ಜಪಾನ್‌ನ ಪ್ರವರ್ಧಮಾನಕ್ಕೆ ಬರುತ್ತಿರುವ ಪ್ರವಾಸೋದ್ಯಮವು 2025ರ ವೇಳೆಗೆ 60 ಮಿಲಿಯನ್ ಪ್ರವಾಸಿಗರನ್ನು ಸ್ವಾಗತಿಸಬಹುದು ಎಂದು ಅಂದಾಜಿಸಲಾಗಿದೆ.

2024ರಲ್ಲಿ ಆಗಮನದ ಸಂಖ್ಯೆಯು 2019ರಲ್ಲಿ ಸಾಂಕ್ರಾಮಿಕ ಪೂರ್ವದ ಉತ್ತುಂಗದಿಂದ 16% ಹೆಚ್ಚಾಗಿದೆ. ಜೊತೆಗೆ ಈ ವರ್ಷದ ಅಂತ್ಯದ ವೇಳೆಗೆ 60 ಮಿಲಿಯನ್ ಪ್ರವಾಸಿಗರು ಬರುವ ಸಾಧ್ಯತೆ ಇದ್ದು, $100 ಶತಕೋಟಿ ಆದಾಯವನ್ನು ಅಂದಾಜಿಸಲಾಗಿದೆ.

ಜನಸಂದಣಿ, ಜನಪ್ರಿಯ ಪ್ರದೇಶಗಳಲ್ಲಿ ಯಾವಾಗಲೂ ಗಿಜಿಗಿಜಿ, ಫೋಟೋಕ್ಕಾಗಿ ಎಲ್ಲಿಬೇಕಲ್ಲಿ ನಿಲ್ಲುವ ಪ್ರವಾಸಿಗರು, ಟ್ರಾಫಿಕ್‌ ಇಂತಹ ಸಮಸ್ಯೆಗಳು ಪ್ರವಾಸಿಗರ ಸಂಖ್ಯೆ ಹೆಚ್ಚಾದಂತೆ ಹೆಚ್ಚಾಗುತ್ತದೆ.

ಜಪಾನ್‌ ಕೂಡ ಹೇರಳ ಪ್ರವಾಸಿಗರಿಂದ ಕೆಲ ತೊಂದರೆಗಳನ್ನು ಅನುಭವಿಸುತ್ತಿದೆ. ಜಪಾನ್‌ ಒಂದು ವ್ಯವಸ್ಥಿತ ದೇಶವಾಗಿದ್ದು, ಇವುಗಳು ಹೆಚ್ಚಾಗಿ ತೊಂದರೆ ಎನಿಸಲ್ಲ.

ಅದಾಗ್ಯೂ ಸಾರ್ವಜನಿಕರ ಸಲಹೆ ಮೇರೆಗೆ ಈ ಎಲ್ಲಾ ಸಮಸ್ಯೆಗಳನ್ನು ಪರಿಹರಿಸಲು ಜಪಾನ್‌ ಪ್ರವಾಸೋದ್ಯಮ ಕಾರ್ಯತಂತ್ರವು ಕಾರ್ಯನಿರ್ವಹಿಸುತ್ತಿದೆ.

ಪ್ರಸ್ತಾವಿತ ಪರಿಹಾರಗಳಲ್ಲಿ ಹೆಚ್ಚಿನ ವಸತಿ ಮತ್ತು ನಿರ್ಗಮನ ತೆರಿಗೆಗಳು ಮತ್ತು ನಾಗರಿಕರಿಗೆ ಅನುಕೂಲವಾಗುವಂತೆ ಪ್ರವಾಸೋದ್ಯಮ ವ್ಯವಸ್ಥೆಯನ್ನು ಯೋಜಿಸಲು ಜಪಾನ್ ಕ್ರಮಗಳನ್ನು ಕೈಗೊಳ್ಳುತ್ತಿದೆ.‌

ಒಂದು ದೇಶದಲ್ಲಿರುವ ಹೈಟೆಕ್‌ ತಂತ್ರಜ್ಞಾನ, ಹೈ-ಸ್ಪೀಡ್ ಬುಲೆಟ್ ಟ್ರೈನ್ ಇಲ್ಲಿನ ವಿಶೇಷತೆ. ಜಪಾನ್‌ನಲ್ಲಿರುವ ರೋಬೋಟ್ ರೆಸ್ಟೋರೆಂಟ್‌ಗಳು ಮತ್ತು ಕೆಫೆಗಳು ಕೂಡ ಬಹಳ ಜನಪ್ರಿಯವಾಗಿವೆ, ಇದನ್ನು ನೋಡಲು ಅಸಂಖ್ಯಾತ ಪ್ರವಾಸಿಗರು ಧಾವಿಸುತ್ತಾರೆ.

ಇಲ್ಲಿನ ಲಕ್ಸುರಿ ಹೋಟೆಲ್‌ಗಳು ಕೂಡ ಪ್ರವಾಸಿಗರ ಗಮನ ಸೆಳೆಯುವಂತಿವೆ. ಕ್ಯೋಟೋ ಹೋಟೆಲ್‌ ವೇದಿಕೆ ಒಂದು ರಾತ್ರಿಗೆ 10,000 ಯೆನ್ ($64) ವರೆಗೆ ಶುಲ್ಕ ವಿಧಿಸುತ್ತದೆ. ಇಂತಹ ಲಕ್ಸುರಿ ಹೋಟೆಲ್‌ ಜೊತೆಗೆ ನಿಮಗೆ ಬಜೆಟ್‌ ಸ್ನೇಹಿಯಾದ ಕ್ಯಾಪ್ಸುಲ್ ಹೋಟೆಲ್‌ಗಳು ಕೂಡ ಸಿಗುತ್ತವೆ.