಿಯ ಕಥೆಯನ್ನು ಪ್ರೇಕ್ಷಕರ ಮುಂದೆ ಇಡಲಿದ್ದಾರೆ ಎಂಬ ಕುತೂಹಲ ತಮಿಳು ಚಿತ್ರರಂಗದ ಅಭಿಮಾನಿಗಳಲ್ಲಿದೆ.