ಟಾಸ್​ ಗೆದ್ದು ಬ್ಯಾಟಿಂಗ್ ಮಾಡಿದ ಇಂಗ್ಲೆಂಡ್​​ ತಂಡಕ್ಕೆ ಆರಂಭಿಕ ಆಟಗಾರರು ಅತ್ಯುತ್ತಮ ಆರಂಭವನ್ನು ನೀಡಿದರು. ಈ ಜೋಡಿ ಮೊದಲ ವಿಕೆಟ್​​ ಜೊತೆಯಾಟದ 181 ಎಸೆತಗಳಲ್ಲಿ ಮೊದಲ ವಿಕೆಟ್‌ಗೆ 192 ರನ್‌ಗಳನ್ನು ಸೇರಿಸುವ ಮೂಲಕ ಇತಿಹಾಸ ಸೃಷ್ಟಿಸಿತು. ಇದು ಏಕದಿನ ಕ್ರಿಕೆಟ್‌ನಲ್ಲಿ ಭಾರತದ ವಿರುದ್ಧ ಇಂಗ್ಲೆಂಡ್‌ನ ಯಾವುದೇ ವಿಕೆಟ್‌ಗೆ ದಾಖಲಾದ ಅತ್ಯಧಿಕ ಜೊತೆಯಾಟವಾಗಿದೆ. ಈ ಜೊತೆಯಾಟದ ಮೂಲಕ ಬೆಥೆಲ್ ಮತ್ತು ಡಕೆಟ್ ದಿಗ್ಗಜರಾದ ಜೋ ರೂಟ್ ಮತ್ತು ಇಯಾನ್ ಮಾರ್ಗನ್ ಅವರ ದಾಖಲೆಯನ್ನು ಬ್ರೇಕ್ ಮಾಡಿದರು. 2018 ರಲ್ಲಿ ಲೀಡ್ಸ್‌ನಲ್ಲಿ ಭಾರತದ ವಿರುದ್ಧ ರೂಟ್ ಮತ್ತು ಮಾರ್ಗನ್ 189 ರನ್ ಗಳ ಜೊತೆಯಾಟವಾಡಿದ್ದರು. 2002ರಲ್ಲಿ ಲಾರ್ಡ್ಸ್‌ನಲ್ಲಿ ಭಾರತದ ವಿರುದ್ಧ ಎರಡನೇ ವಿಕೆಟ್ ಗೆ ಮಾರ್ಕಸ್ ಟ್ರೆಸ್ಕೊಥಿಕ್ ಮತ್ತು ನಾಸರ್ ಹುಸೇನ್ 185 ರನ್ ಗಳ ಜೊತೆಯಾಟವಾಡಿದ್ದದ್ದು ಈ ಹಿಂದಿನ ದಾಖಲೆಗಳಾಗಿದ್ದವು.

ಮೊದಲ ಎರಡು ಪಂದ್ಯಗಳಲ್ಲಿ ಅಲ್ಪಮೊತ್ತಕ್ಕೆ ವಿಕೆಟ್ ಒಪ್ಪಿಸಿದ್ದ 22 ವರ್ಷದ ಬೆಥೆಲ್, ಅಂತಿಮ ಏಕದಿನ ಪಂದ್ಯದಲ್ಲಿ ಶತಕ ಗಳಿಸುವ ಅವಕಾಶವನ್ನು ಕೇವಲ 9 ರನ್​ಗಳಿಂದ ಕಳೆದುಕೊಂಡರು. ಅವರು 92 ಎಸೆತಗಳಲ್ಲಿ 11 ಬೌಂಡರಿ ಮತ್ತು ಎರಡು ಸಿಕ್ಸರ್ ಗಳನ್ನು ಬಾರಿಸಿದರು. ಡಕೆಟ್ 109 ಎಸೆತಗಳಲ್ಲಿ 15 ಬೌಂಡರಿಗಳ ನೆರವಿನಿಂದ ಶತಕ ಪೂರೈಸಿದರು. ಇದು ಅವರ ನಾಲ್ಕನೇ ಏಕದಿನ ಶತಕವಾಗಿದೆ. ಒಟ್ಟಾರೆ 135 ಎಸೆತಗಳಲ್ಲಿ 18 ಬೌಂಡರಿ, 1 ಸಿಕ್ಸರ್ ಸಹಿತ 141 ರನ್​ಗಳಿಸಿ ಬೃಹತ್ ಮೊತ್ತಕ್ಕೆ ಕಾರಣರಾದರು.

ಗಮನಾರ್ಹವಾಗಿ, ಇಂಗ್ಲೆಂಡ್ ಆರಂಭಿಕರು ಲಾರ್ಡ್ಸ್‌ನಲ್ಲಿ 100 ಕ್ಕೂ ಹೆಚ್ಚು ರನ್ ಗಳ ಜೊತೆಯಾಟವನ್ನು ಹಂಚಿಕೊಂಡಿರುವುದು 16 ವರ್ಷಗಳಲ್ಲಿ ಇದೇ ಮೊದಲು. ಬೆಥೆಲ್ ಮತ್ತು ಡಕೆಟ್ ಗಿಂತ ಮೊದಲು, ಆಂಡ್ರ್ಯೂ ಸ್ಟ್ರಾಸ್ ಮತ್ತು ಸ್ಟೀವನ್ ಡೇವಿಸ್ ಜೋಡಿ ಈ ಸಾಧನೆ ಮಾಡಿತು. 2010ರಲ್ಲಿ ಪಾಕಿಸ್ತಾನ ವಿರುದ್ಧ ಈ ಇಬ್ಬರೂ 113 ರನ್‌ಗಳ ಆರಂಭಿಕ ಜೊತೆಯಾಟ ಹಂಚಿಕೊಂಡಿದ್ದರು. 2023 ರ ODI ವಿಶ್ವಕಪ್‌ನಲ್ಲಿ ಧರ್ಮಶಾಲಾದಲ್ಲಿ ಬಾಂಗ್ಲಾದೇಶ ವಿರುದ್ಧ ಜಾನಿ ಬೈರ್‌ಸ್ಟೋವ್ ಮತ್ತು ಡೇವಿಡ್ ಮಲನ್ ಅವರ ಶತಕದ ಪಾಲುದಾರಿಕೆಯ ನಂತರ ಇದು ಇಂಗ್ಲೆಂಡ್‌ನ ODIಗಳಲ್ಲಿ ಬಂದ 100 ಕ್ಕೂ ಹೆಚ್ಚು ರನ್‌ಗಳ ಮೊದಲ ಆರಂಭಿಕ ಜೊತೆಯಾಟವಾಗಿದೆ. ಲಾರ್ಡ್ಸ್‌ನಲ್ಲಿ ನಡೆದ ODI ಪಂದ್ಯದಲ್ಲಿ ಬೆಥೆಲ್ ಮತ್ತು ಡಕೆಟ್ ಯಾವುದೇ ವಿಕೆಟ್‌ಗೆ ನಾಲ್ಕನೇ ಅತ್ಯಧಿಕ ಜೊತೆಯಾಟ ದಾಖಲಿಸಿದ್ದಾರೆ.

226 ಆಂಡ್ರ್ಯೂ ಸ್ಟ್ರಾಸ್ – ಆಂಡ್ರ್ಯೂ ಫ್ಲಿಂಟಾಫ್ vs ವೆಸ್ಟ್ ಇಂಡೀಸ್ 2004 (4ನೇ ವಿಕೆಟ್)