ಲಹೌಲ್ ಸ್ಪಿತಿಯ ಉದಯಪುರದಿಂದ ಪಂಗಿ ಎಂಬ ಪ್ರದೇಶಕ್ಕೆ 15 ಪ್ರಯಾಣಿಕರನ್ನು ಕರೆದೊಯ್ಯುತ್ತಿದ್ದ ಟ್ಯಾಕ್ಸಿ ಮೇಲೆ SKTT ರಸ್ತೆಯ ಉದಯಪುರ-ಕಿಲ್ಲರ್ ಪ್ರದೇಶದ ಕಾಡು ನಾಲಾ ಬಳಿ ಬೆಟ್ಟದ ಒಂದು ದೊಡ್ಡ ಭಾಗ ಕುಸಿದು ನಜ್ಜುಗುಜ್ಜಾಗಿದೆ. ಭೂಕುಸಿತದಿಂದಾಗಿ ಮುಚ್ಚಲ್ಪಟ್ಟಿದ್ದ ಈ ಮಾರ್ಗವನ್ನು ದಿನಪೂರ್ತಿ ಮತ್ತೆ ತೆರೆಯಲಾಗಿತ್ತು ಮತ್ತು ಟಿಂಡಿಯಲ್ಲಿ ರಾತ್ರಿಯಿಡೀ ಸಿಲುಕಿಕೊಂಡಿದ್ದ ಪ್ರಯಾಣಿಕರು ಈಗಷ್ಟೇ ತಮ್ಮ ಪ್ರಯಾಣವನ್ನು ಪುನರಾರಂಭಿಸಿದ್ದರು. ಆದರೆ ಅಷ್ಟರಲ್ಲೇ ಈ ದುರಂತ ಸಂಭವಿಸಿದೆ.

ಪೊಲೀಸರು, ಸ್ಥಳೀಯ ಆಡಳಿತ ಮತ್ತು ರಕ್ಷಣಾ ತಂಡಗಳು ಸ್ಥಳಕ್ಕೆ ಧಾವಿಸಿ ರಕ್ಷಣಾ ಕಾರ್ಯಾಚರಣೆಯನ್ನು ಆರಂಭಿಸಿದವು. ಗಾಯಗೊಂಡ ಒಬ್ಬ ಪ್ರಯಾಣಿಕನನ್ನು ಆರಂಭದಲ್ಲಿ ಅವಶೇಷಗಳಿಂದ ಹೊರತೆಗೆದು ಆಸ್ಪತ್ರೆಗೆ ಸ್ಥಳಾಂತರಿಸಲಾಯಿತು, ಆದರೆ ಭೂಕುಸಿತವನ್ನು ತೆರವುಗೊಳಿಸಲು ಮತ್ತು ಉಳಿದ ನಿವಾಸಿಗಳಿಗಾಗಿ ಹುಡುಕಾಟ ನಡೆಸಲು ಭಾರೀ ಯಂತ್ರೋಪಕರಣಗಳನ್ನು ನಿಯೋಜಿಸಲಾಯಿತು.

ಪಾಂಗಿ ಕಣಿವೆಯ ಕಿಲ್ಲಾರ್–ಉದಯಪುರ (Killar–Udaipur) ರಸ್ತೆಯಲ್ಲಿರುವ ಕಾಡು ನಲ್ಲಾ (Kadu Nallah) ಬಳಿ ಹತ್ತಿರದ ಬೆಟ್ಟದಿಂದ ದೊಡ್ಡ ಬಂಡೆಗಳು ಕುಸಿದು ಬಿದ್ದುವು. ಆ ಸಮಯದಲ್ಲಿ ಚಲಿಸುತ್ತಿದ್ದ ಟ್ಯಾಕ್ಸಿ ಮೇಲೆ ಬಿದ್ದವು. ಬೆಟ್ಟದ ಒಂದು ಭಾಗ ಕುಸಿದು ಬಂಡೆ ರಸ್ತೆಯ ಮೇಲೆ ಬಿದ್ದು ವಾಹನವನ್ನು ಸಂಪೂರ್ಣವಾಗಿ ನಾಶಪಡಿಸಿತು.

