Last Updated:
ಸೌರಾಷ್ಟ್ರ ಪ್ರದೇಶದ ಕರಾವಳಿ ನಗರದಿಂದ ಸುಮಾರು 6 ಕಿ.ಮೀ ದೂರದಲ್ಲಿರುವ ಧರಂಪುರ್ ಗ್ರಾಮದ ತೆರೆದ ಮೈದಾನದಲ್ಲಿ ಯುಎವಿ ಅಪಘಾತಕ್ಕೀಡಾಗಿದೆ ಎಂದು ಪೋರಬಂದರ್ ಜಿಲ್ಲಾಧಿಕಾರಿ ಎಸ್. ಧನಾನಿ ಸುದ್ದಿಗಾರರಿಗೆ ತಿಳಿಸಿದರು.
ಪೋರಬಂದರ್: ಗುಜರಾತ್ನ ಪೋರಬಂದರ್ ಜಿಲ್ಲೆಯ ಧರಂಪುರ್ ಗ್ರಾಮದ ಬಳಿ ಬುಧವಾರ ನಿಯಮಿತ ತರಬೇತಿ ಹಾರಾಟದ ವೇಳೆ (Drishti-10 UAV Crash) ಭಾರತೀಯ ನೌಕಾಪಡೆಯ ಮಾನವರಹಿತ ವೈಮಾನಿಕ ವಾಹನ (UAV) ಅಪಘಾತಕ್ಕೀಡಾಗಿದೆ.
ಈ ಅಪಘಾತವು ತೆರೆದ ನಿರ್ಜನ ಪ್ರದೇಶದಲ್ಲಿ ನಡೆದಿದ್ದು, ಯಾವುದೇ ಪ್ರಾಣಹಾನಿ ಅಥವಾ ಯಾವುದೇ ಆಸ್ತಿಗೆ ಗಮನಾರ್ಹ ಹಾನಿಯಾಗಿಲ್ಲ. ಆದರೆ, ಈ ಘಟನೆಯು ಆ ಪ್ರದೇಶದಲ್ಲಿ ಸಾಕಷ್ಟು ಭೀತಿಯನ್ನು ಉಂಟುಮಾಡಿತು. ಕಡಲ ಭದ್ರತೆಗಾಗಿ ನೌಕಾಪಡೆಗೆ ಸೇರಿಸಲಾದ ‘ದೃಷ್ಟಿ -10 ಸ್ಟಾರ್ಲೈನರ್’ ಡ್ರೋನ್ ತಾಂತ್ರಿಕ ದೋಷದಿಂದಾಗಿ ಪತನಗೊಂಡಿದೆ ಎಂದು ಮೂಲಗಳು ತಿಳಿಸಿವೆ.
‘ಭಾರತೀಯ ನೌಕಾಪಡೆಯು ‘ದ್ರಷ್ಟಿ-10’ ಮಾನವರಹಿತ ವೈಮಾನಿಕ ವಾಹನ (UAV) ತರಬೇತಿ ಹಾರಾಟದ ಸಮಯದಲ್ಲಿ ಪೋರಬಂದರ್ ವಾಯುನೆಲೆಯ ಬಳಿ ಅಪಘಾತಕ್ಕೀಡಾಗಿದೆ ಎಂದು ದೃಢಪಡಿಸಿದೆ. ನೆಲದ ಮೇಲೆ ಯಾವುದೇ ಗಾಯಗಳು ಅಥವಾ ಸಾವುನೋವುಗಳ ವರದಿಯಾಗಿಲ್ಲ. ಘಟನೆಯ ಕಾರಣವನ್ನು ತನಿಖೆ ಮಾಡಲಾಗುತ್ತಿದೆ’ ಎಂದು ನೌಕಾಪಡೆಯ ವಕ್ತಾರರು X ನಲ್ಲಿ ಪೋಸ್ಟ್ ಮಾಡಿದ್ದಾರೆ.
ದೃಷ್ಟಿ-10 ಮಧ್ಯಮ ಎತ್ತರದ ದೀರ್ಘ ಸಹಿಷ್ಣುತೆಯ ವರ್ಗದಲ್ಲಿರುವ ಮಾನವರಹಿತ ವೈಮಾನಿಕ ವಾಹನವಾಗಿದ್ದು, ಇದನ್ನು ಹೆಚ್ಚಾಗಿ ಕಣ್ಗಾವಲು ಮತ್ತು ಕಡಲ ಕ್ಷೇತ್ರದ ಜಾಗೃತಿ ಉದ್ದೇಶಗಳಿಗಾಗಿ ಬಳಸಲಾಗುತ್ತದೆ.
‘ನೌಕಾಪಡೆಯ ಸಿಬ್ಬಂದಿ ಈಗಾಗಲೇ ಸ್ಥಳಕ್ಕೆ ತಲುಪಿದ್ದು, ಹೆಚ್ಚಿನ ತನಿಖೆ ಆರಂಭಿಸಿದ್ದಾರೆ’ ಎಂದು ಅವರು ಹೇಳಿದರು.
