ಇತ್ತೀಚೆಗೆ ನಟನ ಬಗ್ಗೆ ಅಚ್ಚರಿಯ ಸುದ್ದಿಯೊಂದು ಕೇಳಿ ಬರುತ್ತಿದೆ. ನಟ ವಿಜಯ್ ಅವರು ಚೆನ್ನೈನ ಪೊಯೆಸ್ ಗಾರ್ಡನ್​ನಲ್ಲಿರುವ ಮಾಜಿ ಸಿಎಂ, ತಮಿಳು ಚಿತ್ರರಂಗದ ಖ್ಯಾತ ನಟಿ ಜಯಯಲಿತಾ ತಮಿಳುನಾಡು ಮಕ್ಕಳು ಪ್ರೀತಿಯ ಅಮ್ಮನ ಮನೆಯನ್ನು ಖರೀದಿಸೋಕೆ ಯೋಚಿಸುತ್ತಿದ್ದಾರಂತೆ.

ಮುಖ್ಯಮಂತ್ರಿಗಳ ಈ ಸುದೀರ್ಘ ಪ್ರಯಾಣದಿಂದಾಗಿ, ಟ್ರಾಫಿಕ್ ಅಡಚಣೆಯ ಜೊತೆಗೆ, ಸಾರ್ವಜನಿಕರಿಗೂ ಕಿರಿಕಿರಿ ಉಂಟಾಗುತ್ತಿದೆ. ಈ ಹಿನ್ನಲೆಯಲ್ಲಿ, ಚೆನ್ನೈನ ಹೃದಯ ಭಾಗಕ್ಕೆ ಶಿಫ್ಟ್ ಆಗುವ ಬಗ್ಗೆ ವಿಜಯ್ ಯೋಚಿಸುತ್ತಿದ್ದಾರಂತೆ. ಈ ಸಂಬಂಧ ಈಗಾಗಲೇ ಸುದ್ದಿಗಳು ಕೇಳಿ ಬರುತ್ತಿವೆ.

ಸರ್ಕಾರಿ ಬಂಗಲೆಯ ಬದಲಿಗೆ ತಮ್ಮದೇ ಸ್ವಂತ ಮನೆ ಹೊಂದಿರಲು ವಿಜಯ್ ಮುಂದಾಗಿದ್ದಾರಂತೆ. ಹೀಗಾಗಿ ಜಾಗದ ಮಾಲೀಕರು ಆಗಿರುವ ದೀಪಾ ಅವರ ಜೊತೆ ಮಾತುಕತೆ ಆರಂಭವಾಗಿದೆ. ಪೋಯಸ್ ಗಾರ್ಡನ್ ನಿವಾಸ ಮತ್ತು ಜಾಗದ ಸದ್ಯದ ಮಾರುಕಟ್ಟೆ ಮೌಲ್ಯ 350 ಕೋಟಿ ರೂಪಾಯಿ ಇದ್ದು, ಅದದೇ ಬೆಲೆಗೆ ಖರೀದಿಸುವ ಸಂಬಂಧ, ಆರಂಭಿಕ ಹಂತದ ಮಾತುಕತೆಗಳು ಚಾಲ್ತಿಯಲ್ಲಿದೆ ಎನ್ನುವ ಸುದ್ದಿ ಕೇಳಿ ಬಂದಿದೆ.

ಪ್ರಸಿದ್ಧ ಪೊಯಸ್ ಗಾರ್ಡನ್​ನಲ್ಲಿ ಧನುಷ್, ರಜನೀಕಾಂತ್ ಸೇರಿ ಖ್ಯಾತ ಸೆಲೆಬ್ರಿಟಿಗಳು ಮನೆ ಹೊಂದಿದ್ದಾರೆ. ಒಂದು ವೇಳೆ ಜಯಲಲಿತಾ ಅವರ ಮನೆ ಖರೀದಿ ಡೀಲ್ ಸಕ್ಸಸ್ ಆಗದೇ ಹೋದರೆ ವಿಜಯ್ ಅವರು ರಾಜಕಾರಣಿಗಳ ಮತ್ತು ಸಚಿವರ ಸರ್ಕಾರಿ ಬಂಗಲೆಗಳಲ್ಲೋ ಅಥವಾ ಪಟ್ಟಿನಪಾಕಂನಲ್ಲಿರುವ ತಮ್ಮದೇ ಸ್ವಂತ ಜಾಗದಲ್ಲಿ ವಾಸ್ತವ್ಯವನ್ನು ಹೂಡಲಿದ್ದಾರೆ ಎಂದು ವಿಜಯಕರ್ನಾಟಕ.ಕಾಮ್ ವರದಿ ಮಾಡಿದೆ.