15 ನಿವಾಸಿಗಳಲ್ಲಿ ಆರು ತಿಂಗಳ ಶಿಶು ಸೇರಿದಂತೆ 13 ಜನರು ಪ್ರಾಣ ಕಳೆದುಕೊಂಡಿದ್ದಾರೆ ಮತ್ತು ಇಬ್ಬರು ಸುರಕ್ಷಿತವಾಗಿದ್ದಾರೆ ಎಂದು ಭರ್ಮೌರ್ ಶಾಸಕ ಜನಕ್ ರಾಜ್ ತಿಳಿಸಿದ್ದಾರೆ. ರಕ್ಷಣಾ ಮತ್ತು ಪರಿಹಾರ ಕಾರ್ಯಾಚರಣೆಗಳನ್ನು ಮೇಲ್ವಿಚಾರಣೆ ಮಾಡಲು ಮತ್ತು ಪೀಡಿತ ಕುಟುಂಬಗಳಿಗೆ ಸಾಧ್ಯವಿರುವ ಎಲ್ಲ ಸಹಾಯವನ್ನು ಖಚಿತಪಡಿಸಿಕೊಳ್ಳಲು ಚಂಬಾ ಮತ್ತು ಲಹೌಲ್-ಸ್ಪಿಟಿ ಜಿಲ್ಲಾಡಳಿತದ ಹಿರಿಯ ಅಧಿಕಾರಿಗಳೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದೇನೆ ಎಂದು ಅವರು ಹೇಳಿದರು.ಹಿ

ಭರ್ಮೌರ್-ಪಾಂಗಿ ವಿಧಾನಸಭಾ ಕ್ಷೇತ್ರದ ಎಂಎಲ್‌ಎ ಡಾ. ಜನಕ್ ರಾಜ್ ಈ ಸಾವುಗಳನ್ನು ದೃಢಪಡಿಸಿದ್ದಾರೆ. ರಕ್ಷಣಾ ಮತ್ತು ಪರಿಹಾರ ತಂಡಗಳನ್ನು ತಕ್ಷಣ ಕಳುಹಿಸಲಾಗಿದೆ. ಅವಶೇಷಗಳನ್ನು ತೆರವುಗೊಳಿಸಿ, ಹಾನಿಗೊಂಡ ವಾಹನದಿಂದ ಶವಗಳನ್ನು ಹೊರತೆಗೆಯುವ ಕಾರ್ಯ ನಡೆಯುತ್ತಿದೆ ಎಂದಿದ್ದಾರೆ.

ಹಿಮಾಚಲ ಪ್ರದೇಶದ ಪರ್ವತ ಪ್ರದೇಶಗಳಲ್ಲಿ ಭಾರೀ ಮಳೆಯಿಂದ ಬೆಟ್ಟಗಳು ಅಸ್ಥಿರವಾಗಿ, ರಾಕ್‌ಫಾಲ್ ಮತ್ತು ಭೂಕುಸಿತಗಳು ಸಾಮಾನ್ಯ. IMDಯು ಕೆಲವು ಪ್ರದೇಶಗಳಿಗೆ ಮಳೆಯ ಎಚ್ಚರಿಕೆ ನೀಡಿದೆ. ಈ ರಸ್ತೆ ಕಠಿಣ ಪರ್ವತ ಪ್ರದೇಶದಲ್ಲಿ ಹಾದುಹೋಗುವುದರಿಂದ ಇಂತಹ ಅಪಾಯಗಳು ಹೆಚ್ಚು ಎಂದು ಪಿಟಿಐ ವರದಿ ಮಾಡಿದೆ.